Kaviyak wak Abunna Ta̱mu̱ta̱dde̱no̱ eher Joni 14:9 - Tennet

⁹ O̱bo̱de̱k Ye̱su̱ nonno, a̱nne̱k ne, “Vilip, kabak nga̱to̱de̱ e̱rki̱nya̱ cik meelek, iróng i̱nna̱ a̱gga̱ya̱n? Ming icinna e̱e̱ti̱ imma annita, ogon niko icin enne Baba bu̱k.” Kar bo̱do̱k kize ne, “Nya ci azi i̱nna̱ ne, ‘Ye̱le̱kke̱t Baba ko̱’?

Kaviyak wak Abunna Ta̱mu̱ta̱dde̱no̱ eher Joni 14:9 ပူးပေါင်းရင်းမြစ်များ

Kananet 26:9

Utu zin Abimelechi I̱sa̱ko̱ kar kizek ne, “Een Rebekah de̱de̱ ngaa cunne! Nya i̱nna̱ ming azi ne, ‘Een enne ngoonu ko̱’?” O̱bo̱de̱k zin I̱sa̱ko̱ nonno, “Eci ko̱ngo̱o̱le̱ kokolozi wo̱ye̱ anna ruget cinanni zo̱ze̱ cinne.”

Marko 9:19

O̱bo̱de̱k zin Ye̱su̱ nogo, “Eehi, i̱ge̱t bu̱u̱l ci iróng anyakku tu̱we̱ne̱t ko̱, kabak wo̱ye̱ anna ki i̱ge̱t u̱u̱mu̱c? Anyaktta lo̱gu̱t necu rok annita.”

Lu̱ka̱ 12:56

Niga ol wak a̱ru̱kku̱ talaben ko̱! A̱gga̱yyu̱ niga ming a̱du̱wa̱nnu̱ kaal cik i̱ye̱la̱i̱ lo̱o̱ta̱ ngatu ki cik aavtte ta̱mu̱-kenga. Ogon zin ku̱ ci iróng niga a̱gga̱yyu̱ kar u̱du̱kta̱ kaal cik i̱i̱nya̱ ciko ko̱?”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 10:30

Kodowina anna ki Baba.”

Kaviyak wak Abunna Ta̱mu̱ta̱dde̱no̱ eher Joni 12:45

Ming acinna e̱e̱ti̱ annita, acin enne e̱e̱t wa i̱tto̱na̱na̱ annita bu̱k.

Kaviyak wak Abunna Ta̱mu̱ta̱dde̱no̱ eher Joni 14:20

A̱gga̱yyu̱ atin niga wazin neci ming kodowina anna ki Baba, kar zin bo̱do̱k niga o̱do̱ye̱ ki annita.

Kaviyak wak Abunna Ta̱mu̱ta̱dde̱no̱ eher Joni 14:7

Ming a̱gga̱yya̱ng, a̱gga̱yyu̱ Baba bu̱k. Akane i̱yo̱ko̱ niko kuk, a̱gga̱yyu̱ nonno kar bo̱do̱k icinntu nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 8:19

I̱jji̱nne̱t zin nege nonno, a̱nne̱k ne, “Aave Baatunne nga?” O̱bo̱de̱k zin Ye̱su̱ nogo, ize ne, “Iróng niga a̱gga̱yya̱ng, iróng bo̱do̱k a̱gga̱yyu̱ Baba bu̱k, ming a̱gga̱yya̱ng, a̱gga̱yyu̱ Baba bu̱k.”

1 Ko̱ri̱nto̱ 15:12

Ming kuwahek naga ol zoz ci ingane Ki̱ri̱sto̱ daiza, nya ming azi ol uggak ngatinno̱ng ne iróng atin ol wak a̱da̱i̱to̱ ingazi daiza ko̱?

Vilipia 2:6

Een bali Ki̱ri̱sto̱ Ta̱mu̱ta̱dde̱n de̱de̱. Iróng zin bali enne atubuz ele cinne ki Ta̱mu̱ta̱dde̱n.

Kolosiya 1:15

Een Ki̱ri̱sto̱ ri̱ri̱to̱n ci Ta̱mu̱ta̱dde̱n ci iróng naga kacin eberene, nonno bo̱do̱k ci een a̱bu̱ ci kaal cik eenyca Ta̱mu̱ta̱dde̱n do̱o̱k.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.