Kaviyak wak Abunna Ta̱mu̱ta̱dde̱no̱ eher Joni 14:6 - Tennet

⁶ O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 14:6 ပူးပေါင်းရင်းမြစ်များ

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 1:4

Een Zoz neci ruget ci e̱e̱t ci diiri, okko rugeti neci anyahak ol vooriten ci i̱ye̱le̱k nogo gool ci baizo.

Kaviyak wak Abunna Ta̱mu̱ta̱dde̱no̱ eher Joni 10:28

Kanyike anna nogo ruget wa aave udut, iróng bo̱do̱k nege ngen a̱da̱i̱. A̱zze̱ e̱e̱ti̱ imma ci aama nogo a̱tte̱ cinanni to.

Kaviyak wak Abunna Ta̱mu̱ta̱dde̱no̱ eher Joni 10:7

A̱nne̱k zin Ye̱su̱ bo̱do̱k nogo ne, “Ka̱du̱wa̱kku̱ng zoz ci een de̱de̱, ke̱e̱ni̱ anna aran ci iyowe eezena.

Kaviyak wak Abunna Ta̱mu̱ta̱dde̱no̱ eher Joni 10:9

Kogonni anna ki arani, ming iyok e̱e̱ti̱ go̱o̱le̱ cinanni, amuda ti̱ri̱ze̱ne̱t. I̱i̱zo̱ enne bo̱ngi̱t kar kiyowa kuk geen.

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Kaviyak wak Abunna Ta̱mu̱ta̱dde̱no̱ eher Joni 15:1

“Kogonni anna ki keet wa een de̱de̱, kar Baba kize manyi keet.

Kaviyak wak Abunna Ta̱mu̱ta̱dde̱no̱ eher Joni 18:37

Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Kaviyak wak Abunna Ta̱mu̱ta̱dde̱no̱ eher Joni 6:33

Eci da̱i̱ne̱t cik Ta̱mu̱ta̱dde̱no̱ een e̱e̱t ci a̱kku̱ ta̱mu̱-kenga, kar zin kanyik ol cik aavtte lo̱o̱ta̱ ko̱ ruget.”

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 6:57

Ogon ki i̱yo̱ko̱ ming i̱tto̱na̱ Baba wa aruge ta̱mu̱-kenga ko̱, karugi zin anna zo̱ze̱ cinne, okko zin e̱e̱ti̱ ci adakce ngatinanni ko̱ abak zo̱ze̱ cinanni.

Kaviyak wak Abunna Ta̱mu̱ta̱dde̱no̱ eher Joni 6:68

O̱bo̱de̱k zin Si̱mo̱ne̱ wa een zara uggak Peturu ko̱ Ye̱su̱, a̱nne̱k ne, “Manyi, kovvoya wo̱ye̱ naga ngati ngene? Anyai i̱nna̱ zoz ci een ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 8:32

Kar atin a̱gga̱c zoz ci een de̱de̱, arannu̱ng atin zoz neci mu̱nye̱ne̱.”

Kaviyak wak Abunna Ta̱mu̱ta̱dde̱no̱ eher Joni 8:51

Ka̱du̱wa̱kku̱ng zoz wa een de̱de̱, ming azunne e̱e̱ti̱ zoz cinanni, iróng atin acin daiz udut.”

Buk wa To̱ni̱a̱u̱ 3:15

U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu.

Buk wa To̱ni̱a̱u̱ 4:12

A̱zze̱ e̱e̱ti̱ imma ci a̱ti̱ri̱ze̱t wo̱ye̱ agit to, eci i̱llo̱i̱ e̱e̱t imma ci kamuda naga ta̱mu̱-kenga kar wo̱ye̱ ki̱ti̱ri̱z ol, een Ye̱su̱ do̱ niko.”

Buk wa To̱ni̱a̱u̱ 9:2

kar ki̱jji̱n waraga ci i̱tto̱ni̱k lo̱ddi̱ki̱re̱ cik aavtte o̱rge̱ ci een zara Damascus, kar abunna ming amuda enne ngaai icima odot cik annu zoz ci Manyi Ye̱su̱, okko enne okkoye nogo lagama Jerusalema.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

Roma 5:21

Ki i̱yo̱ko̱, ming anyahak zin mu̱nye̱na̱ ol daiz lo̱o̱ta̱ ngatu; imma zin deteni abal ol bunnate ci Ta̱mu̱ta̱dde̱no̱ kar kaanyyet baiz wa aave udut ngati Ye̱su̱ Ki̱ri̱sto̱ Manyitinna.

1 Ko̱ri̱nto̱ 15:45

E̱he̱rye̱ Warage ci Ta̱mu̱ta̱dde̱no̱ azi ne, “Arrak bali oowa ke̱ eenyca Ta̱mu̱ta̱dde̱n e̱e̱t wa azi zara Adam, kar kanyik nonno ruget.” Imma Adami wa a̱kku̱ vu̱rrta̱, een enne Vongiz wa a̱kku̱ kar ki̱ki̱ya̱ kaanyik ol ruget.

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Kolosiya 2:17

E̱e̱ggi̱n kaala ne̱ko̱ do̱o̱k ri̱ri̱to̱n ci kaal wak ovvo a̱vvu̱, abarik zoz ci een de̱de̱ amudai ngati Ki̱ri̱sto̱.

Kolosiya 2:9

Eci ngati Ki̱ri̱sto̱, abak Ta̱mu̱ta̱dde̱n eliye cinne do̱o̱k,

Kolosiya 3:4

Ming okko Ki̱ri̱sto̱ wa een baiz cunno̱ng ko̱ i̱ye̱la̱ ele cinne, ovvo niga bu̱k i̱ye̱la̱nu̱ e̱le̱tti̱ cuggo̱k ki nonno ngati di̱ngdi̱ngo̱n cinne.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

I̱bu̱ru̱ 9:8

Imma zin go̱o̱le̱ necu, i̱ye̱le̱kke̱t Vongizi ci A̱li̱le̱ zoz ci azi ne, ngen gool koowe kar ki̱tto̱zze̱ Nginti A̱li̱le̱ Oroot a̱bi̱le̱ ru̱u̱ma̱ ko̱, ming ngen Ce̱e̱z wa Ta̱mu̱ta̱dde̱no̱ aave lo̱o̱ta̱.

1 Peturu 1:21

A̱tu̱yyu̱ zin niga Ta̱mu̱ta̱dde̱n zo̱ze̱ cinne, Ta̱mu̱ta̱dde̱n ci ba̱li̱ye̱ ingane nonno daiza kar ki̱di̱ngdi̱nga̱n nonno, aave zin tu̱we̱ne̱t cunno̱ng ki zoz ci arikku niga zi̱nze̱tti̱ Ta̱mu̱ta̱dde̱n.

1 Peturu 2:4

I̱vi̱tta̱k Ye̱su̱ Ki̱ri̱sto̱, een enne bee ci aave udut. Bee wa bali abure ol ke̱, abarik zin ba̱li̱ye̱ Ta̱mu̱ta̱dde̱n ci ahala nonno kar kirez.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 1:8

Ming kazi naga ne i̱llo̱i̱ agit mu̱nye̱n, ka̱lu̱t naga e̱le̱tti̱ cigga̱c, i̱llo̱i̱ zoz ci een de̱de̱ ngatinna.

1 Jon 2:23

Ming abure e̱e̱ti̱ Ngerinne, abure enne Baatinne bu̱k. Ming elemi e̱e̱ti̱ Ngerinne, elemi enne Baatinne bu̱k.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.

1 Jon 5:6

A̱kku̱ Ye̱su̱ Ki̱ri̱sto̱ maame ki bi̱ye̱te̱. Iróng enne a̱kku̱ maame do̱, abarik a̱kku̱ maame ki bi̱ye̱te̱. Okko Vongizi ibbac zoz neci ming een de̱de̱, eci Vongizi i̱ye̱la̱ zoz ci een de̱de̱.

2 Jon 1:9

Ma ukce kar bo̱do̱k tungek lo̱o̱c zoz bali edemezi ol i̱nne̱t obod ki Ki̱ri̱sto̱ ke̱, icima atin Ta̱mu̱ta̱dde̱n iróng ngen aave ngatunne. Imma e̱e̱ti̱ ci azunne de̱mzi̱ne̱t bali edemze ol nonno ke̱, aave Baba ki Ngerinne ngatinne.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 19:11

Kedenya anna ta̱mu̱-keng ming o̱o̱ye̱, kar zin anna kicin vartangec ci voori, imma E̱e̱ti̱ ci ottod vartangec ko̱ een e̱e̱t ci abunna kar kize de̱de̱. Etted enne lo̱ki̱ko̱ cinne ju̱rru̱m kar kuk illa.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.

O̱no̱zzo̱k 22:1

I̱ye̱le̱ya̱ zin anjilo liil wa a̱ri̱k maama cik rugeto cik caalek paz, a̱ri̱ya̱ lecere ci Ta̱mu̱ta̱dde̱no̱ ki ci Nyoono,

O̱no̱zzo̱k 22:17

Ize Vongizi ci Ta̱mu̱ta̱dde̱no̱ ki nyatiran ci Nyoono ne, “I̱jja̱!” Anyik e̱e̱t ci aziye kize ne “I̱jja̱.” Ming anyak e̱e̱t ci a̱ru̱k koor, anyik nonno ki̱ki̱ya̱; kar ming orong e̱e̱ti̱ imma maam, anyik nonno kidima muci ci maam cik rugeto ollin.

O̱no̱zzo̱k 3:14

“Teherik i̱nna̱ anjilo ci Ta̱mu̱ta̱dde̱no̱ kar kanyik ol wak a̱tu̱we̱ ke̱le̱ci̱a̱ o̱rge̱ wa a̱ddi̱ki̱re̱ een zara Laodicea waraga cu: E̱e̱ggi̱n ne̱ko̱ zo̱zzo̱k cik E̱e̱t ci een De̱de̱, e̱e̱t ci abunna, ibbac zoz de̱de̱, nonno ci abal kaal cik Ta̱mu̱ta̱dde̱no̱ veelek.

O̱no̱zzo̱k 3:7

“Teherik i̱nna̱ anjilo ci Ta̱mu̱ta̱dde̱no̱ kar anyik ol wak a̱tu̱we̱ ke̱le̱ci̱a̱ o̱rge̱ ci a̱ddi̱ki̱re̱ een zara Piladilpiya waraga cu: E̱e̱ggi̱n ne̱ko̱ zo̱zzo̱k ciginnek ngati E̱e̱t ci a̱li̱le̱, een bo̱do̱k de̱de̱, nonno ci anyak jooron ci ce̱e̱z ci Da̱vi̱de̱ alaanzetu. Ming een gi̱i̱ ci oo enne, i̱llo̱i̱ e̱e̱t imma ci anyugi, kar ming unyuk enne, i̱llo̱i̱ e̱e̱t imma ci oo.