Kaviyak wak Abunna Ta̱mu̱ta̱dde̱no̱ eher Joni 14:27 - Tennet

²⁷ Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Kaviyak wak Abunna Ta̱mu̱ta̱dde̱no̱ eher Joni 14:27 ပူးပေါင်းရင်းမြစ်များ

Ma̱te̱yo̱ 10:26

“Ma o̱ngo̱o̱li̱nnu̱ e̱e̱t imma. I̱llo̱i̱ gi̱i̱ imma ci a̱lu̱gnye̱ ci iróng atin i̱ye̱la̱i̱, icima a̱da̱ye̱ ci iróng atin amudai.

Lu̱ka̱ 1:79

kataran ol wak abak mu̱hu̱ri̱te̱na̱ ki ngati daizo, ki̱ye̱le̱k zo̱o̱ cigga̱c gool ci anyak gano.”

Lu̱ka̱ 10:5

“Ming i̱zzo̱yu̱ ce̱e̱z ci e̱e̱t imma, arrak izet ne, ‘Abait yahe ce̱e̱ze̱ cu.’

Lu̱ka̱ 12:4

“Ka̱du̱wa̱kku̱ng anna i̱ge̱ta̱, gonogga, ma o̱ngo̱o̱li̱nnu̱ ol cik a̱ru̱k ele ci e̱e̱t ci diiri kar vu̱rrta̱ iróng ogon gi̱i̱ imma.

Lu̱ka̱ 2:14

“Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 14:1

Izek Ye̱su̱ demezyak waginnek ne, “Ma anyikku zi̱nze̱tti̱ cuggo̱k ku̱u̱ce̱t, abarik aartik zi̱nze̱tti̱ Ta̱mu̱ta̱dde̱n, kar bo̱do̱k aartik zi̱nze̱tti̱ annita.

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 20:19

Ize da̱ looci yo̱mo̱n, i̱i̱te̱ne̱ wa een Dominika, alute nuyaha ce̱e̱za̱ ecito, eci nege o̱ngo̱o̱le̱ lo̱ddi̱ki̱re̱ cik Ya̱u̱do̱. I̱ki̱ya̱ zin Ye̱su̱ ibil orgene cinne̱ng, kar kizzawo kize ne, “A̱vvu̱t labak!”

Kaviyak wak Abunna Ta̱mu̱ta̱dde̱no̱ eher Joni 20:21

O̱bo̱de̱k bo̱do̱k Ye̱su̱ nogo, ize ne, “A̱vvu̱t labak ki i̱yo̱ko̱ ming i̱tto̱na̱na̱ Baba ko̱, ki̱tto̱nnu̱ng anna i̱ge̱t bu̱k.”

Kaviyak wak Abunna Ta̱mu̱ta̱dde̱no̱ eher Joni 20:26

Baling edeccai i̱i̱nya̱ cik e̱e̱ggi̱n turgerem, a̱vvu̱to̱ nuyaha ce̱e̱za̱ ecito, aavtte da̱ Tomasi ki nogo. Anyuge ba̱li̱ye̱ tatugeta, abarik Ye̱su̱ i̱tto̱ orgen cinne̱ng ca̱a̱to̱ kibil kar zin kizek nogo ne, “A̱vvu̱t labak!”

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Buk wa To̱ni̱a̱u̱ 18:9

Ozozek Manyi Pa̱u̱lo̱ ba̱a̱li̱n co̱de̱ o̱no̱zo̱we̱, a̱nne̱k ne, “Ma o̱ngo̱o̱le̱, zoz i̱nna̱ niko, ma ijakce li̱i̱m.

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

Roma 5:10

Baling ngen ke̱e̱ggi̱n mo̱ddo̱ cik Ta̱mu̱ta̱dde̱no̱ nu̱nu̱n, aganizet zin enne, eci a̱da̱k Ngerinne zo̱ze̱ cinna. I̱yo̱ko̱ zin, baling kaganto ki nonno, ka̱gga̱ naga kamuda atin baiz ci aave udut eci i̱ti̱ri̱zze̱t bi̱ye̱ta̱ cik Ngerinne Ye̱su̱.

Roma 8:6

Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

1 Ko̱ri̱nto̱ 1:3

Abunna bai Ta̱mu̱ta̱dde̱n wa een Be̱e̱ti̱nna̱ ki Manyi Ye̱su̱ Ki̱ri̱sto̱ ming a̱a̱nyu̱ng deten ki gano.

Ga̱la̱ti̱a̱ 1:3

Anyik Ta̱mu̱ta̱dde̱n wa een Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng eezet ki gano.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 6:16

Anyik Ta̱mu̱ta̱dde̱n kanyik ol wak abahe zoz cinne de̱de̱ gano ki deten; e̱e̱ggi̱n nege olli Israilo cik cuulai Ta̱mu̱ta̱dde̱no̱.

Vilipia 4:7

Kar gano ci Ta̱mu̱ta̱dde̱no̱ wa ommog genyiz ci e̱e̱t ci diiri do̱o̱k, kuzute zi̱nze̱tti̱ ki i̱no̱ni̱ cuggo̱k ngati Ye̱su̱ Ki̱ri̱sto̱.

Kolosiya 1:2

Keherya waraga cu keherika ol wak a̱li̱le̱ Ta̱mu̱ta̱dde̱no̱ abak o̱rge̱ ci een Kolosiya, e̱e̱ggi̱n nege bo̱do̱k gotonogget wak a̱tu̱ Ki̱ri̱sto̱. Anyik deten ki gano ci Ta̱mu̱ta̱dde̱no̱ Be̱e̱ti̱nna̱ ka̱vvu̱ baize cunno̱ng.

Kolosiya 1:20

kar zo̱ze̱ cinne aganto enne eliya ki kaal do̱o̱k, kaal lo̱o̱ta̱ ngatu icima ta̱mu̱-kenga, go̱o̱le̱ ci anyahe enne gano bi̱ye̱te̱ ciginnek a̱ddu̱te̱ ta̱la̱ke̱ca̱.

Kolosiya 3:15

Anyik gano ci Ki̱ri̱sto̱ kabal zi̱nze̱tti̱ cuggo̱k, eci Ta̱mu̱ta̱dde̱n a̱a̱nyu̱ng izet ol co̱de̱ kar anyait gano necu. Kar aanycik nonno zany.

2 Te̱se̱lo̱ni̱ka̱ 1:2

Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ wa bali atahalai kaanycung de̱ti̱ne̱t ki baiz ci abakku labak.

2 Te̱se̱lo̱ni̱ka̱ 3:16

I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.

2 Ti̱mo̱te̱yo̱ 1:7

Ma̱rri̱t Ta̱mu̱ta̱dde̱n iróng aanyyet vongiz ci dalanzetinu, aanyyet vongiz ci kokkomne ki ci kirezone ki ci kazunne e̱le̱tti̱.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

I̱bu̱ru̱ 7:2

Aanyik zin Aburahami Melchizedek taban ci alaatu gi̱i̱ co̱de̱ kaale cik e̱e̱ggi̱n omoto kaale ci anyak enne do̱o̱k. Een zara cik een Melchizedek “Alaan ci voori zinin per annu zoz ci Ta̱mu̱ta̱dde̱no̱.” Anyak bo̱do̱k zar u̱gge̱ cik een “Alaan ci Salemi.” Azi ungec cinne ne, “Alaan ci anyak gano.”

O̱no̱zzo̱k 1:4

Annita Jon ci keheri waraga necu, ki̱tto̱ni̱kku̱ng i̱ge̱t ke̱le̱ci̱a̱nya̱i̱ cik e̱e̱ggi̱n turgerem lo̱o̱ce̱ ci een Asia. Anyik deten ki gano ngati Manyi ci aave ba̱li̱ye̱ kar bo̱do̱k i̱yo̱ko̱ kar bo̱do̱k atin okko a̱kku̱, ngati aavtte vongizzowa cik e̱e̱ggi̱n turgerem ngu̱me̱ ci lecer cinne,

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 21:8

Ma̱i̱je̱ ol wak o̱ngo̱o̱le̱ ol ko̱, ki ol wak iróng a̱tu̱we̱, ki ol wak mu̱nye̱nu̱, ki ol wak amuny ol, ki ol wak e̱e̱ggi̱n a̱li̱ya̱k, ki ol wak irez agura, ki ol wak ala to̱do̱yyo̱k ki volongnyok, een gwa̱a̱ ci apadpadi oroot ko̱ cinne̱ng. Een necu daiz ci vu̱rrto̱.”