Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kaviyak wak Abunna Ta̱mu̱ta̱dde̱no̱ eher Joni 14:26 - Tennet

26 Okko abarik atin De̱me̱zo̱i̱ti̱ wa een Vongiz ci A̱li̱le̱, wa atin i̱tto̱na̱ Baba zare cigannik, edemezung kaal do̱o̱k kar zin ki̱no̱na̱u̱ng kaal balik ku̱du̱wa̱u̱ng anna ke̱.

အခန်းကိုကြည့်ပါ။ ကော်ပီ




Kaviyak wak Abunna Ta̱mu̱ta̱dde̱no̱ eher Joni 14:26
75 ပူးပေါင်းရင်းမြစ်များ  

Een necu gool ci kar Ye̱su̱ Ki̱ri̱sto̱ ki̱ti̱rra̱i̱. Owo ba̱li̱ye̱ yaatinne e̱e̱ti̱ ci azi zara ne, Yosevo ci bali orong kar ki̱ti̱k Ma̱ri̱ya̱ la̱du̱n. Baling ngen Yosevo ka̱vvu̱to̱ ki Ma̱ri̱ya̱ nga̱to̱de̱, a̱gga̱ da̱ Ma̱ri̱ya̱ ele cinne ming anyakce Vongize ci A̱li̱le̱ Ta̱mu̱ta̱dde̱no̱.


Imma zin baling ngen enne i̱no̱n zoz necu niko, i̱ki̱ya̱k nonno anjilo ci Manyi o̱no̱zo̱we̱, a̱nne̱k nonno ne, “Yosevo ngerrti Da̱vi̱de̱, een do̱le̱c ci atin anyak Ma̱ri̱ya̱ ko̱, do̱le̱c ci arike Vongizi ci A̱li̱le̱, ma o̱ngo̱o̱le̱ zoz imma, bit ti̱k nonno labak.


I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,


“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.


Ozoz Da̱vi̱de̱ enne eliya Vongize ci A̱li̱le̱ ize ne: “‘A̱nne̱k Manyi Manyi cinanni ne: “A̱vvu̱ a̱tte̱ cinanni a̱zzo̱ ngati a̱di̱ngdi̱nga̱ni̱ ol, zee ku̱tu̱gu̱ anna mo̱ddo̱ wagunnek, ka̱vvu̱to̱ zoone cigunnek.”’


Ming a̱gga̱mnyu̱ng ol kar zin kanyaktaung lo̱ki̱ko̱, ma o̱ngo̱o̱li̱nnu̱ zoz ci a̱du̱wa̱nnu̱. Du̱wa̱ zoz ci a̱jji̱n nege i̱i̱te̱n neci, eci amire ki i̱ge̱t cik ozozu, abarik ozoz Vongizi ci A̱li̱le̱.


okko atin enne a̱ddi̱ki̱re̱ o̱to̱ne̱ ci Manyi. Iróng atin enne aud merte icima kaal cik amukcari, aave atin Vongizi ci A̱li̱le̱ ki nonno ti̱ra̱nta̱.


O̱bo̱de̱k zin anjilo ci Ta̱mu̱ta̱dde̱no̱ nonno a̱nne̱k ne, “Abuweki atin Ta̱mu̱ta̱dde̱n Vongiz ci A̱li̱le̱ komize cinne, kar komizi ci Manyi wa Ommog Veelek kubungin kar atin i̱nna̱ nyaho niko. Ming i̱ddi̱ki̱r wa A̱li̱le̱ O̱de̱ Ṯok, a̱gga̱ atin ol nonno ming een Ngerrti Ta̱mu̱ta̱dde̱no̱.


Baling izik Elizabethi zawinet ci Ma̱ri̱ya̱, ingoz zin do̱le̱c kenge cinne, kar Elizabethi kumuda Vongiz ci A̱li̱le̱.


Anyak da̱ baatinne Zakaria Vongiz ci A̱li̱le̱ kar ku̱du̱wa̱ zoz cu:


Ming e̱e̱ggi̱nnu̱ niga olli mu̱nye̱nu̱ nu̱nu̱n, a̱gga̱yyu̱ niga muci cik abunna anyikku dooli ciggo̱k, anyike atin Be̱e̱ti̱nno̱ng wa aave ta̱mu̱-kenga ko̱ Vongiz ci A̱li̱le̱ ol wak a̱jji̱n nonno ko̱ ku̱?”


Anyak ba̱li̱ye̱ e̱e̱t imma Jerusalema ci een zara Si̱mo̱ne̱, e̱e̱t ci abunna kar karik zinin zoz ci Ta̱mu̱ta̱dde̱no̱. Ere da̱ enne Ti̱ri̱zo̱i̱t ci olli Israilo, aave zin da̱ Vongizi ci A̱li̱le̱ ngatinne.


Kokko atin anna ki̱tto̱na̱kku̱ng muci wa bali u̱du̱wa̱ Baba ke̱; abarik a̱vvu̱t Jerusalema zee ka̱a̱nyu̱ng Ta̱mu̱ta̱dde̱n komiz ci a̱kku̱ ta̱dde̱na̱.”


kar zin Vongizi ci A̱li̱le̱ kulucak nonno kiwagon lo̱be̱rru̱i̱. Iyowa zin mului ta̱mu̱-kenga ci azi ne, “E̱e̱ni̱ i̱nna̱ Ngeranni wa kirezi anna; katalne anna zo̱ze̱ cunne oroot.”


Iróng wo̱ye̱ da̱ ka̱gga̱ nonno ming iróng a̱du̱wa̱ka̱ e̱e̱ti̱ bali i̱tto̱na̱na̱ ki̱ki̱ya̱ ka̱gga̱me̱k ol ba̱ti̱ti̱mo̱ maame ke̱. A̱nne̱ka̱ ne, ‘E̱e̱t ci acinni alucak Vongizi ci Ta̱mu̱ta̱dde̱no̱ nonno ke̱, kar ki̱tta̱k nonno, a̱gga̱me̱k atin enne ol ba̱ti̱ti̱mo̱ Vongize ci A̱li̱le̱.’


Arrak oowa iróng nuyaha cik Ye̱su̱ a̱gga̱ zoz necu. Ovvo a̱gga̱ vu̱rrta̱ baling i̱di̱ngdi̱nga̱nni̱t ol Ye̱su̱, kar zin nege ka̱a̱dda̱ zoz ci e̱he̱rye̱ obod ki Ye̱su̱, u̱tu̱gu̱zze̱k zin ol ne̱ke̱ nonno kaal balik e̱he̱rye̱ ke̱ do̱o̱k.


Ka̱jji̱nni̱ atin anna Baba kar ka̱a̱nyu̱ng De̱me̱zo̱i̱t kar ka̱vvu̱ ki i̱ge̱t udut.


“Ka̱du̱wa̱kku̱ng zin zo̱zzo̱k ne̱ko̱ ngati ngen karumzene anna ki i̱ge̱ta̱ ko̱.


“Ming i̱ki̱ya̱ De̱me̱zo̱i̱ti̱ wa atin ki̱tto̱na̱kku̱ng ngati Baba, een enne Vongiz wa een de̱de̱. Iyowa enne ngati Baba okko ibbacikung zoz ci obod ki annita.


Ka̱du̱wa̱kku̱ng zin zoz wa een de̱de̱, abunna abarik ming kokko anna kar niga ubunntta. Kokko abarik anna kar kuk ki̱tto̱na̱kku̱ng De̱me̱zo̱i̱t kar ki̱ti̱ri̱zzu̱ng.


Baling itingawe Ta̱mu̱ta̱dde̱n nonno daiza, a̱a̱dda̱ zin nuyaha zoz bali u̱du̱wa̱ enne ke̱. Kar zin kelemtta Waraga ci Ta̱mu̱ta̱dde̱no̱ ki zoz wa u̱du̱wa̱ Ye̱su̱.


Baling u̱du̱wa̱ zoz necu, otovongik nogo kar zin kizek ne, “A̱gga̱mtta̱ Vongiz ci A̱li̱le̱.


Eher a̱ri̱tto̱wa̱ zoz ci azi ne, ‘Edemez atin Ta̱mu̱ta̱dde̱n nogo do̱o̱k.’ Imma ol do̱o̱k wak aziye zoz ci Baba kar bo̱do̱k kelemtta de̱mzi̱ne̱t cinne, a̱vvu̱na̱ka̱ atin annita.


Ozoz keng ci zoz necu zoz ci Vongizo, Vongiz ci atin aruba ol wak a̱tu̱ nonno; eci ngen Vongizi kanyozik ol, ngen li̱ngli̱ngo̱ni̱ ci Ye̱su̱ ki̱di̱ngdi̱nga̱ne̱.


rok i̱i̱te̱n bali odonge Ta̱mu̱ta̱dde̱n nonno okkoye ta̱mu̱-kenga ke̱. Aanyik zin enne ti̱lo̱wi̱ne̱t go̱o̱le̱ ci Vongiz ci A̱li̱le̱to̱ni̱a̱k balik atahala enne ke̱.


I̱i̱te̱n imma, ngati adaine enne ki nogo, u̱du̱wa̱k enne nogo zoz cu, “Ma ungneku Jerusalem lo̱o̱c; abarik e̱re̱yya̱ muci bali u̱du̱wa̱ Baba ke̱, iziktu bali niga ming kozozi anna ke̱.


Abarik atin niga arubannu komiz ming i̱ki̱ya̱u̱ng Vongizi ci A̱li̱le̱ i̱ge̱ta̱; kar atin niga izet bbacak cigannik Jerusalema, ki lo̱o̱ce̱ ci Ju̱de̱ya̱ ki Samariya do̱o̱k zee rok nginti aṯurneke looci.”


Kar zin anna ki̱no̱na̱ zoz bali u̱du̱wa̱ Manyi Ye̱su̱ ke̱: ‘A̱gga̱me̱k Joni ol ba̱ti̱ti̱mo̱ maame, ma̱i̱je̱ atin Ta̱mu̱ta̱dde̱n a̱gga̱me̱kku̱ng ba̱ti̱ti̱mo̱ Vongize ci A̱li̱le̱.’


Imma ngati bali alawe nege Manyi kar bo̱do̱k ki̱ya̱yo̱, ize Vongizi ci A̱li̱le̱ ne, “Atahaltta Saul ki Barnabas ku̱tu̱gu̱zzo̱ li̱ngli̱ngo̱n bali kawak anna nogo la̱du̱n ke̱.”


I̱tto̱n Vongizi ci A̱li̱le̱ Saul ki Barnabas ku̱lu̱ce̱ koot o̱rge̱ ci een Seleucia kar zin keronit i̱bo̱wa̱ koot orog ci aburuk maama een Cyprus.


Abarik kazi ne, abunna ngati Vongiz ci A̱li̱le̱ ki ngatinna ming iróng ka̱a̱nyu̱ng lo̱ti̱nno̱k ci okkomi kommog ciko:


Imma Ta̱mu̱ta̱dde̱n wa a̱gga̱ zi̱nze̱tti̱ cik ollu do̱o̱k, i̱ye̱le̱kke̱t agit ngati bali anyike enne ol wak iróng e̱e̱ggi̱n Ya̱u̱d Vongiz ci A̱li̱le̱, ki baling aanyet enne agit ke̱.


Eronit Pa̱u̱lo̱ ki Silas ki Ti̱mo̱te̱yo̱, iyok nege lo̱o̱ce̱ ci Phrygia ki Ga̱la̱ti̱a̱, eci Vongizi ci A̱li̱le̱ a̱nne̱k nogo ne, ma anyik nogo kuwaktek zoz ci Ye̱su̱ lo̱o̱c ci Asia.


Uwe Ta̱mu̱ta̱dde̱n nonno ta̱mu̱-kenga, kar karik nonno a̱zzi̱t cinne a̱zzo̱, uruba zin enne ngati Baatinne zoz bali u̱du̱wa̱ enne ke̱, een Vongiz ci A̱li̱le̱ kar ku̱du̱ta̱k lo̱o̱c kaal cik acinnu ko̱ ki cik aziknnu ko̱.


Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.


U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.


Imma kaale cik kogonni anna do̱o̱k, ki̱ye̱le̱u̱ng anna i̱ge̱t gool ci ka̱li̱ngli̱nge̱ naga oroot kar keelta ol cik amati, ka̱a̱da̱ zoz ci a̱du̱wa̱kke̱t Manyi Ye̱su̱ enne ele, azi ne: ‘A̱ma̱yu̱we̱ e̱e̱ti̱ ci aanyik e̱e̱t gi̱i̱ kommog e̱e̱t ci a̱gga̱ma̱ gi̱i̱ neci.’”


Adangto zin nege e̱le̱tti̱ne̱, ma baling ngen nege koot, iizek zin Pa̱u̱lo̱ nogo ne, “Ozoz Vongizi ci A̱li̱le̱ zoz ci een de̱de̱ ngati ji̱ji̱ti̱ggo̱k baling a̱du̱wa̱k enne a̱ri̱to̱i̱t wa een Isaya a̱nne̱k ne:


Ize zin Peturu ne, “Ananiyas, nyaa ming anyik i̱nna̱ Sitan kuwe zinin cunne do̱o̱k ngati ovolonge Vongiz ci A̱li̱le̱ a̱lu̱gnye̱ o̱ro̱bi̱ya̱ u̱gge̱ cik utene i̱nna̱ lo̱o̱c cunne ko̱?


“Niga ol cik okkomi o̱o̱tti̱ kak kar bo̱do̱k kiditeung iina! Ogonnu niga ki ji̱ji̱ti̱ggo̱k: Aburnnu niga odohize Vongiz ci A̱li̱le̱.


Imma bali Stepheni anyak Vongiz ci A̱li̱le̱ ju̱rru̱m, egelem ta̱mu̱-keng kar kicin di̱ngdi̱ngo̱n ci Ta̱mu̱ta̱dde̱no̱, ki Ye̱su̱ ming abile ngati Ta̱mu̱ta̱dde̱no̱ a̱tte̱ ci a̱zzo̱.


Eci ba̱a̱li̱ne̱t ci abale Ta̱mu̱ta̱dde̱n ol ko̱, iróng een da̱i̱ne̱t ki kaal cik kaudi. Abarik obod ki bunnat ci kabunanne naga ngu̱me̱ ci Ta̱mu̱ta̱dde̱no̱ ki gano ki talninet ci a̱kku̱ Vongize ci A̱li̱le̱.


Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.


Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.


Iróng zoz ci karike naga zi̱nze̱tti̱ Ta̱mu̱ta̱dde̱n ko̱ unyaneta, eci Ta̱mu̱ta̱dde̱n aanyyet agit rezinet cinne zi̱nze̱tti̱nne̱ cigga̱c go̱o̱le̱ ci Vongiz ci A̱li̱le̱, ci aanyet enne agita.


Korongi zin ku̱du̱wa̱u̱ng, i̱llo̱i̱ e̱e̱t imma ci ozoz Vongize ci Ta̱mu̱ta̱dde̱no̱ azi ne, “Anyik Ye̱su̱ kotore,” i̱llo̱i̱ zin e̱e̱t imma ci azi ne, “Een Ye̱su̱ Manyi,” Vongiz ci A̱li̱le̱ do̱ niko ci ozoz niko.


A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.


Anyik de̱ti̱ne̱t wa Manyi Ye̱su̱ Ki̱ri̱sto̱ ki rezinet wa Ta̱mu̱ta̱dde̱no̱ ki wowonet ci Vongiz ci A̱li̱le̱ ka̱vvu̱to̱ ngatinno̱ng do̱o̱k.


Ma̱i̱je̱ ngatu, ki̱ye̱la̱nna̱ gon naga gi̱i̱ ci kanyakka doize ci Vongiz ci A̱li̱le̱ Ta̱mu̱ta̱dde̱no̱ ki rezinet cinne wa een de̱de̱ go̱o̱le̱ ci kabaka baiz wa abunna, ki genyiz ki i̱rrke̱ne̱t, ki bo̱do̱k kanyakka zi̱nze̱tti̱ cik alali.


Anyahaung bo̱do̱k Ye̱su̱ zoz ci een de̱de̱, een zoz neci kaviyak cik abunna, i̱ye̱le̱kku̱ng gool ci a̱ti̱ri̱zu̱ng Ta̱mu̱ta̱dde̱n. Arikku niga zi̱nze̱tti̱ Ye̱su̱ kar zin Ta̱mu̱ta̱dde̱n ka̱a̱nyu̱ng Vongiz ci A̱li̱le̱ ki̱ye̱la̱ e̱e̱ggi̱nnu̱ niga ol ciginnek.


Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.


Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.


Ming abure e̱e̱ti̱ imma de̱mzi̱ne̱t necu, iróng abure e̱e̱t ci diiri, abure abarik Ta̱mu̱ta̱dde̱n wa aanyik ol Vongiz ci A̱li̱le̱.


Zuute kaviyak cik abunna aanyi Vongizi ci A̱li̱le̱, wa abak ngatinna.


I̱ti̱ri̱zze̱t enne agita zo̱ze̱ ci bunnat cinne, iróng een kaale cik abunna ku̱tu̱gu̱zzo̱ naga. Utunya Ta̱mu̱ta̱dde̱n mu̱nye̱n cigga̱c komize ci Vongiz ci A̱li̱le̱. Aanyet enne agit kurubta ti̱ra̱ne̱t ci een jor ki baiz ci ngen akane jor.


U̱du̱wa̱i̱t zin Vongizi ci A̱li̱le̱ agit zoz cu. Arrak azi enne ne,


I̱ye̱le̱kke̱t Ta̱mu̱ta̱dde̱n ti̱ri̱ze̱ne̱t cu, bali u̱du̱wa̱ Ye̱su̱ ke̱ go̱o̱le̱ ci ogone kaal cik a̱vu̱la̱ kar enne ki̱ye̱la̱ ti̱ri̱ze̱ne̱t cu kaale cik abunna aanyik Vongizi ci A̱li̱le̱ nogo.


I̱yo̱ko̱ zin, ki ming a̱du̱wa̱ Vongizi ci A̱li̱le̱ ko̱: “Wazin necu, ming aziknnu niga muluk ci Ta̱mu̱ta̱dde̱no̱,


Imma zin go̱o̱le̱ necu, i̱ye̱le̱kke̱t Vongizi ci A̱li̱le̱ zoz ci azi ne, ngen gool koowe kar ki̱tto̱zze̱ Nginti A̱li̱le̱ Oroot a̱bi̱le̱ ru̱u̱ma̱ ko̱, ming ngen Ce̱e̱z wa Ta̱mu̱ta̱dde̱no̱ aave lo̱o̱ta̱.


I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.


Eci i̱llo̱i̱ a̱ri̱to̱i̱t ci ozoz kaal cik akana enne o̱o̱we̱ cinne do̱. Abarik zin Ta̱mu̱ta̱dde̱n ozozek zoz cinne a̱ri̱tto̱k go̱o̱le̱ ci Vongiz ci A̱li̱le̱.


Ma̱i̱je̱ niga a̱ma̱yu̱ng E̱e̱ti̱ wa A̱li̱le̱ O̱de̱ Ṯok, a̱gga̱yyu̱ zin niga do̱o̱k zoz ci een de̱de̱.


Imma ngatinno̱ng, erahek Vongizi ci A̱li̱le̱ bali amudannu niga ngati Ki̱ri̱sto̱ ke̱ ki i̱ge̱ta̱. Iróng niga ngen orongnyu e̱e̱t imma kedemezung eci edemezung atin Vongizi ci A̱li̱le̱ kaal do̱o̱k. Eci enne een zoz ci een de̱de̱, i̱llo̱i̱ volong ngatinne, ki baling edemezung Vongizi ko̱, a̱vvu̱t zin nga̱to̱de̱ ki Ki̱ri̱sto̱.


I̱yo̱ko̱ zin anyak kaal cik e̱e̱ggi̱n i̱i̱yo̱ cik ibbac zoz ci Ki̱ri̱sto̱:


Imma niga gonogga wak zinino, abunna ming anyikku tu̱we̱ne̱t cunno̱ng a̱li̱le̱ ko̱ kuk ta̱dde̱na̱, kar alac Ta̱mu̱ta̱dde̱n Vongize ci A̱li̱le̱.


Ming anyak e̱e̱ti̱ imma iin ko̱, anyik kizik zoz ci a̱du̱wa̱k Vongizi ci Ta̱mu̱ta̱dde̱no̱ ol wak a̱tu̱we̱ ke̱le̱ci̱a̱nya̱i̱. Imma e̱e̱ti̱ ci anime, iróng atin enne apirna ming okko daizi ci vu̱rrto̱ a̱kku̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ