Kaviyak wak Abunna Ta̱mu̱ta̱dde̱no̱ eher Joni 14:13 - Tennet

¹³ Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 14:13 ပူးပေါင်းရင်းမြစ်များ

Ma̱te̱yo̱ 21:22

Ming elemnyyu niga, a̱a̱nyu̱ng atin Ta̱mu̱ta̱dde̱n kaal cik a̱jji̱na̱nu̱ niga lawinta.”

Ma̱te̱yo̱ 7:7

“I̱jji̱nne̱t Ta̱mu̱ta̱dde̱n, a̱a̱nyu̱ng atin gi̱i̱ ci orongnyu niga. Orongtta ngati Ta̱mu̱ta̱dde̱no̱ kaal cik orongnyu, ovvo atin niga amudannu gi̱i̱ ci orongnyu. Oṯokṯowanit tatug ci Ta̱mu̱ta̱dde̱no̱, owikung atin enne i̱ge̱ta̱.

Marko 11:24

I̱yo̱ko̱ zin, ka̱du̱wa̱kku̱ng, ming a̱jji̱nni̱ Ta̱mu̱ta̱dde̱n gi̱i̱ lawinta, abunna ming elemna, umuda i̱nna̱ gi̱i̱ neci, een atin gi̱i̱ neci cunne.

Lu̱ka̱ 11:9

“Kar zin anna ka̱nne̱kku̱ng ne: I̱jji̱nne̱t kar atin kanyoziung; orongit, ovvo atin niga amudannu; oṯokṯowanit tatug, okko atin o̱o̱ye̱ ngatinno̱ng.

Kaviyak wak Abunna Ta̱mu̱ta̱dde̱no̱ eher Joni 10:30

Kodowina anna ki Baba.”

Kaviyak wak Abunna Ta̱mu̱ta̱dde̱no̱ eher Joni 12:44

Egereny zin Ye̱su̱ muluwe ci oroi, azi ne, “Ming elemnana e̱e̱ti̱ annita, iróng zin enne elemnana annit do̱, abarik elemna enne bu̱k e̱e̱t wa i̱tto̱na̱na̱ annita.

Kaviyak wak Abunna Ta̱mu̱ta̱dde̱no̱ eher Joni 13:31

Baling uk Judasi reena, ize zin Ye̱su̱ ne, “U̱bu̱lte̱ zara cik Ngerrti E̱e̱to̱, kar zin bo̱do̱k di̱ngdi̱ngo̱ni̱ ci Ta̱mu̱ta̱dde̱no̱ ki̱ye̱la̱i̱ ngatinne.

Kaviyak wak Abunna Ta̱mu̱ta̱dde̱no̱ eher Joni 14:14

Ming a̱jji̱nnu̱ gi̱i̱ imma zare cigannik, ka̱a̱nyu̱ng anna.”

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 15:16

Iróng zin een i̱ge̱t cik ahalanang annita, annit abarik ci kahalannung i̱ge̱ta̱ kar zin ka̱a̱nyu̱ng li̱ngli̱ngo̱n ci ovvo a̱bbi̱rnu̱ kiwagon o̱ya̱u̱ cik ovvo abak udut. Kar zin Baba ka̱a̱nyu̱ng kaal cik wo̱ye̱ a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 15:7

Ming karume ko̱do̱ye̱ kar zin niga u̱zu̱tte̱ zoz cinanni, i̱jji̱nne̱t gi̱i̱ ci ette orongnyu niga kar Ta̱mu̱ta̱dde̱n ka̱a̱nyu̱ng.

Kaviyak wak Abunna Ta̱mu̱ta̱dde̱no̱ eher Joni 16:23

“Ku̱du̱wa̱u̱ng anna i̱ge̱t zoz ci een de̱de̱, i̱i̱te̱ne̱ neci a̱zze̱ e̱e̱ti̱ imma ci a̱jji̱nna̱ annit gi̱i̱ imma to. A̱a̱nyu̱ng atin Baba i̱ge̱t gi̱i̱ imma ci a̱jji̱nnu̱ niga zare cigannik.

Kaviyak wak Abunna Ta̱mu̱ta̱dde̱no̱ eher Joni 16:26

Ming i̱ki̱ya̱ i̱i̱te̱ni̱ neci, a̱jji̱nnu̱ atin niga Baba kaal cik meelek zare cigannik. Iróng anna kazi ne, ka̱jji̱nni̱ atin anna Baba ngatinno̱ng.

Kaviyak wak Abunna Ta̱mu̱ta̱dde̱no̱ eher Joni 16:7

Ka̱du̱wa̱kku̱ng zin zoz wa een de̱de̱, abunna abarik ming kokko anna kar niga ubunntta. Kokko abarik anna kar kuk ki̱tto̱na̱kku̱ng De̱me̱zo̱i̱t kar ki̱ti̱ri̱zzu̱ng.

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 5:19

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz ci een de̱de̱, iróng Ngerinne ogon gi̱i̱ imma do̱, ogon gi̱i̱ ci icin enne ogon Baatinne, eci gi̱i̱ ci ogon enne, ogon Ngerinne bu̱k.

Kaviyak wak Abunna Ta̱mu̱ta̱dde̱no̱ eher Joni 7:37

Baling okko een i̱i̱te̱n ci a̱ddi̱ki̱re̱ kar kedecai kwo̱o̱r, ibil Ye̱su̱ je̱e̱na̱ kar kozoz muluwe ci a̱bu̱le̱, azi ne, “Ming anyak e̱e̱t ci a̱ru̱k koor, anyik ki̱ki̱ya̱n kar kuude.

1 Ko̱ri̱nto̱ 14:13

Eci zin zo̱ze̱ necu, anycik e̱e̱t ci ozoz utuge ci iróng enne a̱gga̱ ko̱ kala Ta̱mu̱ta̱dde̱n kar kaanyik nonno gool ci a̱du̱wa̱k ol u̱nge̱tti̱ cik zoz ci a̱du̱wa̱ enne ko̱.

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

Evesos 3:14

Eci zin zo̱ze̱ necu, kakanek anna u̱zu̱ngtti̱ lo̱o̱c kala Baba.

Vilipia 4:13

Kogonni wo̱ye̱ anna kaal do̱o̱k zo̱ze̱ ci Ki̱ri̱sto̱ nonno ci aanya doiz.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

I̱bu̱ru̱ 13:15

Abunna zin naga kinnat Ta̱mu̱ta̱dde̱n odohize zo̱ze̱ ci Ye̱su̱. Ogon inatinnet cinna ci kinnate Manyi ko̱ atubo ki muci ci kanyike naga nonno.

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.

I̱bu̱ru̱ 7:25

Imma go̱o̱le̱ neci, anyak enne doiz ci a̱ti̱ri̱ze̱ ol wak elemi Ta̱mu̱ta̱dde̱n ngatinne, eci enne aruge udut, alawek nogo Ta̱mu̱ta̱dde̱n odohize.

Je̱mi̱s 1:5

Ming anyak e̱e̱t imma ngatinno̱ng ci iróng anyak genyiz, anyik nonno ki̱jji̱n Ta̱mu̱ta̱dde̱n wa i̱i̱rke̱, aanyik enne ol do̱o̱k genyiz ci iróng enne bu̱k a̱jji̱nni̱ i̱nne̱t ming a̱jji̱nni̱ i̱nna̱ nonno.

Je̱mi̱s 5:16

I̱yo̱ko̱ zin, uturtta mu̱nye̱n cuggo̱k gonoggu kar alayek e̱le̱tti̱ cuggo̱k Ta̱mu̱ta̱dde̱n kar ubunntta. Okkomi lawinet ci e̱e̱t ci abunna, kar bo̱do̱k ki̱li̱ngli̱ng oroot.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.

1 Jon 3:22

kar kurubta kaal do̱o̱k cik ka̱jji̱n naga ngatinne, eci naga kazunne lo̱ti̱nno̱k ciginnek kar ku̱tu̱gu̱z kaal cik orong enne.

1 Jon 5:14

Een necu zoz ci karikka naga zi̱nze̱tti̱ Ta̱mu̱ta̱dde̱n: Ming ka̱jji̱na̱ nonno gi̱i̱ imma go̱o̱le̱ ci okko ki zinin cinne, okko enne aanyeta.