Kaviyak wak Abunna Ta̱mu̱ta̱dde̱no̱ eher Joni 14:12 - Tennet

¹² Ka̱du̱wa̱kku̱ng zoz wa een de̱de̱, ming a̱tu̱ya̱ e̱e̱ti̱ imma annita, ogon atin enne bu̱k kaal cik kogonni anna ko̱. Ogon atin enne kaal cik a̱ddi̱ki̱re̱ kommog ne̱ko̱, ma̱rri̱t anna kokko ngati Baba.

Kaviyak wak Abunna Ta̱mu̱ta̱dde̱no̱ eher Joni 14:12 ပူးပေါင်းရင်းမြစ်များ

Ma̱te̱yo̱ 21:21

O̱bo̱de̱k zin Ye̱su̱ nogo, “Ka̱du̱wa̱kku̱ng zoz ci een de̱de̱, ming anyakku niga tu̱we̱ne̱t kar iróng zi̱nze̱tti̱ engerye lak rama, ogonnu wo̱ye̱ niga kaal cik meelek ki i̱yo̱ko̱ anna ko̱, ki bo̱do̱k u̱gge̱ cik meelek. A̱nne̱kku̱ wo̱ye̱ niga bee cu ne, ‘Dong ele cunne, bit ju̱ke̱k nyatapar ci a̱ddi̱ki̱re̱,’ ogone atin ki ming a̱du̱wa̱nnu̱ niga ko̱.

Marko 11:13

Icin enne keet ci een munec varany, uk zin orong kicin ming anyak o̱ya̱u̱. Baling uzuca enne keet, amuda i̱llo̱i̱ gi̱i̱ imma, eci iróng een nye̱lo̱k ci a̱bbi̱rne̱ keet neci.

Marko 16:17

I̱ye̱la̱i̱ atin kaala ciko ngati ol wak elemna zoz cinne: Ottok atin nege kuulo cik lo̱rye̱nta̱k zare cigannik; ozoz atin nege zoz u̱tu̱ge̱tti̱ne̱ cik een jor aavtte do̱ do̱;

Kaviyak wak Abunna Ta̱mu̱ta̱dde̱no̱ eher Joni 14:28

“Izekttang wanai ming ka̱nne̱kku̱ng ne ‘Kokko anna izong kar zin kuk kobodaung.’ Ming irezang niga annit a̱gga̱yyu̱ niko ming kokko ngati Baba, ma̱rri̱t Baba ming a̱ddi̱ki̱re̱ ngatinanni.

Kaviyak wak Abunna Ta̱mu̱ta̱dde̱no̱ eher Joni 16:7

Ka̱du̱wa̱kku̱ng zin zoz wa een de̱de̱, abunna abarik ming kokko anna kar niga ubunntta. Kokko abarik anna kar kuk ki̱tto̱na̱kku̱ng De̱me̱zo̱i̱t kar ki̱ti̱ri̱zzu̱ng.

Kaviyak wak Abunna Ta̱mu̱ta̱dde̱no̱ eher Joni 4:37

Een zin zoz wagon azi ne, e̱e̱vye̱ e̱e̱ti̱ co̱de̱, okko imma aciryanne ko̱, een de̱de̱.

Kaviyak wak Abunna Ta̱mu̱ta̱dde̱no̱ eher Joni 5:20

Ireza annit Baba Ngerinne kar zin ki̱ye̱le̱ya̱ kaal ne̱k ogon enne ke̱ do̱o̱k. I̱ye̱le̱ka̱ atin enne annit kaal cik ommog ne̱ko̱.

Kaviyak wak Abunna Ta̱mu̱ta̱dde̱no̱ eher Joni 7:33

A̱nne̱k zin Ye̱su̱ nogo ne, “Kaavtte anna ki i̱ge̱t ngatu i̱i̱nya̱ cikidik. Kokko atin ngati e̱e̱t wa i̱tto̱na̱na̱.

Kaviyak wak Abunna Ta̱mu̱ta̱dde̱no̱ eher Joni 7:39

Ozoz keng ci zoz necu zoz ci Vongizo, Vongiz ci atin aruba ol wak a̱tu̱ nonno; eci ngen Vongizi kanyozik ol, ngen li̱ngli̱ngo̱ni̱ ci Ye̱su̱ ki̱di̱ngdi̱nga̱ne̱.

Buk wa To̱ni̱a̱u̱ 10:46

Aziye nege nogo ozoz u̱tu̱ge̱tti̱ne̱ cik aavtte do̱ do̱ kar kinnatit Ta̱mu̱ta̱dde̱n. Kar zin Peturu kize ne,

Buk wa To̱ni̱a̱u̱ 16:18

Ozoz enne niko i̱i̱nya̱ cik meelek. U̱u̱c zinin ci Pa̱u̱lo̱ kar kutuhuwe kizek kuuloc ne, “Zare cik Ye̱su̱ Ki̱ri̱sto̱, ka̱du̱wa̱ki̱, iyowa ngati do̱le̱c cu!” Iyowa kuuloci neci ataman niko.

Buk wa To̱ni̱a̱u̱ 19:12

ming u̱u̱m ol cik omori ru̱u̱ma̱ni̱ cik Pa̱u̱lo̱, angaruyye nege niko, kar kuulo cik lo̱rye̱nta̱k kutungttek nogo lo̱o̱c.

Buk wa To̱ni̱a̱u̱ 2:33

Uwe Ta̱mu̱ta̱dde̱n nonno ta̱mu̱-kenga, kar karik nonno a̱zzi̱t cinne a̱zzo̱, uruba zin enne ngati Baatinne zoz bali u̱du̱wa̱ enne ke̱, een Vongiz ci A̱li̱le̱ kar ku̱du̱ta̱k lo̱o̱c kaal cik acinnu ko̱ ki cik aziknnu ko̱.

Buk wa To̱ni̱a̱u̱ 2:41

Imma zin ol balik elemtta kaviyak ciginnek ko̱, a̱gga̱mto̱zi̱k nogo ba̱ti̱ti̱mo̱, e̱e̱ggi̱n wo̱ye̱ nege i̱bbo̱nge̱t i̱i̱yo̱ (3,000), otortozik nege ol cik a̱tu̱we̱ i̱i̱te̱ne̱ neci.

Buk wa To̱ni̱a̱u̱ 4:16

I̱jji̱nto̱ zin nege “Kovvo atin naga kogonik ol ciko nyaa? A̱gga̱c ol do̱o̱k cik abak Jerusalema ming u̱tu̱gu̱zzo̱ ol ne̱ko̱ kaal cik a̱vu̱la̱, ci abarik iróng wo̱ye̱ naga ka̱lu̱gu̱nyi̱.

Buk wa To̱ni̱a̱u̱ 4:33

Anyak to̱ni̱a̱ha̱ komiz ci a̱ppwe̱, kar nege kibbacit zoz ci obod ki ngazi ci Manyi Ye̱su̱ daiza, kar bali deteni ci Ta̱mu̱ta̱dde̱no̱ a̱ppwe̱ ka̱vvu̱ ngatinne̱ng do̱o̱k.

Buk wa To̱ni̱a̱u̱ 4:4

Ma̱i̱je̱ ol cik meelek iziyyet kaviyak ne̱ke̱ kar ku̱tu̱we̱t zoz ci Ye̱su̱, otorte ol ne̱ke̱ izeto i̱bbo̱nge̱t tu̱r (5,000).

Buk wa To̱ni̱a̱u̱ 5:15

Imma zin zo̱ze̱ necu, anyakttak ol cik omori go̱o̱llo̱k kar abunna ri̱ri̱to̱ni̱ ci Peturu i̱i̱na̱k u̱gge̱ ming owo enne goola.

Buk wa To̱ni̱a̱u̱ 6:7

Iddera zin zoz ci Ta̱mu̱ta̱dde̱no̱ ol cik meelek. Otorye nuyaha cik elemna zoz ci Ye̱su̱ zee bak ovvo meele giir Jerusalema. Aartik ol cik meelek wawaco tu̱we̱ne̱t cinne̱ng zoz ci Ye̱su̱.

Buk wa To̱ni̱a̱u̱ 8:7

Iyokta kuulo ngati ol cik meelek, Angaruyye ol cik meelek nganynganyik ki wak ngooltik zoona.

Buk wa To̱ni̱a̱u̱ 9:34

Utu zin Peturu nonno, a̱nne̱k ne, “Anyes, angaruwi Ye̱su̱ Ki̱ri̱sto̱ i̱nne̱ta̱. Tinga je̱e̱na̱ lu̱c kwe̱e̱n cunne.” Ataman niko itinga Anyesi.

Buk wa To̱ni̱a̱u̱ 9:40

Ottok Peturu nogo do̱o̱k koot reena; kar zin enne akatek u̱zu̱ngtti̱ lo̱o̱c kar kalawo. Kar zin kutuhuwe kicin ngaa ci a̱da̱k ko̱, kar kize ne, “Tabita, tinga je̱e̱na̱.” Oo Tabita ebere ciginnek, bali okko enne acin Peturu itinga kar ka̱vvu̱ je̱e̱na̱

Roma 15:19

Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.