Kaviyak wak Abunna Ta̱mu̱ta̱dde̱no̱ eher Joni 13:31 - Tennet

³¹ Baling uk Judasi reena, ize zin Ye̱su̱ ne, “U̱bu̱lte̱ zara cik Ngerrti E̱e̱to̱, kar zin bo̱do̱k di̱ngdi̱ngo̱ni̱ ci Ta̱mu̱ta̱dde̱no̱ ki̱ye̱la̱i̱ ngatinne.

Kaviyak wak Abunna Ta̱mu̱ta̱dde̱no̱ eher Joni 13:31 ပူးပေါင်းရင်းမြစ်များ

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Lu̱ka̱ 12:50

Abarik anna kanyai zoz ci a̱u̱ce̱ ci okko atin a̱kku̱nna̱ka̱ annita, abile zin zinin cinanne je̱e̱na̱ zee kedecai zoz necu.

Kaviyak wak Abunna Ta̱mu̱ta̱dde̱no̱ eher Joni 11:4

Baling izik Ye̱su̱ zoz neci, ize ne, “Iróng atin morizi neci een daiz. Anyike atin morizi neci zar cik Ta̱mu̱ta̱dde̱no̱ ku̱bu̱lte̱, kar ol ki̱di̱ngdi̱nga̱ni̱t Ngerrti Ta̱mu̱ta̱dde̱no̱ morize necu.”

Kaviyak wak Abunna Ta̱mu̱ta̱dde̱no̱ eher Joni 12:23

O̱bo̱de̱k zin Ye̱su̱ nogo, izek ne, “I̱ki̱ya̱ i̱i̱ ci okko Ngerrti E̱e̱to̱ a̱di̱ngdi̱nga̱ne̱.

Kaviyak wak Abunna Ta̱mu̱ta̱dde̱no̱ eher Joni 12:28

Baba, di̱ngdi̱nga̱n zar cigunnek!” I̱ki̱ya̱ zin mului ta̱mu̱-kenga azi ne, “Ki̱di̱ngdi̱nga̱nna̱ anna zar ne̱ke̱, kar atin bo̱do̱k ki̱di̱ngdi̱nga̱n dee.”

Kaviyak wak Abunna Ta̱mu̱ta̱dde̱no̱ eher Joni 14:13

Ka̱a̱nyu̱ng atin kaal cik a̱jji̱nnu̱ niga zare cigannik, kar anna Ngerinne kanyik zar cik Baba ku̱bu̱lte̱.

Kaviyak wak Abunna Ta̱mu̱ta̱dde̱no̱ eher Joni 16:14

Okko atin a̱di̱ngdi̱nga̱n zar cigannik ngati a̱du̱wa̱kku̱ng kaal wak ke̱de̱me̱zi̱ anna a̱gga̱c.

Kaviyak wak Abunna Ta̱mu̱ta̱dde̱no̱ eher Joni 7:39

Ozoz keng ci zoz necu zoz ci Vongizo, Vongiz ci atin aruba ol wak a̱tu̱ nonno; eci ngen Vongizi kanyozik ol, ngen li̱ngli̱ngo̱ni̱ ci Ye̱su̱ ki̱di̱ngdi̱nga̱ne̱.

Buk wa To̱ni̱a̱u̱ 2:36

“Abunna zin niga olli Israilo ming a̱gga̱yyu̱ zoz necu ju̱rru̱m do̱o̱k. Idiman Ta̱mu̱ta̱dde̱n Ye̱su̱ bali ododoyu niga keete ci een ta̱la̱ke̱c ke̱, kize Manyi ki Ki̱ri̱sto̱.”

Buk wa To̱ni̱a̱u̱ 3:13

Eci Ta̱mu̱ta̱dde̱n ci Aburahami, ki I̱sa̱ko̱ ki Ya̱ko̱bo̱ ki ji̱ji̱ti̱gga̱c nenen wa aanyik Ye̱su̱ wa een du̱ca̱i̱t cinne di̱ngdi̱ngo̱n wa ta̱mwo̱. Abarik zin ba̱li̱ye̱ a̱gga̱me̱kku̱ nonno gaala, utuburtu nonno ngu̱me̱ ci Pilato ddi̱ki̱ryo̱i̱t ci gaala cik Romi, bak bali nu̱nu̱n ming orong Pilato koog kar kutung nonno ke̱.

2 Ko̱ri̱nto̱ 3:18

U̱tu̱gu̱ ki ci aara Ta̱mu̱ta̱dde̱n gi̱i̱ ci a̱bu̱ng zi̱nze̱tti̱ cigga̱c, alam zoz ci Ta̱mu̱ta̱dde̱no̱ ko̱. I̱ye̱lta̱ zi̱nze̱tti̱ cigga̱c di̱ngdi̱ngo̱n ki vooriten ci Manyi, utuhuwet agit zin Vongizi neci ku̱tu̱gu̱zzo̱ ki Manyi.

Evesos 1:12

Atahalait enne agit olli Ya̱u̱do̱ oowa, abunna zin naga karike zi̱nze̱tti̱ Ki̱ri̱sto̱, abunna odohize kinnat nonno kize gool ci ka̱di̱ngdi̱nga̱ne̱ naga nonno.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Evesos 3:10

Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

1 Peturu 1:21

A̱tu̱yyu̱ zin niga Ta̱mu̱ta̱dde̱n zo̱ze̱ cinne, Ta̱mu̱ta̱dde̱n ci ba̱li̱ye̱ ingane nonno daiza kar ki̱di̱ngdi̱nga̱n nonno, aave zin tu̱we̱ne̱t cunno̱ng ki zoz ci arikku niga zi̱nze̱tti̱ Ta̱mu̱ta̱dde̱n.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.