Kaviyak wak Abunna Ta̱mu̱ta̱dde̱no̱ eher Joni 13:13 - Tennet

¹³ Kar zin bo̱do̱k kize ne, “Awuyyang a̱nne̱kka̱ng ne ‘De̱me̱zo̱i̱t’ ki ‘Manyi,’ ilemnyyu ming awuyyang niko ko̱.

Kaviyak wak Abunna Ta̱mu̱ta̱dde̱no̱ eher Joni 13:13 ပူးပေါင်းရင်းမြစ်များ

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Lu̱ka̱ 10:28

Ize zin Ye̱su̱ ne, “Abarizu i̱nna̱ ju̱rru̱m, tu̱gu̱ kaal ne̱ko̱ kar atin i̱nna̱ nyak ruget.”

Lu̱ka̱ 6:46

“Nya ming awuyang odohize niga a̱nne̱kka̱ng ne, ‘Manyi, Manyi,’ kar ngatu iróng ogonnu kaal cik ka̱du̱wa̱ anna ko̱?

Lu̱ka̱ 7:43

O̱bo̱de̱k zin Si̱mo̱ne̱ nonno, “Ma wo̱ye̱ ming alalek enne e̱e̱t ci anyak nga̱bo̱lo̱ ci a̱ppwe̱ ko̱.” Ize zin Ye̱su̱ ne, “De̱de̱, ettedu i̱nna̱ ju̱rru̱m.”

Kaviyak wak Abunna Ta̱mu̱ta̱dde̱no̱ eher Joni 11:28

Baling edeca enne zoz ki Ye̱su̱, kar zin kuk kutu ngooni wa een zara Ma̱ri̱ya̱, uwe abanyca, kar zin kizek ne, “Aave de̱me̱zo̱i̱ti̱ ngatu, a̱jji̱ni̱n, orong kicinin.”

Kaviyak wak Abunna Ta̱mu̱ta̱dde̱no̱ eher Joni 11:3

Baling i̱tto̱nte̱k ngonoggi Lazaru Ye̱su̱ zoz izettek ne, “Manyi, omor goonu wa zinino oroot.”

1 Ko̱ri̱nto̱ 12:3

Korongi zin ku̱du̱wa̱u̱ng, i̱llo̱i̱ e̱e̱t imma ci ozoz Vongize ci Ta̱mu̱ta̱dde̱no̱ azi ne, “Anyik Ye̱su̱ kotore,” i̱llo̱i̱ zin e̱e̱t imma ci azi ne, “Een Ye̱su̱ Manyi,” Vongiz ci A̱li̱le̱ do̱ niko ci ozoz niko.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

Evesos 6:9

Imma niga lo̱ddi̱ki̱re̱ cik een ma̱ci̱gi̱ ce̱e̱zi̱, u̱tu̱gu̱zze̱k du̱cca̱k cuggo̱k kaal cik abunna. Ma a̱gi̱ddu̱ nogo li̱ngli̱ngo̱na̱ oroot. A̱gga̱c een Ye̱su̱ Manyi cunno̱ng okko bo̱do̱k een Manyi cinne̱ng wa aave ta̱mu̱-kenga. Iróng enne enger ol.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

Vilipia 3:8

I̱llo̱i̱ gi̱i̱ imma ci riili ngati a̱gga̱we̱ e̱e̱ti̱ Ye̱su̱ Ki̱ri̱sto̱ Manyi. Kodotiya anna kaal do̱o̱k lo̱o̱c, kanyike kizeto darace. Ki̱ri̱sto̱ do̱ ci korongi anna lo̱o̱ce̱ cu,

Je̱mi̱s 2:19

A̱tu̱ i̱nna̱ de̱de̱ anyak Ta̱mu̱ta̱dde̱n co̱de̱. Abunna! Elemi rok kuulo cik lo̱rye̱nta̱k bu̱k zoz necu, abarik abak zin nege bba̱ri̱to̱na̱.