Kaviyak wak Abunna Ta̱mu̱ta̱dde̱no̱ eher Joni 12:48 - Tennet

⁴⁸ Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

Kaviyak wak Abunna Ta̱mu̱ta̱dde̱no̱ eher Joni 12:48 ပူးပေါင်းရင်းမြစ်များ

Ma̱te̱yo̱ 10:15

Ka̱du̱wa̱kku̱ng zoz ci een de̱de̱, obokce atin abarik ngati o̱ro̱gjo̱k cik een Sodom ki Gomorrah i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱ cinne, gerza atin ngati orog neci oroot.

Ma̱te̱yo̱ 21:42

I̱jji̱n zin Ye̱su̱ nogo, “Ngen niga ikebit zoz necu Warage ci Ta̱mu̱ta̱dde̱no̱? Azi ne, “‘Okko bee bali abure ol wak eenyce ko̱ ize bee ci abilne ce̱e̱z kommog veelek. U̱tu̱gu̱ Manyi zoz necu, a̱zi̱ze̱ oroot ming kacin naga eberene.’

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Marko 12:10

Ngen i̱i̱te̱n imma niga ikebit zoz cu Warage ci Ta̱mu̱ta̱dde̱no̱ wa azi ne: “‘Okko bee bali abure ol wak eenyce ko̱ ize bee ci abilne ce̱e̱z kommog veelek;

Marko 16:16

Ming elemna e̱e̱ti̱ imma kar ka̱gga̱mo̱zi̱k nonno ba̱ti̱ti̱mo̱, a̱ti̱ri̱z atin Ta̱mu̱ta̱dde̱n nonno. Ma̱i̱je̱ e̱e̱ti̱ ci iróng elemi, ettedozik nonno lo̱ki̱ko̱.

Marko 8:31

Akate zin Ye̱su̱ edemez demezyak zoz ci azi ne apirna atin Ngerrti E̱e̱to̱ kaale cik meelek kar lo̱ddi̱ki̱re̱ kutuburret nonno, alaata cik olli wawaco Ce̱e̱ze̱ wa Ta̱mu̱ta̱dde̱no̱ ki de̱me̱zzo̱k wak lo̱ti̱nno̱u̱, a̱ru̱we̱ atin enne ka̱da̱k kar kitinga daiza kurug i̱i̱nya̱we̱ cik een i̱i̱yo̱.

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

Lu̱ka̱ 17:25

Ma̱i̱je̱ arrak enne apirna kaale cik meelek kar kutubure bu̱u̱le̱ cu.

Lu̱ka̱ 20:17

Egelem zin Ye̱su̱ nogo kar ki̱jji̱nno̱, “Azi zin keng ci zoz ci e̱he̱rye̱ Warage ci Ta̱mu̱ta̱dde̱no̱ ko̱ ne nya? “‘Okko bee bali abure ol wak eenyce ko̱ ize bee ci abilne ce̱e̱z kommog veelek.’

Lu̱ka̱ 7:30

Ma̱i̱je̱ olli Varacisi ki ol wak a̱gga̱ lo̱ti̱nno̱k ju̱rru̱m, utuburet zoz ci Ta̱mu̱ta̱dde̱no̱ baize cinne̱ng, eci ngen Joni ka̱gga̱me̱k nogo ba̱ti̱ti̱mo̱.

Lu̱ka̱ 9:22

Izek Ye̱su̱ nuyak waginnek ne, “Apirna atin la̱du̱n Ngerrti E̱e̱to̱ kaale cik meelek, kar kutubure ngati lo̱ddi̱ki̱re̱ ki alaat cik olli wawaco ki bo̱do̱k de̱me̱zzo̱k wak lo̱ti̱nno̱u̱, okko atin enne a̱ru̱we̱ la̱du̱n ka̱da̱k, kar i̱i̱te̱ne̱ ci een i̱i̱yo̱, okko atin enne ingazi daiza kurug.”

Lu̱ka̱ 9:26

Ming adak a̱li̱ya̱ni̱ e̱e̱t zo̱ze̱ cinanni, okko atin Ngerrti E̱e̱to̱ bu̱k adak a̱li̱ya̱ni̱ zo̱ze̱ cinne ming i̱ki̱ya̱k enne di̱ngdi̱ngo̱n cinne ki di̱ngdi̱ngo̱n ci Baatinne ki anjilonya cik a̱li̱le̱.

Kaviyak wak Abunna Ta̱mu̱ta̱dde̱no̱ eher Joni 11:24

O̱bo̱de̱k zin Marta nonno, izek ne, “Ka̱gga̱ niko ming ingazi atin enne wazin wa ingane ol do̱o̱k daiza.”

Kaviyak wak Abunna Ta̱mu̱ta̱dde̱no̱ eher Joni 5:45

“Abarik, ma i̱no̱nnu̱ a̱nnu̱ ne kokko atin anna kovolongnyung i̱ge̱ta̱ ngati Baba. Muses ci arikku niga zi̱nze̱tti̱ ko̱ ci atin okko a̱du̱wa̱k Ta̱mu̱ta̱dde̱n gerziten cunno̱ng.

Kaviyak wak Abunna Ta̱mu̱ta̱dde̱no̱ eher Joni 6:39

Een necu gi̱i̱ ci orong e̱e̱ti̱ ci i̱tto̱na̱na̱ ko̱ kar ku̱tu̱gu̱, iróng atin anna kokolozi e̱e̱t co̱de̱ olle wak anyaha enne annit ko̱, abarik kingane atin nogo daiza i̱i̱te̱ne̱ ci okko aṯurneke looci.

Kaviyak wak Abunna Ta̱mu̱ta̱dde̱no̱ eher Joni 8:47

Aziye ol cik Ta̱mu̱ta̱dde̱no̱ zoz ci a̱du̱wa̱ enne. Iróng niga aziknnu zoz ci Ta̱mu̱ta̱dde̱no̱ eci niga iróng e̱e̱ggi̱nnu̱ ol ciginnek.”

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Buk wa To̱ni̱a̱u̱ 3:23

Ming iróng e̱e̱ti̱ imma aziye nonno, engeryai atin enne olle ciginnek.’

Roma 2:16

Ming okko atin Ta̱mu̱ta̱dde̱n ettedik ol lo̱ki̱ko̱, i̱tto̱na̱ atin enne Ye̱su̱ Ki̱ri̱sto̱ kettedik ol lo̱ki̱ko̱ kaale cik ogon nege lo̱mu̱k ki i̱yo̱ko̱ ming e̱he̱rye̱ warage cu ko̱.

2 Ko̱ri̱nto̱ 4:3

Abarik ki i̱yo̱ko̱ ming a̱du̱wa̱ ol uggak ngatinno̱ng ko̱, anyak ol u̱gge̱ cik iróng aziye de̱mzi̱ne̱t cinna̱ng, ming anyak gi̱i̱ ci a̱lu̱gnye̱ de̱mzi̱nte̱ cinna̱ng, a̱lu̱gnye̱ ngati ol wak ovvo go̱o̱le̱ ci daiz ci okko udut.

2 Te̱se̱lo̱ni̱ka̱ 1:8

Anyaha ki gwo̱o̱ ci okko edeze ol cik iróng a̱tu̱ zoz ci Ta̱mu̱ta̱dde̱no̱, ki ol cik iróng elemi kaviyak cik abunna Manyitinna Ye̱su̱.

I̱bu̱ru̱ 10:25

Abunna karume gon nga̱to̱de̱ ngati kalawe Ta̱mu̱ta̱dde̱n, aanycik kize kaale cinna; ki i̱yo̱ko̱ ming iróng ol uggak arume ko̱, eci izeto ojontte i̱i̱nya̱ cik okko Ye̱su̱ obodak lo̱o̱c.

I̱bu̱ru̱ 12:25

U̱zu̱tte̱ zin, abunna ming aziknnu zoz ci Ta̱mu̱ta̱dde̱n ci ozozikkung ko̱. Iróng olli Ya̱u̱do̱ a̱vi̱r ba̱li̱ye̱ balala baling abure zoz ci Musesi, iróng zin naga ka̱vi̱r zoz ci Ta̱mu̱ta̱dde̱no̱ ci ozozikket ta̱mu̱-kenga ko̱, ming kaburnna zoz cinne.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

I̱bu̱ru̱ 4:12

Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.

1 Peturu 1:5

eci tu̱we̱nte̱ cunno̱ng azunnung atin doizi ci Ta̱mu̱ta̱dde̱no̱ ki̱ki̱ya̱ ti̱ri̱ze̱ne̱t ci okko i̱ye̱la̱ ming okko looci aṯurneke.

2 Peturu 3:3

Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.