Kaviyak wak Abunna Ta̱mu̱ta̱dde̱no̱ eher Joni 12:42 - Tennet

⁴² Imma i̱i̱te̱ne̱ neci eliya anyak lo̱ddi̱ki̱re̱ cik Ya̱u̱do̱ elemtta Ye̱su̱. Abarik nege o̱ngo̱o̱le̱ eci ol cik een Varacis, iróng zin abung ming a̱tu̱ nege Ye̱su̱ kiziyet ol cik een Varacis, gerza ming ottok nogo Ce̱e̱ze̱ wa Lawinto.

Kaviyak wak Abunna Ta̱mu̱ta̱dde̱no̱ eher Joni 12:42 ပူးပေါင်းရင်းမြစ်များ

Ma̱te̱yo̱ 10:32

“Ming u̱du̱wa̱ e̱e̱ti̱ azi ne ke̱e̱ni̱ enne e̱e̱t cinanni, ka̱du̱wa̱k atin anna Baba ta̱mu̱-kenga bu̱k zoz ci azi ne een e̱e̱ti̱ necu cinanni.

Lu̱ka̱ 12:8

“Ka̱du̱wa̱kku̱ng anna i̱ge̱ta̱, imma e̱e̱ti̱ ci elemanna annit orgene ci ollu, okko atin Ngerrti E̱e̱to̱ elemna nonno orgene ci anjilonya cik Ta̱mu̱ta̱dde̱no̱.

Lu̱ka̱ 23:13

Utuwa zin Pilato alaat cik olli wawaco ki lo̱ddi̱ki̱re̱ ki ol,

Lu̱ka̱ 6:22

U̱mu̱yu̱kte̱u̱ niga ming amarinnung ol, ming aburnnung ol i̱ge̱ta̱ kar kodomtung kar kutuburret zar cuggo̱k azi ne e̱e̱ggi̱n niga olli mu̱nye̱nu̱ zo̱ze̱ ci Ngerrti E̱e̱to̱.

Kaviyak wak Abunna Ta̱mu̱ta̱dde̱no̱ eher Joni 11:45

Baling icinnet olli Ya̱u̱d balik ovvo a̱gga̱m a̱zzi̱t ci Ma̱ri̱ya̱ u̱lu̱wa̱ne̱ ci gotononi ko̱ kaal cik ogon Ye̱su̱, u̱tu̱we̱t zin nonno.

Kaviyak wak Abunna Ta̱mu̱ta̱dde̱no̱ eher Joni 12:11

eci olli Ya̱u̱do̱ cik meelek ovvo ngati Ye̱su̱ bak a̱tu̱ nonno zo̱ze̱ ci Lazaru bali ingane enne daiza ke̱.

Kaviyak wak Abunna Ta̱mu̱ta̱dde̱no̱ eher Joni 16:2

Ovvo atin ol ottokung Ce̱e̱ze̱ wa Lawinto. I̱ki̱ya̱ i̱i̱ de̱de̱ ci okko gon e̱e̱ti̱ ci a̱ru̱kku̱ng a̱da̱i̱to̱ ngati i̱no̱ne̱ azi ne ka̱li̱ngli̱ngo̱ni̱k Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 19:38

I̱jji̱n zin bali vu̱rrta̱ Yosevo ci orog ci een Arimatiya Pilato kar kanyik nonno Ye̱su̱ kar kuk ka̱da̱. Een da̱ Yosevo nuyait ci Ye̱su̱ lo̱mu̱k ma̱rri̱t ming o̱ngo̱o̱le̱ enne ol cik Ya̱u̱do̱. Baling elema Pilato zoz neci, i̱ki̱ya̱ uwe Ye̱su̱ kar kuk ka̱da̱.

Kaviyak wak Abunna Ta̱mu̱ta̱dde̱no̱ eher Joni 3:2

I̱ki̱ya̱k zin enne ba̱a̱li̱n imma Ye̱su̱, kar zin kizek ne, “De̱me̱zo̱i̱t, ka̱gga̱yya̱ niko ming e̱e̱ni̱ i̱nna̱ de̱me̱zo̱i̱t ci a̱kku̱nni̱ Ta̱mu̱ta̱dde̱na̱. Iróng wo̱ye̱ e̱e̱ti̱ imma ogon kaal cik a̱vu̱la̱ ming iróng a̱kku̱ Ta̱mu̱ta̱dde̱na̱.”

Kaviyak wak Abunna Ta̱mu̱ta̱dde̱no̱ eher Joni 7:13

Abarik i̱llo̱i̱ e̱e̱t imma ci ozoz zoz kiziyet ol do̱o̱k eci nege o̱ngo̱o̱le̱ lo̱ddi̱ki̱re̱ cik Ya̱u̱do̱.

Kaviyak wak Abunna Ta̱mu̱ta̱dde̱no̱ eher Joni 7:31

Ma̱i̱je̱ bo̱do̱k ngatu, anyak ol cik meelek ngen a̱tu̱ nonno dee, kar kizeto ne, “Ming okko Ki̱ri̱sto̱ wa een ti̱ri̱zo̱i̱ti̱ a̱kku̱, okko atin enne ogon kaal cik meelek a̱vu̱la̱ kommog cik ogon e̱e̱ti̱ necu?”

Kaviyak wak Abunna Ta̱mu̱ta̱dde̱no̱ eher Joni 9:22

Ozoz ciko baatinne ki yaatinne niko eci nege o̱ngo̱o̱le̱ lo̱ddi̱ki̱re̱ cik Ya̱u̱do̱ zo̱ze̱ ci azi ne, ming elema e̱e̱ti̱ imma zoz ci Ye̱su̱ een enne Ki̱ri̱sto̱, ottoit ma anyikku ki̱tto̱zzo̱ Ce̱e̱z wa Lawinto.

Kaviyak wak Abunna Ta̱mu̱ta̱dde̱no̱ eher Joni 9:34

O̱bo̱dde̱k zin nonno, a̱nne̱k ne, “A̱rri̱ta̱i̱ ba̱li̱ye̱ i̱nna̱ mu̱nye̱ne̱, i̱yo̱ko̱ edemezet wo̱ye̱ i̱nna̱ agita?” Kar zin kotoit nonno kuk reena Ce̱e̱z wa Lawinto.

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Roma 10:10

Eci ming a̱tu̱we̱ i̱nna̱ zinine cunne, elemnyi atin Ta̱mu̱ta̱dde̱n ize e̱e̱t ci abunna, kar bo̱do̱k ming a̱du̱wa̱ utuge cunne een Ye̱su̱ Manyi cunne, aruba atin i̱nna̱ ti̱ri̱ze̱ne̱t.

1 Jon 4:15

Ming elemi e̱e̱ti̱ imma azi ne, een Ye̱su̱ Ngerrti Ta̱mu̱ta̱dde̱no̱, aave zoz ci Ta̱mu̱ta̱dde̱no̱ ngatinne, okko enne bu̱k aave zo̱ze̱ ci Ta̱mu̱ta̱dde̱no̱.

1 Jon 4:2

Een necu gool ci a̱gga̱yyu̱ niga Vongiz ci Ta̱mu̱ta̱dde̱no̱: Azi Vongizi cinne ne, een Ye̱su̱ Ki̱ri̱sto̱ e̱e̱t ci diiri ci a̱kku̱ ngati Ta̱mu̱ta̱dde̱no̱.