Kaviyak wak Abunna Ta̱mu̱ta̱dde̱no̱ eher Joni 12:40 - Tennet

⁴⁰ “Utuz Ta̱mu̱ta̱dde̱n ebere cigge̱k, kar bo̱do̱k kidit zi̱nze̱tti̱ cigge̱k, iróng nege ngen acine icima i̱i̱zo̱ zoz neci zi̱nze̱tti̱ cigge̱k, iróng bo̱do̱k obodak Ta̱mu̱ta̱dde̱n kar wo̱ye̱ atin anna kangaru nogo.”

Kaviyak wak Abunna Ta̱mu̱ta̱dde̱no̱ eher Joni 12:40 ပူးပေါင်းရင်းမြစ်များ

Lu̱ge̱z 10:1

Iizek zin Manyi Muses ne, “Bit ngati alaan ci Masiro ki ol wak a̱li̱ngli̱ng ki nonno ko̱, eci kanyiya anna o̱o̱tti̱ cigge̱k kokkomit, kar atin anna ku̱tu̱gu̱ kaal cik a̱vu̱la̱ orgene cinne̱ng.

Lu̱ge̱z 11:10

U̱tu̱gu̱zzo̱ zin Musesi ki Aaron kaal cik a̱vu̱la̱ kicin enne, ma̱i̱je̱ ngatu Manyi aanyik oo cinne kokkom, ci iróng enne aanyik olli Israilo ku̱lu̱ge̱t lo̱o̱ce̱ ci Masiro.

Lu̱ge̱z 14:17

Kanyike atin anna o̱o̱tti̱ cik olli Masiro kokkomit kak kar kunuwet olli Israilo vu̱rrta̱. Kar atin zara cigannik ku̱bu̱lte̱ zo̱ze̱ ci alaan ci Masiro ki aciir ciginnek, ngati i̱zo̱we̱ liil ki vartange ki toromilet cigge̱k do̱o̱k.

Lu̱ge̱z 14:4

Kanyike atin anna oo ci alaano kokkom, kar atin enne kunu nogo. Kar atin anna kumuda gool ci a̱di̱ngdi̱nga̱na̱ ol zo̱ze̱ ci alaano ki aciir ciginnek, kar olli Masiro ka̱gga̱ ke̱e̱ni̱ anna de̱de̱ Ta̱mu̱ta̱dde̱n.” U̱tu̱gu̱zzo̱ zin olli Israilo zoz bali u̱du̱wa̱k Manyi nogo ke̱ kar zin ki̱ye̱be̱zi̱t ngin bali a̱du̱wa̱k Manyi nogo ke̱.

Lu̱ge̱z 14:8

Aanyik zin Manyi oo ci alaan ci Masiro kokkom kak, kar enne kunu olli Israilo balala, wak iiriny we̱t cinne̱ng mazeta.

Lu̱ge̱z 4:21

Izek Manyi Muses ne, “Ming i̱mi̱re̱ uuwu Masire, abunna ming ogoni kaal cik a̱vu̱la̱ kicin alaani ci Masiro kaal balik aanyi komiz kar tu̱gu̱ ke̱. Ma̱i̱je̱ ngatu kokko anna kanyike zinin cinne kokkom, kar iróng enne aanyik ol kiyokta Masire.

Lu̱ge̱z 7:13

Ngen zinin ci alaan ci Masiro odoi dee, kar iróng zin enne aziye zoz co Muses ki Aaron ki baling u̱du̱wa̱ Manyi ke̱.

Lu̱ge̱z 7:3

Ma̱i̱je̱ zin ngatu kokko atin anna kanyike oo ci alaan ci Masiro kokkom, ming nu̱nu̱n kogonni anna kaal cik a̱vu̱la̱ ki cik anin ol cik meelek Masire,

Lu̱ge̱z 9:12

Ma̱i̱je̱ Manyi aanyik zinin cinne kodok kak, iróng aziye zoz ci Musesi ki Aaron, ki bali u̱du̱wa̱k Manyi Muses ke̱.

Ma̱te̱yo̱ 15:14

Utungtek nogo lo̱o̱c; ogon nege ki ol cik ru̱be̱ni̱k kar ku̱tu̱gu̱re̱t gonoggi cik ru̱be̱ni̱k bu̱k, i̱i̱na̱k atin nege do̱o̱k lowulang.”

Marko 4:12

Kar zin “‘Acin wo̱ye̱ nege, ma̱i̱je̱ ngatu iróng zin acin de̱de̱, kar zin bo̱do̱k azikne abarik iróng zin a̱gga̱; uhu wo̱ye̱ zi̱nze̱tti̱ cigge̱k, kar Ta̱mu̱ta̱dde̱n kalalek nogo!’”

Marko 6:52

Eci iróng nege a̱gga̱ zoz ci umunet ne̱ke̱ ju̱rru̱m, odoi nogo zi̱nze̱tti̱ niko.

Lu̱ka̱ 4:18

“Aave Vongizi ci Manyi ngatinanni, eci enne atahala annita kar kuwahek kaviyak cik abunna ol cik amati. I̱tto̱na̱na̱ enne kar kuwahek zoz ol wak e̱ce̱bje̱ lagama kar koogtai kar ol wak ru̱be̱ni̱k kicinte, kar kooga ol wak ommogek ol lo̱o̱c,

Lu̱ka̱ 8:10

O̱bo̱de̱k zin enne, “Anyoziung i̱ge̱t genyizi ci zoz ci a̱lu̱gnye̱ ko̱ ba̱a̱li̱nte̱ ci Ta̱mu̱ta̱dde̱no̱, ma̱i̱je̱ ngati ol u̱gge̱ kozozi anna tubzenta, kar zin, “‘ming acine nege nu̱nu̱n, iróng wo̱ye̱ nege acine; ming aziye nege nu̱nu̱n, iróng wo̱ye̱ nege a̱gga̱.’

Kaviyak wak Abunna Ta̱mu̱ta̱dde̱no̱ eher Joni 12:39

Imma zin zo̱ze̱ necu, iróng zin nege a̱tu̱we̱ ki ming u̱du̱wa̱ Isaya ke̱, azi ne:

Kaviyak wak Abunna Ta̱mu̱ta̱dde̱no̱ eher Joni 9:39

Ize zin Ye̱su̱ ne, “Ka̱kku̱ni̱ la̱du̱n anna lo̱o̱c kar ki̱ki̱ya̱ kapak zoz, kanyik ol wak ru̱be̱ni̱k kicinte, ovvo ol wak acine e̱e̱ggi̱n ru̱be̱ne̱.”

Buk wa To̱ni̱a̱u̱ 15:3

Baling ovvo ol cik atahaltai ko̱ ovvo, iyok nege go̱o̱le̱ ci lo̱o̱c ci Phoenicia ki Samariya, a̱du̱wa̱k ol zoz ci elemtta ol cik iróng e̱e̱ggi̱n Ya̱u̱d Ye̱su̱. Aanyik kaviyaha ne̱ko̱ ol wak a̱tu̱we̱ do̱o̱k katalto.

Buk wa To̱ni̱a̱u̱ 28:26

“‘Bit ngati ol ciko kar izek ne, “Aziknnu atin niga zoz ci a̱du̱ya̱i̱, abarik iróng i̱i̱zo̱ o̱o̱tti̱ ciggo̱k; acinnu atin niga gi̱i̱ ci kogonni anna, abarik zin iróng a̱gga̱yyu̱ keng ci zoz neci de̱de̱.”

Buk wa To̱ni̱a̱u̱ 3:19

Uturtta mu̱nye̱n ciggo̱k kar zin o̱bo̱dda̱k Ta̱mu̱ta̱dde̱n, kar enne ki̱ti̱vi̱la̱ mu̱nye̱n ciggo̱k do̱o̱k, kar i̱i̱te̱ni̱ ci talninto ki̱ki̱ya̱ ngati Manyi.

Roma 9:18

Aanyik Ta̱mu̱ta̱dde̱n deten e̱e̱t ci odola enne orong kaanyik, kar kidit o̱o̱tti̱ cik ol wak iróng aziye zoz cinne.