Kaviyak wak Abunna Ta̱mu̱ta̱dde̱no̱ eher Joni 12:27 - Tennet

²⁷ Emena Ye̱su̱ zoza dee, kar bo̱do̱k kize ne, “I̱yo̱ko̱ u̱u̱c annit zinin oroot, kar ucca anna kize ne? ‘Baba eelawa annit i̱i̱ cu’? A̱zze̱ zin to, eci la̱du̱n anna ka̱kku̱ni̱ zo̱ze̱ ci i̱i̱ necu.

Kaviyak wak Abunna Ta̱mu̱ta̱dde̱no̱ eher Joni 12:27 ပူးပေါင်းရင်းမြစ်များ

Ma̱te̱yo̱ 11:25

Imma i̱i̱te̱ne̱ neci, ize Ye̱su̱ ne, “Baba ye̱i̱, Manyi ta̱mu̱-keng ki lo̱o̱c, kinnatin, eci i̱nna̱ iróng i̱ye̱le̱k kaviyak cigunnek ol wak egenyi ki ol wak a̱gga̱ te̱he̱ri̱ne̱t, i̱ye̱le̱k abarik ol wak een ngantulo kiwagon dooli kidik.

Ma̱te̱yo̱ 11:26

De̱de̱, Baba, gi̱i̱ ci aanyi i̱nne̱t talninet ko̱ necu.

Ma̱te̱yo̱ 26:42

Utungek bo̱do̱k nogo kar kuk kala Ta̱mu̱ta̱dde̱n, azi ne, “Baba! Ming iróng i̱nna̱ aara uduc ci piryanzeto ngatinanni, tu̱gu̱ ki ci orongi i̱nna̱.”

Ma̱te̱yo̱ 26:45

Kar zin enne ki̱mi̱ro̱zi̱k nuyak ciginnek kar kize ne, “Ngen oginnu niko? Utube i̱i̱ ci kar Ngerrti E̱e̱to̱ ka̱gga̱mo̱zi̱k ol cik mu̱nye̱nu̱.

Lu̱ka̱ 22:44

Icirit nonno zinin oroot, kar zin enne kalawo oroot, kar muluwa ciginnek ku̱tu̱gu̱zzo̱ kiwagon bi̱ye̱ta̱ cik ereti i̱i̱na̱k lo̱o̱c.

Lu̱ka̱ 22:53

Kaave anna ki i̱ge̱t odohize reene ci Ce̱e̱z wa Ta̱mu̱ta̱dde̱no̱, iróng zin niga atadikang a̱zzi̱t. Ma̱i̱je̱ i̱yo̱ko̱ een necu i̱i̱ cunno̱ng ci ogone kaala mu̱hu̱ra̱.”

Kaviyak wak Abunna Ta̱mu̱ta̱dde̱no̱ eher Joni 11:41

I̱pi̱ktta̱ zin ol bee neci ngi̱lo̱ma̱ utuga ke̱, icin zin Ye̱su̱ ta̱mu̱-keng, kar zin kize ne, “Baba kaanyi zany, iziyu i̱nna̱ zoz cinanni.

Kaviyak wak Abunna Ta̱mu̱ta̱dde̱no̱ eher Joni 12:23

O̱bo̱de̱k zin Ye̱su̱ nogo, izek ne, “I̱ki̱ya̱ i̱i̱ ci okko Ngerrti E̱e̱to̱ a̱di̱ngdi̱nga̱ne̱.

Kaviyak wak Abunna Ta̱mu̱ta̱dde̱no̱ eher Joni 13:21

Baling u̱du̱wa̱ Ye̱su̱ zoz necu, icirit nonno zinin oroot kar zin kibborak nogo zoz neci, izek ne, “Ka̱du̱wa̱kku̱ng zoz wa een de̱de̱, okko atidic e̱e̱ti̱ imma ngatinno̱ng adawana annita.”

Kaviyak wak Abunna Ta̱mu̱ta̱dde̱no̱ eher Joni 18:37

Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

1 Ti̱mo̱te̱yo̱ 1:15

Een zoz cu de̱de̱, orong kelemtta, i̱ki̱ya̱k Ye̱su̱ Ki̱ri̱sto̱ wa atahalai lo̱o̱c kar ki̱ki̱ya̱ ki̱ti̱ri̱z ol wak mu̱nye̱nu̱ ki bali ming ke̱e̱ni̱ anna e̱e̱t ci mu̱nye̱nu̱ kommogo ke̱.

I̱bu̱ru̱ 2:14

Ke̱e̱ggi̱n naga ol cik diirik, een Ye̱su̱ bu̱k e̱e̱t ci diiri. Gool zin ci a̱kku̱na̱ke̱t Ye̱su̱ agit ko̱ necu, kar ki̱ki̱ya̱ ka̱da̱k kommog lo̱rye̱ni̱t ci anyak komiz ci daizo.

I̱bu̱ru̱ 5:7

Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.