Kaviyak wak Abunna Ta̱mu̱ta̱dde̱no̱ eher Joni 12:13 - Tennet

¹³ Idimtta zin nege etelle, kar ku̱ru̱mtte̱k Ye̱su̱ gool, kar zin kegerenyit ngati atalnine, izeto ne, “Kinnatit Ta̱mu̱ta̱dde̱n!” “U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi.” “U̱mu̱yu̱k Ta̱mu̱ta̱dde̱n Alaan wa Israilo!”

Kaviyak wak Abunna Ta̱mu̱ta̱dde̱no̱ eher Joni 12:13 ပူးပေါင်းရင်းမြစ်များ

Ma̱te̱yo̱ 23:39

Eci anna ka̱du̱wa̱kku̱ng zoz cu: Iróng atin bo̱do̱k niga ngen acinnang rok ming oot niga izetu ne, ‘U̱mu̱yu̱k Ta̱mu̱ta̱dde̱n e̱e̱t ci a̱kku̱ zare cik Manyi.’”

Ma̱te̱yo̱ 27:42

Izektek zin bo̱do̱k nonno ne, “Eela enne ol u̱gge̱, iróng enne eela ele cinne. Ming een enne alaan ci Israilo, anyik nonno kulucai ta̱la̱ke̱ca̱ kar atin naga kelemtta zoz cinne.

Kaviyak wak Abunna Ta̱mu̱ta̱dde̱no̱ eher Joni 1:49

Odola zin Nathanaeli ize ne, “De̱me̱zo̱i̱t, e̱e̱ni̱ i̱nna̱ Ngerrti Ta̱mu̱ta̱dde̱no̱, e̱e̱ni̱ bo̱do̱k Alaan ci Israilo.”

Kaviyak wak Abunna Ta̱mu̱ta̱dde̱no̱ eher Joni 12:14

Umuda Ye̱su̱ zi̱gi̱r, kar zin kotod ki bali ming e̱he̱rye̱ Warage ci Ta̱mu̱ta̱dde̱no̱ ke̱, azi ne,

Kaviyak wak Abunna Ta̱mu̱ta̱dde̱no̱ eher Joni 12:15

“Ma o̱ngo̱o̱li̱nnu̱ ol cik Zioni, icinnet alaan cunno̱ng ming a̱kku̱ aave mo̱o̱lte̱ ci zi̱gi̱ro̱.”

Kaviyak wak Abunna Ta̱mu̱ta̱dde̱no̱ eher Joni 19:15

Egerenyit nege izeto ne, “Bite nonno ngati! Bite nonno ngati! Todo nonno ta̱la̱ke̱ca̱ ka̱da̱k!” I̱jji̱n zin Pilato nogo, izek ne, “Kotoddo alaan cunno̱ng ko̱?” O̱bo̱dde̱k alaata cik olli wawaco nonno, izettek ne, “Iróng naga kanyaka alaan imma kize alaan ci a̱ddi̱ki̱re̱ Romi do̱ niko.”

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 19:16

Imma ru̱u̱me̱ cinne ki azana e̱he̱rye̱ zara ciginnek ke̱te̱: ALAAN CI ALAATU KI MANYI CI MA̱CI̱GI̱NNU̱.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.