Kaviyak wak Abunna Ta̱mu̱ta̱dde̱no̱ eher Joni 11:25 - Tennet

²⁵ Izek Ye̱su̱ nonno ne, “Annit ci kingane ol daiza kuruget. Ming a̱tu̱ya̱ e̱e̱ti̱ annita, ming a̱da̱k nu̱nu̱n, aruge atin.

Kaviyak wak Abunna Ta̱mu̱ta̱dde̱no̱ eher Joni 11:25 ပူးပေါင်းရင်းမြစ်များ

Lu̱ka̱ 23:43

Abarizek zin Ye̱su̱ nonno, “Ka̱du̱wa̱ki̱ anna i̱nne̱t zoz ci een de̱de̱, wazin necu eliya, kaavtte anna ki i̱nne̱ta̱ ta̱mu̱-kenga.”

Kaviyak wak Abunna Ta̱mu̱ta̱dde̱no̱ eher Joni 1:4

Een Zoz neci ruget ci e̱e̱t ci diiri, okko rugeti neci anyahak ol vooriten ci i̱ye̱le̱k nogo gool ci baizo.

Kaviyak wak Abunna Ta̱mu̱ta̱dde̱no̱ eher Joni 14:19

Iróng atin ol cik lo̱o̱tu̱ acinna annit arrak do̱yo̱i̱t, acinnang abarik atin niga do̱. Ma̱rri̱t ming kuruga bo̱do̱k anna, arugnu atin niga bu̱k.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 3:36

Ming anyak e̱e̱t ci a̱tu̱ Ngeranni, amuda atin enne ruget wa aave udut, imma e̱e̱ti̱ wa abure Ngeranni iróng acin ruget, eci Ta̱mu̱ta̱dde̱n aburnek nonno nong.”

Kaviyak wak Abunna Ta̱mu̱ta̱dde̱no̱ eher Joni 5:21

Ogon ki i̱yo̱ko̱ ming ingane Baba ol wak a̱tu̱we̱ daiza, kaanyik kuruget, imma zin go̱o̱le̱ necu, aanyik Ngerinne ruget ol wak orong enne kaanyik.

Kaviyak wak Abunna Ta̱mu̱ta̱dde̱no̱ eher Joni 5:26

Ki i̱yo̱ko̱ ming anyak Baba ruget ko̱, aanyik zin enne Ngerinne bu̱k kanyak ruget.

Kaviyak wak Abunna Ta̱mu̱ta̱dde̱no̱ eher Joni 6:35

Izek zin Ye̱su̱ nogo ne, “Ke̱e̱ni̱ anna da̱i̱ne̱t cik rugeto. Ming a̱kku̱nna̱ka̱ e̱e̱ti̱, iróng bo̱do̱k adak magiz udut, kar bo̱do̱k ming elemna e̱e̱ti̱, iróng koor a̱ru̱k nonno udut.

Kaviyak wak Abunna Ta̱mu̱ta̱dde̱no̱ eher Joni 6:44

Emena Ye̱su̱ zoza dee, azi ne, “Iróng e̱e̱ti̱ imma a̱kku̱nna̱ka̱, Baba do̱ niko wa i̱tto̱na̱na̱ ko̱ ci a̱gu̱ra̱ nonno, kingane atin anna nonno daiza i̱i̱te̱ne̱ ci okko looci aṯurneke.

Buk wa To̱ni̱a̱u̱ 3:15

U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu.

Roma 4:17

E̱he̱rye̱ Warage ci Ta̱mu̱ta̱dde̱no̱ zoz ci obod ki Aburaham, azi ne, “Ma̱rri̱t ming kaanyi i̱nne̱t ize be̱e̱ti̱ i̱do̱ngi̱ cik meelek.” U̱du̱wa̱k Ta̱mu̱ta̱dde̱n nonno zoz necu eci enne anyak tu̱we̱ne̱t. Manyi ci aanyik ol wak a̱da̱i̱to̱ kuruget, kar kidiman kaal cik een jor.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

1 Ko̱ri̱nto̱ 15:18

Kar ol wak a̱da̱i̱to̱ zo̱ze̱ ci Ki̱ri̱sto̱, e̱de̱nyce̱ nege do̱o̱k.

1 Ko̱ri̱nto̱ 15:29

I̱yo̱ko̱ ming iróng ol balik a̱da̱i̱to̱ ke̱ ingazi kuruget, ogon atin ol balik a̱gga̱me̱k ol ba̱ti̱ti̱mo̱ ke̱ ku̱? Ming iróng ol ingazi daiza udut, nya ming ka̱gga̱me̱k ol ba̱ti̱ti̱mo̱ zare cik e̱e̱t ci a̱da̱k ko̱?

2 Ko̱ri̱nto̱ 4:14

eci naga ka̱gga̱yya̱ niko Ta̱mu̱ta̱dde̱n ele ci bali ingane Manyi Ye̱su̱ daiza kurug, okko atin enne ingannet daiza ki Ye̱su̱, anyahannet atin enne agit ki i̱ge̱t kar ka̱vvu̱t ki nonno nga̱to̱de̱.

Vilipia 1:23

Abarik odoi kar katahala. Korongi ka̱da̱k kar ka̱vvu̱ta̱ ki Ki̱ri̱sto̱, eci go̱o̱le̱ necu abunna oroot.

Vilipia 3:10

Een gi̱i̱ ci korongi anna do̱o̱k abunna ka̱gga̱ Ki̱ri̱sto̱ ki doiz ci ingane nonno daiza kurug. Korongi kozolta ki nonno pirnanet cinne kar ka̱da̱k ki bali enne ke̱,

1 Te̱se̱lo̱ni̱ka̱ 4:14

Ming kelemi naga zoz ci a̱da̱kne̱ Ye̱su̱ kar zin kitinga daiza, obodane atin Ta̱mu̱ta̱dde̱n ol ne̱ke̱ daiza kuruget bu̱k ki Ye̱su̱ nga̱to̱de̱.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 20:5

Ovvo ol balik abal lo̱o̱c ki Ye̱su̱ ke̱ ingazi daize ci o̱o̱wu̱. Ma̱i̱je̱ ol uggak balik a̱da̱i̱to̱ ke̱ iróng ngen bo̱do̱k obodak ruget zee kutubte e̱rki̱to̱wa̱ cik e̱e̱ggi̱n i̱bbo̱ng co̱de̱ (1,000).

O̱no̱zzo̱k 21:4

A̱vi̱la̱ atin enne ti̱la̱lo̱ eberene cigge̱k. I̱zzi̱ atin bo̱do̱k daizi to icima mozinet icima u̱lu̱wa̱ icima u̱u̱ce̱z, eci kaala balik reentik ke̱ i̱zze̱c to ne dakdak.”

O̱no̱zzo̱k 22:1

I̱ye̱le̱ya̱ zin anjilo liil wa a̱ri̱k maama cik rugeto cik caalek paz, a̱ri̱ya̱ lecere ci Ta̱mu̱ta̱dde̱no̱ ki ci Nyoono,

O̱no̱zzo̱k 22:17

Ize Vongizi ci Ta̱mu̱ta̱dde̱no̱ ki nyatiran ci Nyoono ne, “I̱jja̱!” Anyik e̱e̱t ci aziye kize ne “I̱jja̱.” Ming anyak e̱e̱t ci a̱ru̱k koor, anyik nonno ki̱ki̱ya̱; kar ming orong e̱e̱ti̱ imma maam, anyik nonno kidima muci ci maam cik rugeto ollin.