Kaviyak wak Abunna Ta̱mu̱ta̱dde̱no̱ eher Joni 11:19 - Tennet

¹⁹ I̱vi̱ta̱ da̱ ol cik e̱e̱ggi̱n Ya̱u̱d Jerusalema ovvo a̱gga̱ma̱ ciko Marta ki Ma̱ri̱ya̱ azzin u̱lu̱wa̱ne̱ ci gotoni cinne̱ng bali a̱da̱i̱ ke̱.

Kaviyak wak Abunna Ta̱mu̱ta̱dde̱no̱ eher Joni 11:19 ပူးပေါင်းရင်းမြစ်များ

Kananet 37:35

I̱vi̱ta̱ zin logoz ciginnek macik ki cik nga̱a̱ye̱k do̱o̱k ovvo a̱gga̱m nonno a̱zzi̱t u̱lu̱wa̱na̱, ma̱i̱je̱ enne utubur zoz cinne̱ng. Ize enne ne, “I̱llo̱i̱, kokko atin anna rok lo̱o̱k ngati ngeranni.” U̱tu̱lu̱ zin baatinne nonno.

Lu̱ka̱ 10:39

Anyak da̱ enne ngooni ci een zara Ma̱ri̱ya̱ ci okko aave abanyce ci zo̱o̱ cik Manyi aziye zoz ci a̱du̱wa̱ enne.

Lu̱ka̱ 10:42

abarik anyak gi̱i̱ co̱de̱ ṯok ci korong naga. Atahala zin Ma̱ri̱ya̱ gi̱i̱ ci abunna, iróng atin e̱e̱ti̱ imma a̱gga̱ma̱ ngatinne.”

Kaviyak wak Abunna Ta̱mu̱ta̱dde̱no̱ eher Joni 1:19

Icu zoz ci Joni baling i̱tto̱nte̱k nonno ol cik een Ya̱u̱d Jerusalema ki bo̱do̱k ol wak wawaco ki ol boore ci Le̱vi̱. I̱jji̱nne̱t zin a̱nne̱k ne, “E̱e̱ni̱ i̱nna̱ ngene?”

Kaviyak wak Abunna Ta̱mu̱ta̱dde̱no̱ eher Joni 11:1

Omor da̱ e̱e̱ti̱ ci een zara Lazaru, a̱kku̱ enne o̱rge̱ ci een zara Bethany, abak ciko Ma̱ri̱ya̱ ki ngooni ci een Marta o̱rge̱ neci bu̱k. E̱e̱ggi̱n nege ngonoggi Lazaru. U̱vu̱d ba̱li̱ye̱ Ma̱ri̱ya̱ zo̱o̱ cik Manyi Ye̱su̱ maale ci ongooli laala, kar zin ki̱ti̱vi̱la̱ maal neci immane ciginnek.

Kaviyak wak Abunna Ta̱mu̱ta̱dde̱no̱ eher Joni 11:31

Baling icinnet ol balik e̱e̱ggi̱n Ya̱u̱d cik ovvo a̱gga̱m nogo azzin u̱lu̱wa̱na̱ ce̱e̱za̱ ke̱ Ma̱ri̱ya̱ ming ingazi ataman, i̱no̱ni̱t nege izeto ne okko i̱yo̱ko̱ enne ngi̱lo̱ma̱ u̱lu̱wa̱, unuwet zin Ma̱ri̱ya̱ vu̱rrta̱.

Kaviyak wak Abunna Ta̱mu̱ta̱dde̱no̱ eher Joni 11:33

Baling icin Ye̱su̱ nonno ming a̱lu̱, kar bo̱do̱k ol balik e̱e̱ggi̱n Ya̱u̱d orkora ki nonno ke̱ bo̱do̱k ming a̱lu̱, u̱u̱c nonno zinin oroot.

Kaviyak wak Abunna Ta̱mu̱ta̱dde̱no̱ eher Joni 11:36

Izeto zin ol ne̱k e̱e̱ggi̱n Ya̱u̱d ko̱ ne, “Icinnet, irez Ye̱su̱ Lazaru oroot!”

Kaviyak wak Abunna Ta̱mu̱ta̱dde̱no̱ eher Joni 11:45

Baling icinnet olli Ya̱u̱d balik ovvo a̱gga̱m a̱zzi̱t ci Ma̱ri̱ya̱ u̱lu̱wa̱ne̱ ci gotononi ko̱ kaal cik ogon Ye̱su̱, u̱tu̱we̱t zin nonno.

Kaviyak wak Abunna Ta̱mu̱ta̱dde̱no̱ eher Joni 11:8

Izettek nege nonno ne, “De̱me̱zo̱i̱t, orongnyi wanai jor niko ol cik e̱e̱ggi̱n Ya̱u̱d kovocci biyene. Orongi abarik bo̱do̱k i̱nna̱ mi̱re̱ bit nginati dee?”

Roma 12:15

Ming atalne ol, ataltto niga bu̱k ki nogo. Ming anyak e̱e̱ti̱ u̱lu̱wa̱, u̱tu̱lu̱z niga bu̱k.

2 Ko̱ri̱nto̱ 1:4

Eelannet ming i̱ta̱i̱t kaala cik gerzek, abunna ming keela ol u̱gge̱ cik anyak no̱ngi̱tto̱n cik a̱u̱ce̱ ko̱ bu̱k, eelante bali aanyyet Ta̱mu̱ta̱dde̱n agit ke̱.

1 Te̱se̱lo̱ni̱ka̱ 4:18

I̱ti̱lo̱zzo̱ kar eelta e̱le̱tti̱ cuggo̱k zo̱ze̱ necu.

1 Te̱se̱lo̱ni̱ka̱ 5:11

I̱yo̱ko̱ zin i̱ti̱lo̱zzo̱ e̱le̱tti̱ kar i̱ti̱lo̱z ol do̱o̱k tu̱we̱nte̱ ci Ye̱su̱ bu̱k ki i̱yo̱ko̱ ming abakku ko̱.