Kaviyak wak Abunna Ta̱mu̱ta̱dde̱no̱ eher Joni 10:16 - Tennet

¹⁶ Kanyai eeza u̱gge̱ cik iróng e̱e̱ggi̱n cik bo̱ngi̱t cu. Korongi kanyaha nogo bu̱k bo̱ngi̱t cu. Aziye atin nege bu̱k muluk cinanni kar kurumte nga̱to̱de̱ kar bo̱do̱k kodowe tuwayoiti.

Kaviyak wak Abunna Ta̱mu̱ta̱dde̱no̱ eher Joni 10:16 ပူးပေါင်းရင်းမြစ်များ

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Lu̱ka̱ 15:8

“Icima ming anyak ngaa o̱ro̱bi̱ya̱ cik e̱e̱ggi̱n ziik omoto kar co̱de̱ ki̱zzi̱. Iróng wo̱ye̱ enne atukul urez, a̱vi̱l ce̱e̱z kar korongo idic bak okko enne aruba?

Kaviyak wak Abunna Ta̱mu̱ta̱dde̱no̱ eher Joni 10:11

Emena Ye̱su̱ zoza dee kar zin kize ne, “Ke̱e̱ni̱ anna tuwayoit wa kabunna. A̱da̱i̱ tuwayoiti ci abunna zo̱ze̱ ci eeza ciginnek.

Kaviyak wak Abunna Ta̱mu̱ta̱dde̱no̱ eher Joni 10:2

Okko e̱e̱ti̱ ci iyok arana icima ottod ilanga, een enne tuwayoit.

Kaviyak wak Abunna Ta̱mu̱ta̱dde̱no̱ eher Joni 10:27

Aziye eezena cigannik muluk cinanni, ka̱gga̱ nogo, kar nege kunuyan.

Kaviyak wak Abunna Ta̱mu̱ta̱dde̱no̱ eher Joni 10:3

Oowek e̱e̱ti̱ ci ebekce bo̱ngi̱ta̱ tuwayoit eeza, kar zin eezena kiziyet muluk cinne ming awe. Awu enne eeza ciginnek zare, bak aziye, a̱vvu̱na̱k nonno kar zin gon kuuwe geen.

Kaviyak wak Abunna Ta̱mu̱ta̱dde̱no̱ eher Joni 10:4

Ming okko enne okkoye geen, uwante enne arrak oowa kar zin eezena kunuwet nonno eci a̱gga̱ muluk cinne.

Kaviyak wak Abunna Ta̱mu̱ta̱dde̱no̱ eher Joni 10:5

Iróng wo̱ye̱ eezena ne̱ke̱ annu e̱e̱t imma, abarik a̱vi̱r reena eci iróng nege a̱gga̱ muluk ci e̱e̱t neci.”

Kaviyak wak Abunna Ta̱mu̱ta̱dde̱no̱ eher Joni 11:52

Iróng een zu̱we̱ ci Ya̱u̱do̱ do̱, abarik ki dooli cik Ta̱mu̱ta̱dde̱no̱ azanonnik lo̱o̱cco̱k do̱o̱k, kar kanyahak nogo nginto̱de̱ kize orog co̱de̱.

Kaviyak wak Abunna Ta̱mu̱ta̱dde̱no̱ eher Joni 17:20

“Iróng lawinet cinanni een cinne̱ng do̱. Kalawonik ol ne̱k atin elemnana annita zo̱ze̱ cinne̱ng,

Kaviyak wak Abunna Ta̱mu̱ta̱dde̱no̱ eher Joni 6:37

A̱vvu̱na̱ka̱ atin ol wak aanya Baatanni annita, ma̱i̱je̱ ming a̱kku̱nna̱ka̱ e̱e̱ti̱ imma iróng anna ka̱bu̱ri̱.

Buk wa To̱ni̱a̱u̱ 15:14

Oobekket Si̱mo̱ne̱ zoz wa a̱kku̱na̱ke̱ Ta̱mu̱ta̱dde̱n ol cik iróng een Ya̱u̱d, orong kanyaha ol ne̱ko̱ u̱gge̱ kizeto ciginnek.

Buk wa To̱ni̱a̱u̱ 18:10

Kaave anna ngatunne, i̱llo̱i̱ e̱e̱t imma ci kar ku̱ru̱wi̱n, eci kanyai anna ol cik meelek o̱rge̱ cu.”

Buk wa To̱ni̱a̱u̱ 22:14

“Kar enne kize ne: ‘Atahalai bali Ta̱mu̱ta̱dde̱n wa ji̱ji̱ti̱gga̱c i̱nne̱ta̱ kar gga̱ zoz cinne kar cin E̱e̱t wa O̱de̱ Abunna kar bo̱do̱k zik zoz utuge cinne.

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

2 Te̱se̱lo̱ni̱ka̱ 2:13

Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

1 Peturu 2:10

“Iróng niga ba̱li̱ye̱ e̱e̱ggi̱nnu̱ ol cik Ta̱mu̱ta̱dde̱no̱. I̱yo̱ko̱ zin izetu niga ol ciginnek. Ba̱li̱ye̱ ngen niga urubta deten cinne, imma zin i̱yo̱ko̱ urubtau.”

1 Peturu 2:25

Ogonnu niga ba̱li̱ye̱ ki a̱zza̱ wak ajali. Imma zin i̱yo̱ko̱ oboddau, i̱vi̱ta̱u̱ tuwayoit wa azunne ruget cunno̱ng.

1 Peturu 5:4

Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.

O̱no̱zzo̱k 3:20

Annit icu kabili tatuga ko̱ kar koṯokṯowan tatug. Ming anyak e̱e̱t imma ci aziye muluk cinanni kar koo tatug, ka̱kku̱ni̱ atin anna kar ki̱ki̱ya̱ kadaktowa ki nonno, okko enne adakce ki annit nga̱to̱de̱.