Kaviyak wak Abunna Ta̱mu̱ta̱dde̱no̱ eher Joni 1:45 - Tennet

⁴⁵ Uruba Vilipi Nathanael kar zin kizek ne, “Ku̱mu̱dda̱ e̱e̱t bali eher Musesi zoz ci obod ki nonno lo̱ti̱nno̱we̱ wak Ta̱mu̱ta̱dde̱no̱ ke̱, kar bo̱do̱k a̱ri̱tto̱wa̱ cik Zoz ci Ta̱mu̱ta̱dde̱no̱ keteherit zoz neci, een enne Ye̱su̱ wa orog ci een Nazeret, ngerrti Yosevo.”

Kaviyak wak Abunna Ta̱mu̱ta̱dde̱no̱ eher Joni 1:45 ပူးပေါင်းရင်းမြစ်များ

Kananet 22:18

kar zo̱ze̱ ci dooli cigunnek, amuda atin ol lo̱o̱co̱we̱ do̱o̱k ma̱yu̱we̱ne̱t, eci i̱nna̱ o̱ngo̱o̱li̱na̱n.”

Kananet 3:15

I̱yo̱ko̱ zin karike atin anna marnonet i̱nne̱t ki ngaa zee ku̱ru̱m ci alawano, a̱ru̱ki̱ atin do̱le̱c ci ngaawo oo cunne kar i̱nna̱ tenged nonno gi̱nygi̱nye̱ni̱t.”

Kananet 49:10

Iróng atin alaanzet ungnek Ju̱da̱ lo̱o̱c, icima keet ci alaanzetu aave zone ciginnek, zee ki̱ki̱ya̱k enne manyi alaanzet kar ngo̱o̱li̱ne̱t ci lo̱o̱cco̱k do̱o̱k een cinne.

Ma̱te̱yo̱ 10:3

ki Vilip, ki Bartolomeyo, ki Tomas, ki Ma̱te̱yo̱ wa aluta mucuru olle, ki Je̱mi̱s ngerrti Alipeyo ki Taudesio,

Ma̱te̱yo̱ 13:55

Iróng wo̱ye̱ necu een ngerrti e̱e̱t wagon anyak arizet ci odode lecerit ko̱? Iróng yaatinne een Ma̱ri̱ya̱, iróng gotonoggja een ciko, Je̱mi̱s, Yosevo, Si̱mo̱ne̱ ki Ju̱da̱?

Ma̱te̱yo̱ 2:23

Oot zin nege a̱vvu̱to̱ o̱rge̱ ci een Nazeret. Ize ne, ize zoz bali u̱du̱wa̱ Ta̱mu̱ta̱dde̱n ke̱, de̱de̱, ki baling a̱du̱wa̱ a̱ri̱to̱i̱ti̱ azi ne, “Akanonik atin do̱le̱c zara cik azi ne, Nazarene.”

Ma̱te̱yo̱ 21:11

O̱bo̱dde̱k zin koole gonoggi, a̱nne̱k ne, “Een necu Ye̱su̱, a̱ri̱to̱i̱t wa a̱kku̱ o̱rge̱ ci een Nazeret, Ga̱li̱li̱ya̱.”

Marko 14:67

Baling icin enne Peturu ming aavik gwo̱o̱ niko, Atangamek enne nonno oroot. Kar zin kizek nonno ne, “Orkoryyu gon i̱nna̱ bu̱k ki Ye̱su̱ e̱e̱t ci Nazereti ko̱.”

Marko 6:3

Iróng dim enne een e̱e̱t wagon adiman lecerit keene ko̱? Iróng dim enne een ngerrti Ma̱ri̱ya̱, wa een gotoni Je̱mi̱s, ki Yosevo, ki Ju̱da̱ ki Si̱mo̱ne̱? Iróng dim ngonoggja abak ki agit ngatu bu̱k?” Utuburet zin ol nong ngatinne oroot.

Lu̱ka̱ 18:37

U̱du̱kta̱k zin ol nonno, “Owo Ye̱su̱ wa Nazereti ko̱ goola.”

Lu̱ka̱ 2:4

Itinga Yosevo o̱rge̱ ci azi zar ne Nazeret, Ga̱li̱li̱ya̱, uk rok lo̱o̱c ci een Ju̱de̱ya̱, Betelema orog ci Da̱vi̱de̱, eci Yosevo a̱kku̱ tatuge ci Da̱vi̱de̱.

Lu̱ka̱ 2:48

Baling icinnet ciko yaatinne ki baatinne nonno, u̱ku̱lte̱k zin nege je̱e̱n. Izek zin yaatinne nonno ne, “Ngeranni, nya ming ogonet ki i̱yo̱ko̱ ko̱? Korongnyi, anna ki baatunne i̱nne̱t oroot.”

Lu̱ka̱ 24:27

Akane ngati Musesi ki a̱ri̱tto̱k do̱o̱k, oobek zin enne nogo zoz bali obod ki nonno u̱du̱ya̱i̱ e̱he̱rye̱ Waraganyai cik Ta̱mu̱ta̱dde̱no̱ ko̱ do̱o̱k.

Lu̱ka̱ 24:44

Izek enne nogo ne, “Een necu zoz bali ku̱du̱wa̱u̱ng anna i̱ge̱ta̱ baling ngen kaavtte bu̱k ke̱: Akati atin kaala do̱o̱k mo̱o̱le̱t cik obod ki annit ki ming e̱he̱rye̱ lo̱ti̱nno̱we̱ cik Musesi, ki a̱ri̱tto̱k ki Caliwon.”

Lu̱ka̱ 3:23

I̱yo̱ko̱ zin izeto da̱ e̱rki̱nya̱ cik Ye̱su̱ moten i̱i̱yo̱ baling akane enne li̱ngli̱ngo̱n cinne. Een bali enne ngerrti Yosevo, ki bali ming i̱no̱n ol ke̱, een ngerrti Heli,

Lu̱ka̱ 4:22

Ozozit zin ol do̱o̱k ju̱rru̱m zo̱ze̱ cinne, kar ku̱ku̱lte̱k je̱e̱n zo̱ze̱ ci deten ci iyowa utuge cinne. I̱jji̱nto̱ zin nege, “Iróng necu een ngerrti Yosevo?”

Kaviyak wak Abunna Ta̱mu̱ta̱dde̱no̱ eher Joni 1:44

Een Vilipi e̱e̱t ci orog ci een Betsaida, e̱e̱ggi̱n ciko Andereya ki Peturu cik orog neci bu̱k.

Kaviyak wak Abunna Ta̱mu̱ta̱dde̱no̱ eher Joni 12:21

I̱vi̱tta̱k zin Vilip, e̱e̱t ci a̱kku̱ o̱rge̱ ci een zara Betsaida lo̱o̱ce̱ ci Ga̱li̱li̱, kar zin ki̱jji̱nne̱t nonno, kizettek ne, “Nger, korongnya kicinnta Ye̱su̱.”

Kaviyak wak Abunna Ta̱mu̱ta̱dde̱no̱ eher Joni 14:8

Izek zin Vilipi nonno ne, “Manyi, ye̱le̱kke̱t Be̱e̱ti̱nna̱ kicinnta kar kubunna niko.”

Kaviyak wak Abunna Ta̱mu̱ta̱dde̱no̱ eher Joni 18:5

O̱bo̱dde̱k nege nonno izettek ne, “Korongnya Ye̱su̱ wa orog wa een Nazeret.” O̱bo̱de̱k zin Ye̱su̱ nogo bo̱do̱k izek ne, “Annit nenen icu, Ye̱su̱ wa orog neci een Nazeret ke̱.” Abile enne Judasi bali okko ovolonge nonno ke̱ ki nogo nginati niko.

Kaviyak wak Abunna Ta̱mu̱ta̱dde̱no̱ eher Joni 18:7

I̱jji̱n bo̱do̱k Ye̱su̱ nogo dee, izek ne, “Orongnyu dim i̱ye̱ niga ngene?” O̱bo̱dde̱k bo̱do̱k nege nonno izettek ne, “Korongnya Ye̱su̱ wa orog wa een Nazeret.”

Kaviyak wak Abunna Ta̱mu̱ta̱dde̱no̱ eher Joni 19:19

Eteher Pilato waraga imma izong kar zin kamadek ta̱la̱ke̱c. E̱he̱rye̱ zoz neci azi ne, YE̱SU̱ WA NAZERETI NECU, EEN ALAAN CI YA̱U̱DO̱.

Kaviyak wak Abunna Ta̱mu̱ta̱dde̱no̱ eher Joni 21:2

Aavtte ol ciko to Si̱mo̱ne̱ wa een Peturu, Tomas wa een cuudenit, Nathanael wa a̱kku̱ o̱rge̱ ci een Kana, Ga̱li̱li̱ya̱, ki logoz cik Zebedee, ki nuyak u̱gge̱ rama, arume nege do̱o̱k nga̱to̱de̱.

Kaviyak wak Abunna Ta̱mu̱ta̱dde̱no̱ eher Joni 6:42

Izeto zin ne, “Iróng dim necu een Ye̱su̱ ngerrti Yosevo wa ka̱gga̱ naga do̱o̱k baatinne ki yaatinne ko̱? Azi wo̱ye̱ enne bo̱do̱k ne, ‘Ka̱kku̱na̱k lo̱o̱c ta̱mu̱-kenga ku̱ niko?’”

Kaviyak wak Abunna Ta̱mu̱ta̱dde̱no̱ eher Joni 6:5

Baling odong Ye̱su̱ oo, edenya koole ci a̱ppwe̱ ming a̱vvu̱na̱k nonno, kar zin kizek Vilip ne, “Kamuda atidic da̱i̱ne̱t nga cik kuutak koole cu kadait?”

Kaviyak wak Abunna Ta̱mu̱ta̱dde̱no̱ eher Joni 6:7

O̱bo̱de̱k Vilipi Ye̱su̱, a̱nne̱k ne, “Iróng o̱ro̱bi̱ya̱na̱ obet rama (200) cik e̱e̱ggi̱n ziik eleno kar ku̱tu̱yya̱ da̱i̱ne̱t cik adak ol ne̱ko̱ veelek.”

Buk wa To̱ni̱a̱u̱ 10:38

Aanyik Ta̱mu̱ta̱dde̱n Ye̱su̱ Vongiz ci A̱li̱le̱ ki komiz, ki gool ci a̱lu̱ce̱ enne lo̱o̱c ogon kaal cik abunna kar bo̱do̱k enne kangaru ol wak anyak kuulo cik lo̱rye̱nta̱k, eci Ta̱mu̱ta̱dde̱n aave ngatinne.

Buk wa To̱ni̱a̱u̱ 2:22

“Olli Israilo, iziyyet zoz cu: Een bali Ye̱su̱ wa Nazereti e̱e̱t ci aanyet Ta̱mu̱ta̱dde̱n agit go̱o̱le̱ ci ogone enne kaal cik a̱vu̱la̱ ki kaal cik aanyik ol ka̱ma̱li̱ltte̱ o̱o̱tti̱, ki baayen balik ogonekku̱ng Ta̱mu̱ta̱dde̱n i̱ge̱t ke̱, eci bali a̱gga̱yyu̱ niga e̱le̱tti̱ne̱.

Buk wa To̱ni̱a̱u̱ 22:8

“Ki̱jji̱na̱ anna nonno, ‘I̱nne̱t ngene, ddi̱ki̱ryo̱i̱t?’ “O̱bo̱de̱ka̱ enne azi ne, ‘Ke̱e̱ni̱ anna Ye̱su̱ wa Nazareth, wa a̱gi̱ddu̱ niga ko̱,’

Buk wa To̱ni̱a̱u̱ 26:9

“Kelema bali anna bu̱k kar kadang ol balik a̱tu̱ Ye̱su̱ wa Nazereti.

Buk wa To̱ni̱a̱u̱ 3:6

Kar zin Peturu kize ne, “I̱llo̱i̱ annit o̱ro̱bi̱ya̱ icima dhahab ci kaanyin, abarik zin kaanyi gi̱i̱ ci kanyai icu, zare cik Ye̱su̱ Ki̱ri̱sto̱ wa orog ci een Nazeret, ka̱nne̱ki̱ ne, tinga je̱e̱na̱ kar to.”