Kaviyak wak Abunna Ta̱mu̱ta̱dde̱no̱ eher Joni 1:29 - Tennet

²⁹ Ma̱i̱je̱ nge̱rre̱ti̱n ci reng, edenya Joni Ye̱su̱ ming a̱kku̱nna̱k nonno, kar kize ne, “Icinnet, Nyoon ci Ta̱mu̱ta̱dde̱no̱ wa a̱vi̱la̱ mu̱nye̱n cik lo̱o̱tu̱!

Kaviyak wak Abunna Ta̱mu̱ta̱dde̱no̱ eher Joni 1:29 ပူးပေါင်းရင်းမြစ်များ

Ma̱te̱yo̱ 1:21

Imma atin vu̱rrta̱, ming i̱ti̱rya̱i̱, a̱ka̱tte̱k do̱le̱c zar cik azi ne Ye̱su̱, eci okko atin enne eela ol ciginnek mu̱nye̱ne̱.”

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Kaviyak wak Abunna Ta̱mu̱ta̱dde̱no̱ eher Joni 1:35

Imma nge̱rre̱ti̱n ci reng, abile da̱ Joni ki nuyak waginnek e̱e̱ggi̱n ram,

Kaviyak wak Abunna Ta̱mu̱ta̱dde̱no̱ eher Joni 1:36

kar zin kicin Ye̱su̱ ming owo izek zin nuyak ne, “Icinnet Nyoon ci Ta̱mu̱ta̱dde̱no̱!”

Kaviyak wak Abunna Ta̱mu̱ta̱dde̱no̱ eher Joni 1:43

Imma i̱i̱te̱n ci reng, odola Ye̱su̱ uk lo̱o̱ce̱ ci Ga̱li̱li̱. Urubak zin Vilip orog neci, iizek nonno ne, “Nuwan.”

Kaviyak wak Abunna Ta̱mu̱ta̱dde̱no̱ eher Joni 2:1

Baling edeccai i̱i̱nya̱ cik e̱e̱ggi̱n ram u̱ru̱we̱t ol rucenet o̱rge̱ ci een Kana lo̱o̱ce̱ ci Ga̱li̱li̱. Aave da̱ e̱e̱ti̱ Ye̱su̱ bu̱k nginati.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 4:42

Izettek zin ol ne̱ke̱ ngaa neci ne, “Iróng naga ka̱tu̱we̱nna̱ zo̱ze̱ wanai a̱du̱wa̱ i̱nna̱ ke̱ do̱. Kizikta zoz cinne naga e̱le̱tti̱ne̱, ka̱gga̱yya̱ niko ming een e̱e̱ti̱ cu de̱de̱ Ti̱ri̱zo̱i̱t ci lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Buk wa To̱ni̱a̱u̱ 13:39

Imma zin ngati e̱e̱t ci a̱tu̱ nonno i̱zze̱c mu̱nye̱na̱, iróng lo̱ti̱nno̱wa̱ cik Musesi uule kar kalaleung.

Buk wa To̱ni̱a̱u̱ 8:32

Ikeb bali e̱e̱ti̱ ci Ethiopio zoz cu Warage ci Ta̱mu̱ta̱dde̱no̱: “Ovvoye ol nonno kiwagon a̱zze̱ti̱ ci ovvo ol otodongi, kiwagon nyoon ci etted ol ima aave li̱i̱m, ngen zin enne koo utug cinne.

1 Ko̱ri̱nto̱ 15:3

Eci zoz ci ka̱gga̱ma̱ anna ngati Ki̱ri̱sto̱, ka̱du̱wa̱kku̱ng anna i̱ge̱t bu̱k zoz ci riili zo̱ze̱ neci. A̱da̱i̱ Ki̱ri̱sto̱ zo̱ze̱ ci mu̱nye̱n cigga̱c, ki ming e̱he̱rye̱ Warage ci Ta̱mu̱ta̱dde̱no̱,

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

1 Ti̱mo̱te̱yo̱ 2:6

ci aanyik zin enne ele cinne kize wawac, ku̱ru̱we̱ ka̱da̱k kar kaara ol mu̱nye̱n, a̱kku̱ zoz necu go̱o̱le̱ ci orong Ta̱mu̱ta̱dde̱n.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

1 Peturu 1:19

abarik a̱ti̱ri̱zu̱ng bi̱ye̱te̱ cik Ki̱ri̱sto̱, ogon enne ki nyoon ci iróng anyak gi̱i̱ ci gerze eliya.

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 2:2

Ogon enne ki wawaci mu̱nye̱ne̱ cigga̱c. Iróng een wawac cinna do̱, abarik nonno ci een wawac ci olli lo̱o̱tu̱ do̱o̱k.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.

1 Jon 4:10

Een necu rezinet ci Ta̱mu̱ta̱dde̱no̱: Iróng een agit cik kirez Ta̱mu̱ta̱dde̱n, abarik nonno ci irezet agita, kar ki̱tto̱na̱i̱t Ngerinne kize wawac ci okko alalnek mu̱nye̱n cigga̱c.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 12:11

Ommogit nege lo̱rye̱ni̱t bi̱ye̱te̱ cik Nyoono ki zo̱ze̱ ci a̱du̱wa̱ nege; iróng nege irez e̱le̱tti̱ cigge̱k oroot abarik iróng ngen o̱ngo̱o̱le̱ daiz.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.

O̱no̱zzo̱k 14:1

Kicina zin anna bo̱do̱k Nyoon ci abile biye ci een zara Zion, ki ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) wak e̱he̱rye̱ zara cik Nyoono ki cik Baatinne ngu̱mtti̱nne̱ cigge̱k.

O̱no̱zzo̱k 14:10

okko atin enne bu̱k aud merte ci atin aanyik Ta̱mu̱ta̱dde̱n komoze. A̱ddu̱to̱ni̱k merte neci uduc cinne mozinto kibbit ṯoc. Apirna atin enne oroot gwo̱o̱ya̱ kicinnet anjilonya cik a̱li̱le̱ ki Nyoon.

O̱no̱zzo̱k 14:4

E̱e̱ggi̱n ne̱ko̱ ol cik iróng a̱wu̱l e̱le̱tti̱ ngaane, eci azunne e̱le̱tti̱ cigge̱k kizeto caale ne paz. Annu nege Nyoon rok nginti okkoye enne. Ataltai nege arrak oowa orgene ci ol cik diirik kar kanycozik nogo kizeto cik Ta̱mu̱ta̱dde̱no̱ ki ci Nyoono, kar nege kizeto ol cik riilik lo̱o̱ta̱ ngatu.

O̱no̱zzo̱k 15:3

kar zin ke̱be̱ni̱t lo̱ng ci Musesi du̱ca̱i̱t ci Ta̱mu̱ta̱dde̱no̱ ki lo̱ng ci Nyoono. Azi ne, “A̱ddi̱ki̱re̱ kar ki̱zi̱ze̱c kaala cigunnek do̱o̱k oroot, Manyi Ta̱mu̱ta̱dde̱n wa anyak Komiz do̱o̱k, een bunnati ki zoz ci een de̱de̱ kaal cigunnek ogoni i̱nna̱, Alaan ci lo̱o̱cco̱k do̱o̱k.

O̱no̱zzo̱k 17:14

Anyaha atin nege illa ci oore Nyoon, ma̱i̱je̱ atin Nyoon ommog nogo ma̱rri̱t enne een Manyi ci ma̱ci̱gi̱nnu̱ ki Alaan ci alaatu veelek. Ovvo ol wak annu nonno ko̱ atahaltai kar ku̱zu̱tte̱ zoz cinne.”

O̱no̱zzo̱k 19:7

Katalto zin naga kar kanycik Ta̱mu̱ta̱dde̱n zany kar kanycik nonno ki̱di̱ngdi̱ng! Eci i̱ki̱ya̱ i̱i̱te̱ni̱ ci okko Nyoon arucene, kar nyatirani cinne kidiman ele ju̱rru̱m.

O̱no̱zzo̱k 19:9

A̱nne̱ka̱ zin anjilo ci Ta̱mu̱ta̱dde̱no̱ annit ne: “Teher zoz cu: ‘A̱mu̱yu̱k Ta̱mu̱ta̱dde̱n ol ne̱k aawak enne rucenet ci a̱ddi̱ki̱re̱ Nyoono!’” Kar bo̱do̱k enne kotorek, “E̱e̱ggi̱n ne̱ko̱ zo̱zzo̱k cik Ta̱mu̱ta̱dde̱no̱ de̱de̱.”

O̱no̱zzo̱k 21:14

Okko a̱lu̱wa̱ ci orog ci a̱ddi̱ki̱re̱ eenyce lo̱o̱ta̱ biyene cik i̱ti̱re̱ne̱ e̱e̱ggi̱n omoto ki rama, e̱he̱rye̱ zin zara cik to̱ni̱a̱k cik Nyoono omoto ki rama.

O̱no̱zzo̱k 21:27

I̱llo̱i̱ atin gi̱i̱ imma ci anyak mu̱nye̱n kar ki̱tto̱ ngin neci, icima i̱i̱zo̱ e̱e̱ti̱ imma ci ogon kaal cik gerzek, abarik i̱i̱zo̱ ol cik e̱he̱rye̱ zara cigge̱k buwe ci Nyoono rugeto do̱ niko cik aavtte o̱rge̱ neci.

O̱no̱zzo̱k 21:9

I̱ki̱ya̱ zin annit anjilo co̱de̱ anjilonyai cik e̱e̱ggi̱n turgerem ko̱, balik anyak uduce turgerem abbize zerenina kar kize ne, “I̱jja̱, ki̱ye̱le̱ki̱ atin nyatiran, ngaa ci Nyoono.”

O̱no̱zzo̱k 5:6

Kicina zin anna Nyoon ci abile lecera orgena, aburuk kaala cik aruge e̱e̱ggi̱n we̱c ki lo̱ddi̱ki̱re̱. Anyak enne o̱to̱ turgerem ki ebere turgerem, e̱e̱ggi̱n ne̱ko̱ vongizzok cik Ta̱mu̱ta̱dde̱no̱ e̱e̱ggi̱n turgerem i̱tto̱na̱k enne lo̱o̱c.

O̱no̱zzo̱k 5:8

Kar baling a̱gga̱ma̱ enne waraga neci, a̱ka̱tte̱k zin kaala cik aruge e̱e̱ggi̱n we̱c ko̱ ki lo̱ddi̱ki̱re̱ moten rama ki we̱c do̱o̱k nonno u̱zu̱ngti̱nne̱. Anyak ngenngene gitar kar ka̱gga̱mi̱t bo̱do̱k uduce cik e̱e̱ggi̱n dhahab abbize lotagongi, e̱e̱ggi̱n ne̱ko̱ kaal cik alawe ol cik a̱li̱le̱ Ta̱mu̱ta̱dde̱n.

O̱no̱zzo̱k 6:1

Kicina anna Joni ming a̱du̱l Nyoon mutulac ci een oo mutulai wak e̱e̱ggi̱n turgerem a̱gga̱m waraga ko̱. Kar kizik kaal cik aruge e̱e̱ggi̱n we̱c ko̱ co̱de̱ ngatinne̱ng ming ozoz muluwanine cik a̱ppi̱nte̱k a̱ju̱l kiwagon borowoci, azi ne, “I̱jja̱!”

O̱no̱zzo̱k 6:16

A̱nne̱k zin nege biyen cik a̱ddi̱ki̱re̱ ki jo̱o̱re̱t ne, “Itazak e̱le̱tti̱ cigga̱k kar u̱lu̱gu̱nyce̱tu̱ ngati E̱e̱t wa aave lecera ko̱ kar bo̱do̱k ngati mozinet ci Nyoono!

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.

O̱no̱zzo̱k 7:17

Okko Nyoon ci aave lecera orgena ko̱ een atin tuwayoit cinne̱ng; okkoye atin enne nogo rok e̱be̱re̱c ci maam cik rugetak. Kar atin Ta̱mu̱ta̱dde̱n ki̱ti̱vi̱l ti̱la̱lo̱ eberene cigge̱k do̱o̱k ne lai.”