Kaviyak wak Abunna Ta̱mu̱ta̱dde̱no̱ eher Joni 1:18 - Tennet

¹⁸ Ngen e̱e̱ti̱ imma kicin Ta̱mu̱ta̱dde̱n udut, Ngerinne wa zinino o̱de̱ ṯok een Ta̱mu̱ta̱dde̱n bu̱k ci aanyyet ka̱gga̱c Ta̱mu̱ta̱dde̱n Baatinne.

Kaviyak wak Abunna Ta̱mu̱ta̱dde̱no̱ eher Joni 1:18 ပူးပေါင်းရင်းမြစ်များ

Kananet 16:13

Akatek zin Hagari Manyi wa ozozike nonno ke̱ kize zara “E̱e̱ni̱ i̱nna̱ Ta̱mu̱ta̱dde̱n ci acinnan.” Eci enne ize ne, “Kicina de̱de̱ Ta̱mu̱ta̱dde̱n wa acinnan.”

Kananet 18:33

Baling edeca Manyi zoz ki Aburaham, utungek zin enne nonno lo̱o̱c, kar zin Aburahami ki̱mi̱re̱ kuk ce̱e̱za̱.

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Lu̱ka̱ 10:22

“Anyoziya annita kaala do̱o̱k ngati Baba. I̱llo̱i̱ e̱e̱t co̱de̱ ci a̱gga̱ Ngerinne, Baba do̱ ci a̱gga̱, kar bo̱do̱k i̱llo̱i̱ e̱e̱t co̱de̱ ci a̱gga̱ Baba, Ngerinne do̱ ci a̱gga̱ ki ol wak atahala enne, kar ki̱ye̱le̱k nogo zoz ci Baba.”

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 12:41

U̱du̱wa̱ a̱ri̱to̱i̱ti̱ ci een Isaya zoz necu, eci enne icin Ye̱su̱ ming a̱bu̱le̱ zara, kar zin kozoz zoz ci obod ki nonno ko̱.

Kaviyak wak Abunna Ta̱mu̱ta̱dde̱no̱ eher Joni 13:23

Aave da̱ nuyaiti co̱de̱ wagon irez Ye̱su̱ oroot ko̱ ojonun ki nonno.

Kaviyak wak Abunna Ta̱mu̱ta̱dde̱no̱ eher Joni 14:9

O̱bo̱de̱k Ye̱su̱ nonno, a̱nne̱k ne, “Vilip, kabak nga̱to̱de̱ e̱rki̱nya̱ cik meelek, iróng i̱nna̱ a̱gga̱ya̱n? Ming icinna e̱e̱ti̱ imma annita, ogon niko icin enne Baba bu̱k.” Kar bo̱do̱k kize ne, “Nya ci azi i̱nna̱ ne, ‘Ye̱le̱kke̱t Baba ko̱’?

Kaviyak wak Abunna Ta̱mu̱ta̱dde̱no̱ eher Joni 17:26

Ku̱du̱wa̱ha̱ anna zar cigunnek nogo ka̱gga̱c, kemenna kanyik, ka̱du̱wa̱i̱ ka̱gga̱yi̱ kar rezinet wa ireza i̱nna̱ annit ka̱vvu̱ ngatinne̱ng bu̱k kar zin anna bu̱k ko̱do̱ye̱wa̱ ki nogo.”

Kaviyak wak Abunna Ta̱mu̱ta̱dde̱no̱ eher Joni 17:6

“I̱yo̱ko̱ zin ki̱ye̱le̱ya̱ ol balik aanya i̱nna̱ annit lo̱o̱ta̱ ke̱ ka̱gga̱yi̱ i̱nne̱t ju̱rru̱m. E̱e̱ggi̱n ba̱li̱ye̱ nege ol cigunnek kar zin i̱nna̱ inya annita, o̱to̱ngo̱o̱ltte̱ zin nege kaal cik edemezi i̱nna̱.

Kaviyak wak Abunna Ta̱mu̱ta̱dde̱no̱ eher Joni 3:11

Ka̱du̱wa̱kku̱ng zoz ci een de̱de̱, koobekkung zoz ci ka̱gga̱yya̱, kibbaca kaal wak kicinnta. Ma̱i̱je̱ niga iróng orongnyu iziyyet zoz cinna̱ng.

Kaviyak wak Abunna Ta̱mu̱ta̱dde̱no̱ eher Joni 6:46

Ngen e̱e̱ti̱ imma kicin Baba, annit do̱ niko ci ka̱kku̱ni̱ Ta̱mu̱ta̱dde̱na̱ ci kicina Baba.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Kolosiya 1:15

Een Ki̱ri̱sto̱ ri̱ri̱to̱n ci Ta̱mu̱ta̱dde̱n ci iróng naga kacin eberene, nonno bo̱do̱k ci een a̱bu̱ ci kaal cik eenyca Ta̱mu̱ta̱dde̱n do̱o̱k.

1 Ti̱mo̱te̱yo̱ 1:17

Kala alaan kar bo̱do̱k ki̱di̱ngdi̱nga̱n nonno wa abak udut, wa iróng a̱da̱i̱, wa iróng kacin eberene, nonno Ta̱mu̱ta̱dde̱n o̱de̱ ṯok! Ko̱to̱ngo̱o̱ltte̱ nonno udut. I̱i̱ny.

1 Ti̱mo̱te̱yo̱ 6:16

Ta̱mu̱ta̱dde̱n do̱ niko ci iróng a̱da̱i̱ udut. Abak enne vooritene ci ataltali, i̱llo̱i̱ rok e̱e̱t ci anime kuk ojonun, ngen e̱e̱ti̱ imma kicin nonno udut, i̱llo̱i̱ bo̱do̱k atin ol cik acin nonno. Anyak enne komiz, ki̱di̱ngdi̱nga̱ni̱t nonno udut. Anyik ku̱tu̱gu̱ niko (Amin).

1 Jon 4:12

Ngen e̱e̱ti̱ imma kicin Ta̱mu̱ta̱dde̱n udut, abarik zin ming kirezo naga e̱le̱tti̱ne̱, abak enne ngatinna kar rezinet cinne kidimanet agit ju̱rru̱m baize cinna.

1 Jon 4:20

Ming azi e̱e̱ti̱ imma ne, kirezi enne Ta̱mu̱ta̱dde̱n, imma ngatu amarine gooni, een enne volongnyoit. Eci ming iróng e̱e̱ti̱ irez gooni ci acin enne eberene, irez wo̱ye̱ enne Ta̱mu̱ta̱dde̱n ci iróng enne acin eberene ko̱?

1 Jon 4:9

Een necu zin gool ci i̱ye̱le̱kke̱t Ta̱mu̱ta̱dde̱n rezinet cinne ngati i̱tto̱na̱ne̱ lo̱o̱c Ngerinne wa O̱de̱ Ṯok kar naga kurubta ruget zo̱ze̱ cinne.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.