Kaviyak wak Abunna Ta̱mu̱ta̱dde̱no̱ eher Joni 1:14 - Tennet

¹⁴ I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:14 ပူးပေါင်းရင်းမြစ်များ

Ma̱te̱yo̱ 1:16

een Ya̱ko̱bo̱ be̱e̱ti̱ Yosevo, okko Yosevo een mac ci Ma̱ri̱ya̱ wa okko a̱rri̱ta̱ Ye̱su̱, wa ovvo ol akannek zar cik een Ki̱ri̱sto̱.

Lu̱ka̱ 2:11

Wazin necu o̱rge̱ ci Da̱vi̱de̱ a̱rri̱ta̱i̱ Ti̱ri̱zo̱i̱ti̱ kize cunno̱ng; een enne Ki̱ri̱sto̱ Manyi.

Lu̱ka̱ 2:7

kar zin enne ki̱ti̱ra̱ do̱le̱c ci een a̱bu̱, ci maci. U̱lu̱cce̱k nonno ru̱u̱ma̱ni̱ kar karik i̱bo̱, eci i̱llo̱i̱ ce̱e̱z ci adungne nege.

Lu̱ka̱ 9:32

Imma Peturu ki gonoggi adak da̱ ungnyaha oroot, ma̱i̱je̱ baling itingazzo nege ungnyahe, icinnet nege di̱ngdi̱ngo̱n cinne ki ol cik e̱e̱ggi̱n rama abile ki nonno.

Kaviyak wak Abunna Ta̱mu̱ta̱dde̱no̱ eher Joni 1:1

Aave da̱ la̱du̱n kanante ci lo̱o̱tu̱ Zoz to, arumze da̱ zoz neci ki Ta̱mu̱ta̱dde̱n, een da̱ Zoz neci Ta̱mu̱ta̱dde̱n.

Kaviyak wak Abunna Ta̱mu̱ta̱dde̱no̱ eher Joni 11:40

Ize zin Ye̱su̱ ne, “Ngen ba̱li̱ye̱ ku̱du̱wa̱i̱n, ming a̱tu̱ zoz cinanni, acinni atin doiz ci Ta̱mu̱ta̱dde̱no̱?”

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 14:9

O̱bo̱de̱k Ye̱su̱ nonno, a̱nne̱k ne, “Vilip, kabak nga̱to̱de̱ e̱rki̱nya̱ cik meelek, iróng i̱nna̱ a̱gga̱ya̱n? Ming icinna e̱e̱ti̱ imma annita, ogon niko icin enne Baba bu̱k.” Kar bo̱do̱k kize ne, “Nya ci azi i̱nna̱ ne, ‘Ye̱le̱kke̱t Baba ko̱’?

Kaviyak wak Abunna Ta̱mu̱ta̱dde̱no̱ eher Joni 17:22

Kanyiya anna nogo ki̱di̱ngdi̱nga̱ni̱t ol ki bali aanya i̱nna̱ ke̱, kar nege kizeto ol co̱de̱ ki i̱yo̱ko̱ ming ko̱do̱ye̱ naga ko̱.

Kaviyak wak Abunna Ta̱mu̱ta̱dde̱no̱ eher Joni 17:24

“Baba, korongi ol ne̱k aanya ko̱ koot ka̱vvu̱to̱ nginati kokko kaave anna ke̱, kar kicinnet bu̱le̱ne̱t cinanni bali aanya i̱nna̱ ke̱ ma̱rri̱t ireza i̱nna̱ annit baling ngen keteehenyai looci.”

Kaviyak wak Abunna Ta̱mu̱ta̱dde̱no̱ eher Joni 18:37

Izek Pilato nonno ne, “E̱e̱ni̱ zin ette i̱nna̱ alaan?” Obodehe zin Ye̱su̱ nonno izek ne, “Ilemi i̱nna̱ ming azi ne ke̱e̱ni̱ anna alaan ko̱. De̱de̱ ka̱ri̱ta̱i̱ zin ba̱li̱ye̱ anna zo̱ze̱ neci, kar zin zo̱ze̱ necu ki̱ki̱ya̱k lo̱o̱c kar abunna ming kokko ki̱ye̱le̱i̱ ol zoz wa een de̱de̱. Azikna zin ol do̱o̱k wak a̱gga̱ zoz wa een de̱de̱.”

Kaviyak wak Abunna Ta̱mu̱ta̱dde̱no̱ eher Joni 2:11

Een zin ba̱li̱ye̱ necu gool ci i̱ye̱la̱ Ye̱su̱ gi̱i̱ ci a̱vu̱la̱ een oo o̱rge̱ ci een Kana lo̱o̱ce̱ ci Ga̱li̱li̱. I̱ye̱la̱ zin enne komiz wainne kar zin nuyaha waginnek ku̱tu̱we̱t nonno.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 3:18

Ming a̱tu̱ e̱e̱ti̱ nonno, iróng enne etted lo̱ki̱ko̱ cinne gerzet, ma̱i̱je̱ ming anyak e̱e̱t ci iróng a̱tu̱ nonno, ettede lo̱ki̱ko̱ cinne la̱du̱n, ma̱rri̱t enne iróng a̱tu̱ zoz ci Ngerrti Ta̱mu̱ta̱dde̱no̱ wa o̱de̱ ṯok.

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Kaviyak wak Abunna Ta̱mu̱ta̱dde̱no̱ eher Joni 8:32

Kar atin a̱gga̱c zoz ci een de̱de̱, arannu̱ng atin zoz neci mu̱nye̱ne̱.”

Buk wa To̱ni̱a̱u̱ 13:33

i̱ki̱ya̱ akat mo̱o̱le̱t ngatinna dooli ciginnek, eci itingawe enne Ye̱su̱ daiza. Ki i̱yo̱ko̱ ming e̱he̱rye̱ buwe wa Caliwono zoc rama, azi Ta̱mu̱ta̱dde̱n ne: “‘E̱e̱ni̱ i̱nna̱ Ngeranni; kiize anna wazin cu Baatunne.’

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Roma 9:5

A̱rri̱ta̱ nogo alaata wak a̱ddi̱ki̱re̱, a̱vvu̱ ji̱ji̱ti̱k Ki̱ri̱sto̱ tatuge necu, wa een Ta̱mu̱ta̱dde̱n ci kaal do̱o̱k. Kinnatit zar cik Ta̱mu̱ta̱dde̱no̱ udut. Amen.

1 Ko̱ri̱nto̱ 15:47

Eenyca Ta̱mu̱ta̱dde̱n Adam, e̱e̱t wa een oo todowai, okko e̱e̱ti̱ ci vu̱rrto̱ een Ye̱su̱, a̱kku̱ ta̱mu̱-kenga.

2 Ko̱ri̱nto̱ 12:9

Ma̱i̱je̱ enne a̱nne̱ka̱ ne, “Elenonu i̱nna̱ ki deten cinanni do̱ niko. I̱llo̱i̱ gi̱i̱ imma ci orongi i̱nna̱, aanyi komizi cinanni i̱nne̱t doiz ming i̱llo̱i̱ i̱nne̱t komiz.” Kar zin ming aave Ki̱ri̱sto̱ aanya komiz cinne, katalne kodongi ele ming i̱llo̱i̱ annit komiz.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Kolosiya 1:19

Eci Ta̱mu̱ta̱dde̱n atalne ming aave enne do̱o̱k ngati Ki̱ri̱sto̱,

Kolosiya 2:3

A̱lu̱gnye̱ zoz ci genyizo ki arizet do̱o̱k ngatinne.

Kolosiya 2:9

Eci ngati Ki̱ri̱sto̱, abak Ta̱mu̱ta̱dde̱n eliye cinne do̱o̱k,

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

I̱bu̱ru̱ 1:5

Ngen Ta̱mu̱ta̱dde̱n i̱i̱te̱n imma kizek anjilo co̱de̱ anjilonyai ne, “E̱e̱ni̱ i̱nna̱ Ngeranni; kiize anna wazin cu Baatunne.” Icima bo̱do̱k, a̱nne̱k anjilonya u̱gge̱ ngatinne̱ng ne, “Ke̱e̱ni̱ anna Baatunne, Okko i̱nna̱ e̱e̱ni̱ Ngeranni.”

I̱bu̱ru̱ 10:5

Baling i̱ki̱ya̱k Ye̱su̱ Ki̱ri̱sto̱ lo̱o̱c kar kizek Ta̱mu̱ta̱dde̱n ne, “Iróng i̱nna̱ orongi kaal cik kapahekin, abarik i̱nna̱ aanya annit ele;

I̱bu̱ru̱ 2:11

Ye̱su̱ ci anyike ol kizeto dooli cik a̱li̱le̱ Ta̱mu̱ta̱dde̱no̱, o̱de̱ be̱e̱ti̱ ol ne̱k aanyik Ye̱su̱ kizeto dooli cik Ta̱mu̱ta̱dde̱no̱ ko̱. Iróng a̱li̱ya̱ni̱ adak Ye̱su̱ ngati awu nogo kizeto gotonoggi ki ngonoggi.

I̱bu̱ru̱ 5:5

Ogon zin bo̱do̱k go̱o̱le̱ necu niko, iróng Ye̱su̱ Ki̱ri̱sto̱ ahala ele cinne manyi kize alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱, Ta̱mu̱ta̱dde̱n ci ahala nonno, a̱nne̱k ne, “E̱e̱ni̱ i̱nna̱ Ngeranni; kiize anna wazin cu Baatunne.”

1 Jon 4:14

Kicinnet zin naga e̱le̱tti̱ne̱ kar bo̱do̱k ku̱du̱kta̱k ol zoz ci i̱tto̱na̱ne̱ Ta̱mu̱ta̱dde̱n Ngerinne kar ki̱ki̱ya̱ kize Ti̱ri̱zo̱i̱t ci olli lo̱o̱tu̱.

1 Jon 4:9

Een necu zin gool ci i̱ye̱le̱kke̱t Ta̱mu̱ta̱dde̱n rezinet cinne ngati i̱tto̱na̱ne̱ lo̱o̱c Ngerinne wa O̱de̱ Ṯok kar naga kurubta ruget zo̱ze̱ cinne.

2 Jon 1:7

Anyak volongnyok cik meelek azantozik lo̱o̱c, iróng nege elemi ming een Ye̱su̱ Ki̱ri̱sto̱ e̱e̱t ci diiri. A̱ti̱ye̱ nege ol tu̱, e̱e̱ggi̱n nege mo̱ddo̱ cik Ki̱ri̱sto̱.

O̱no̱zzo̱k 19:13

Aim enne ru̱u̱m ci a̱du̱nyo̱ni̱k bi̱ye̱, kar zara ciginnek kizeto Zoz ci Ta̱mu̱ta̱dde̱no̱.

O̱no̱zzo̱k 21:3

Kar anna kizik muluk ci a̱bu̱le̱ a̱kku̱ lecera, azi ne, “I̱yo̱ko̱ aave nginti abahe Ta̱mu̱ta̱dde̱n olle, kar atin enne kabak ki nogo. Ovvo atin nege e̱e̱ggi̱n ol ciginnek, okko atin Ta̱mu̱ta̱dde̱n eliya abak ki nogo kar enne kize Ta̱mu̱ta̱dde̱n cinne̱ng.