Je̱mi̱s 5:20 - Tennet

²⁰ a̱a̱dda̱ zoz cu ju̱rru̱m: Ming eela e̱e̱ti̱ imma e̱e̱t ci mu̱nye̱nu̱ kutungek mu̱nye̱n lo̱o̱c, a̱ti̱ri̱z atin enne nonno daiza kar ku̱bu̱ng mu̱nye̱n cik meelek giir.

Je̱mi̱s 5:20 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

1 Ko̱ri̱nto̱ 1:21

Eci genyizi ci Ta̱mu̱ta̱dde̱no̱ aave lo̱o̱ta̱ ngatu, iróng zin olli lo̱o̱tu̱ a̱gga̱ nonno genyize cinne̱ng. Atalne zin Ta̱mu̱ta̱dde̱n eci ol cik lo̱o̱tu̱ wak a̱tu̱we̱ u̱mu̱dda̱ ti̱ri̱ze̱ne̱t go̱o̱le̱ ci tarbali uwahek ol nogo kaviyak cik abunna. Abarik zin Ta̱mu̱ta̱dde̱n atahala ol wak a̱tu̱ kaviyak wak uwahek ol nogo ko̱ tarbalun.

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

1 Ti̱mo̱te̱yo̱ 4:16

Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.

Vilomene 1:19

Keheri anna Pa̱u̱lo̱ zoz necu a̱tte̱ cinanni. Ka̱ru̱i̱ atin anna nga̱bo̱lo̱ neci, iróng zin atin anna kabungi e̱e̱ni̱ i̱nna̱ bu̱k eliya nga̱bo̱le̱ni̱t cinanni go̱o̱le̱ ci amudanne i̱nna̱ baiz ngati Ki̱ri̱sto̱.

Je̱mi̱s 1:15

Ming ibbitet kaala cik amin zinin ko̱ baiz cunne, aanyik zin e̱e̱t ci diiri ki̱tto̱ mu̱nye̱n, ming iddera gi̱i̱ ci gerze ko̱ baiz ci e̱e̱to̱ do̱o̱k, anyaha zin daiz.

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

Je̱mi̱s 5:15

Eci lawinet ci alaye tu̱we̱nta̱ ko̱, aanyik atin e̱e̱t ci omori kubunna; eela atin Manyi nonno kitinga moriza. Ming anyak enne da̱ mu̱nye̱n, alalnek atin Manyi nonno.

Je̱mi̱s 5:19

Gotonogga ki ngonogga tu̱we̱nta̱, ming anyak e̱e̱t ci i̱ti̱k tu̱ zo̱ze̱ ci een de̱de̱, anyik e̱e̱t imma kobodai nonno,

1 Peturu 4:8

Ma gi̱i̱ye̱ ci riili oroot, abunna zin niga ming irezonnu, eci rezinet ngati aave, amadan mu̱nye̱n.

O̱no̱zzo̱k 20:6

A̱mu̱yu̱k atin Ta̱mu̱ta̱dde̱n ol ciginnek a̱li̱le̱, ingazi daize ci o̱o̱wu̱. Okko daizi ci een vu̱rru̱t ko̱ iróng anyak komiz ngatinne̱ng, abarik ovvo atin nege e̱e̱ggi̱n olli wawaco Ta̱mu̱ta̱dde̱no̱ ki Ki̱ri̱sto̱ kar atin kabalit ki nonno lo̱o̱c e̱rki̱nya̱ i̱bbo̱ng co̱de̱ (1,000).