Je̱mi̱s 5:13 - Tennet

¹³ Ming anyak e̱e̱t imma ngatinno̱ng no̱ngi̱tto̱n cik apirnane enne, anyik kala Ta̱mu̱ta̱dde̱n. Ming anyak e̱e̱t imma ngatinno̱ng ci atalne, anyik nonno keben lo̱ngnyo̱k cik innate Ta̱mu̱ta̱dde̱n.

Je̱mi̱s 5:13 ပူးပေါင်းရင်းမြစ်များ

Jonah 2:2

Azi enne ne: “Imma bali ngati kapirnane, kala anna Manyi kar zin enne abarizekan. Bali ngati kaave anna daiza orgena, kawu anna zar cigunnek, kar zin i̱nna̱ zik u̱lu̱wa̱ cinanni.

Jonah 2:7

Baling okko rugeti cinanne orong ki̱zzi̱, ka̱a̱da̱nni̱ zin anna i̱nne̱ta̱, Manyi, kar lawinet cinanni kuzucai i̱nne̱ta̱, Ce̱e̱ze̱ cunne a̱li̱le̱.

Ma̱te̱yo̱ 26:30

Baling e̱be̱nni̱t nege tegel kar zin koot Biye ci I̱ngi̱ro̱u̱.

Lu̱ka̱ 22:44

Icirit nonno zinin oroot, kar zin enne kalawo oroot, kar muluwa ciginnek ku̱tu̱gu̱zzo̱ kiwagon bi̱ye̱ta̱ cik ereti i̱i̱na̱k lo̱o̱c.

Lu̱ka̱ 23:42

Kar zin enne kizek Ye̱su̱ ne, “Ye̱su̱, aadawa annit bu̱k, ming okko i̱nna̱ obodak alaanzet cunne.”

1 Ko̱ri̱nto̱ 14:15

I̱yo̱ko̱ zin, ku̱tu̱gu̱ nya? Kala atin anna Ta̱mu̱ta̱dde̱n vongize cinanni, ma̱i̱je̱ atin bo̱do̱k kala anna nonno bu̱k zinine cinanni; ke̱be̱ne̱ atin vongize cinanni, imma ngatu ke̱be̱ne̱ atin bo̱do̱k zinina.

1 Ko̱ri̱nto̱ 14:26

Gotonogga ki ngonogga tu̱we̱nta̱, kazi zin naga ne? Ming urumteu niga nga̱to̱de̱, anyak e̱e̱t ci orong keben lo̱ng, icima zoz ci ti̱lo̱wi̱nto̱, icima zoz ci i̱ye̱le̱k Ta̱mu̱ta̱dde̱n nonno, icima zoz ci iróng ol a̱gga̱, icima arizet ci a̱du̱wa̱ne̱ u̱nge̱tti̱ cik zozzak. Abunna kaala ne̱ko̱ do̱o̱k ming ogone kar keela ol cik een e̱re̱nno̱k ke̱le̱ci̱a̱.

Evesos 5:19

Ming urumteu niga nga̱to̱de̱, e̱be̱nni̱t be̱ni̱nno̱k wak e̱he̱rye̱ warage ci Caliwono ki be̱ni̱nno̱k cik olli Manyi inatu nonno zi̱nze̱tti̱nne̱ cuggo̱k.

I̱bu̱ru̱ 5:7

Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.

Je̱mi̱s 5:10

Gotonogga ki ngonogga tu̱we̱nta̱, kar abunna ming a̱gga̱yyu̱ niimenet no̱ngi̱tto̱n, i̱no̱ni̱t baiz ci a̱ri̱tto̱k balik apirna ozoz zare cik Manyi.

O̱no̱zzo̱k 14:3

E̱be̱nte̱k nege lo̱ng ci een jor lecer ci alaano ki kaal we̱c wak aruge ko̱ ki lo̱ddi̱ki̱re̱. I̱llo̱i̱ rok e̱e̱t imma ci edemez lo̱ng neci kize ol cik e̱e̱ggi̱n i̱bbo̱nge̱t o̱bo̱n co̱de̱ ki i̱bbo̱nge̱t moten we̱c ki i̱bbo̱nge̱t we̱c (144,000) do̱ niko cik a̱gga̱ lo̱ng neci, ol balik a̱ti̱ri̱z Ta̱mu̱ta̱dde̱n nogo lo̱o̱ta̱ ngatu.

O̱no̱zzo̱k 7:10

Kar zin kegerenyit mulukwane cik a̱ppi̱nte̱k, azi ne, “A̱kku̱ ti̱ri̱ze̱ne̱t ngati Ta̱mu̱ta̱dde̱n wanna, nonno ci aave lecere ci alaanzetu ta̱mu̱-kenga, kar zin bo̱do̱k ngati Nyoono.”