Je̱mi̱s 3:13 - Tennet

¹³ Ming anyak e̱e̱ti̱ imma genyiz kar ka̱gga̱ zoz orgene cunno̱ng, anyik nonno ki̱ye̱la̱ baize cinne abunna ko̱, go̱o̱le̱ ci ogone enne kaal zinine ci alali a̱kku̱ genyiza.

Je̱mi̱s 3:13 ပူးပေါင်းရင်းမြစ်များ

Ma̱te̱yo̱ 11:29

A̱gga̱mtta̱ de̱mzi̱ne̱t cinanni ju̱rru̱m, kar edemezta zoz ngatinanni. Ke̱e̱ni̱ anna e̱e̱t ci alali zinin, amudannu atin yu̱bze̱ne̱t zi̱nze̱tti̱nne̱ cuggo̱k.

Ma̱te̱yo̱ 21:5

“Du̱wa̱k ol cik Zioni, ‘Icinnet, a̱kku̱na̱kku̱ng alaani cunno̱ng i̱ge̱ta̱, Een enne e̱e̱t ci iróng odong ele, ottod enne zi̱gi̱r owoye, owo mo̱o̱lte̱ ci zi̱gi̱ro̱.’”

Ma̱te̱yo̱ 5:5

U̱mu̱yu̱k Ta̱mu̱ta̱dde̱n ol wak iróng odong e̱le̱tti̱ cigge̱k, ovvo atin nege aragiz lo̱o̱c.

Ma̱te̱yo̱ 7:24

“I̱yo̱ko̱ zin, ming aziye e̱e̱ti̱ imma zoz cinanni ko̱, kar ki̱li̱ngli̱nge̱, ogon enne ki e̱e̱ti̱ ci egenyi eenycek ce̱e̱z nginti odong ele.

1 Ko̱ri̱nto̱ 6:5

Ma ovvoyyu gonoggu lo̱ki̱ka̱ ngati ol wak iróng a̱tu̱we̱, anyahaku wo̱ye̱ e̱le̱tti̱ a̱li̱ya̱n. Eci wo̱ye̱ nu̱nu̱n egenyyu niga do̱o̱k, i̱llo̱i̱ ngatinno̱ng e̱e̱t co̱de̱ ṯok ci egenyi, kar kapahek ol cik a̱tu̱we̱ ko̱ zoz ci dango cinne̱ng.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 8:24

I̱yo̱ko̱ zin, i̱ye̱lte̱k ol ne̱ko̱ rezinet cunno̱ng, ki zoz ci kirezung naga i̱ge̱ta̱, kar ke̱le̱ci̱a̱nya̱ do̱o̱k kicinttung.

Ga̱la̱ti̱a̱ 5:23

ki gool ci kozozik ol muluwe ci alali, aanyyet kanyait urutoit zoza. I̱llo̱i̱ lo̱ti̱nno̱k cik ongorko ki kaal ne̱ko̱.

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.

Ga̱la̱ti̱a̱ 6:4

Abunna ming acinni li̱ngli̱ngo̱n cunne ju̱rru̱m, kar zin ruba talninet ci li̱ngli̱ngo̱n neci, ma atubuzi ele cunne ki e̱e̱t imma.

Evesos 4:2

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

1 Ti̱mo̱te̱yo̱ 4:12

Ma anyik ol kibbeztin eci i̱nna̱ e̱e̱ni̱ idica, abarik anyik ol cik a̱tu̱we̱ kicinnet gool ci uwahe i̱nna̱ zoz ci Ta̱mu̱ta̱dde̱no̱, gool ci owowonu ki ol, gool ci ireze Ta̱mu̱ta̱dde̱n ki ol, gool ci a̱tu̱we̱ Ta̱mu̱ta̱dde̱n, ki gool ci abahe labak.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

Ti̱to̱ 3:2

Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

I̱bu̱ru̱ 13:5

Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

Je̱mi̱s 2:18

Ma̱i̱je̱ atin e̱e̱ti̱ imma azi ne, “Anyai i̱nna̱ tu̱we̱ne̱t; kabunna anna ki̱i̱rke̱.” Ye̱le̱ka̱ da̱ tu̱we̱ne̱t cunne ci i̱llo̱i̱ rok bunnat ki i̱rrke̱ne̱t, kar anna ki̱ye̱le̱i̱ tu̱we̱ne̱t cinanni go̱o̱le̱ ci kogonne anna kaal.

Je̱mi̱s 3:1

Gotonogga ki ngonogga tu̱we̱nta̱, iróng wo̱ye̱ ol cik meelek ngatinno̱ng e̱e̱ggi̱n de̱me̱zzo̱k, eci niga a̱gga̱yyu̱, naga ol wak ke̱de̱me̱zi̱na̱ ko̱, etted atin Ta̱mu̱ta̱dde̱n lo̱ki̱ko̱ cinna̱ng oroot.

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

1 Peturu 1:15

Ma̱i̱je̱ i̱yo̱ko̱ ming a̱li̱le̱ e̱e̱ti̱ wa awuyyung ko̱, izet ol cik a̱li̱le̱ kaale cik ogonnu niga;

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 3:4

Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.