Je̱mi̱s 2:14 - Tennet

¹⁴ Gotonogga ki ngonogga tu̱we̱nta̱, nya ci abunna ming azi e̱e̱ti̱ ne kanyai enne tu̱we̱ne̱t imma ngatu iróng ogonik ol li̱ngli̱ngo̱n? A̱ti̱ri̱z wo̱ye̱ tu̱we̱ne̱t ci ogon niko ko̱ nonno?

Je̱mi̱s 2:14 ပူးပေါင်းရင်းမြစ်များ

Ma̱te̱yo̱ 5:20

Ka̱du̱wa̱kku̱ng zin zoz wa een de̱de̱, abunna zin niga ming ogonnu kaal cik abunna ommogit ol cik een Varacis ki de̱me̱zzo̱k wak lo̱ti̱nno̱u̱, kar atin niga i̱tto̱z ba̱a̱li̱ne̱t ci ta̱mu̱-kengo.

Lu̱ka̱ 3:11

O̱bo̱de̱k zin Joni nogo, “Ming anyak e̱e̱ti̱ imma ru̱u̱ma̱ni̱ rama, anyik kozol co̱de̱ ki gooni ci i̱llo̱i̱ ru̱u̱m, kar e̱e̱ti̱ ci anyak da̱i̱ne̱t, anyik ku̱tu̱gu̱ bu̱k niko.”

Lu̱ka̱ 6:49

Ma̱i̱je̱ e̱e̱ti̱ ci aziye zoz cinanni imma ngatu iróng enne a̱li̱ngli̱nge̱, ogon enne ki e̱e̱ti̱ ci eenyet ce̱e̱z cinne lo̱o̱ta̱ iróng a̱da̱ lo̱o̱c ju̱rru̱m. Ming okko tawani a̱kku̱, a̱yu̱we̱ ce̱e̱z neci ki̱li̱be̱ kedecai.”

Buk wa To̱ni̱a̱u̱ 15:9

Katubo naga do̱o̱k ngu̱me̱ cinne, eci enne adiman zi̱nze̱tti̱ cigge̱k kizeto caale tu̱we̱nte̱ ci anyak nege.

Buk wa To̱ni̱a̱u̱ 8:13

Elema Si̱mo̱ne̱ eliya bu̱k Ye̱su̱, kar zin enne a̱gga̱ma̱ ba̱ti̱ti̱mo̱ bu̱k. A̱vvu̱ ngati Vilipi ojonun, u̱ku̱le̱k je̱e̱n oroot kaale cik a̱vu̱la̱ acin enne ogon Vilipi.

Buk wa To̱ni̱a̱u̱ 8:21

Iróng i̱nna̱ anyai li̱ngli̱ngo̱n imma ngatu, eci zinin cunne iróng abunna ngu̱me̱ ci Ta̱mu̱ta̱dde̱no̱.

Roma 2:25

Abunna keer cunno̱ng ci ettede ol vi̱ca̱vi̱cce̱t ko̱, ming azunnu niga lo̱ti̱nno̱k cik Ta̱mu̱ta̱dde̱no̱. Ming iróng niga o̱ngo̱o̱li̱nnu̱ lo̱ti̱nno̱k, ogonnu ki ol cik iróng a̱gga̱ lo̱ti̱nno̱k.

1 Ko̱ri̱nto̱ 15:2

Amudannu atin niga ti̱ri̱ze̱ne̱t zo̱ze̱ ci kaviyak ne̱ko̱, ming a̱gga̱mnyu̱ niga kaviyak balik ku̱du̱wa̱u̱ng anna i̱ge̱t ke̱. Ming ngen elemtta kaviyak ne̱ke̱ de̱de̱, i̱llo̱i̱ gi̱i̱ imma ci amudannu.

1 Ko̱ri̱nto̱ 16:22

Ming iróng e̱e̱ti̱ imma irez Manyi Ye̱su̱, anyik to̱ri̱ne̱t ki̱tta̱k nonno. Anyik bai Manyi ki̱ki̱ya̱ ataman.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.

Ti̱to̱ 1:16

A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.

I̱bu̱ru̱ 11:17

Imma tu̱we̱nte̱ ci Aburahami bali atimane Ta̱mu̱ta̱dde̱n nonno zo̱ze̱ ci ngerinne I̱sa̱ko̱ ko̱, abunna ming apahek nonno kize wawac. Orong zin enne kapahek I̱sa̱ko̱ Ta̱mu̱ta̱dde̱n ngerinne wa o̱de̱ ṯok kize wawac, ming u̱du̱wa̱k Ta̱mu̱ta̱dde̱n nonno zoz neci nu̱nu̱n, eci enne a̱gga̱ zoz bali u̱du̱wa̱ Manyi ke̱.

I̱bu̱ru̱ 13:9

Ma anyikku de̱mzi̱ne̱t ci aave do̱ kuwe o̱o̱tti̱ cuggo̱k. Anyik deten ci Ta̱mu̱ta̱dde̱no̱ ka̱a̱nyu̱ng komiz, iróng een ti̱lo̱wi̱ne̱t ci Musesi ko̱ icima á̱há̱t ci adakku kwo̱o̱ra̱ ko̱ ci a̱a̱nyu̱ng komiz, iróng á̱há̱ta̱ neci eelannung.

Je̱mi̱s 1:16

Gotonogga ki ngonogga tu̱we̱nta̱, ma anyikku gi̱i̱ imma kalabaung baiza.

Je̱mi̱s 2:16

Ming a̱nne̱k e̱e̱ti̱ co̱de̱ ngatinno̱ng nonno ne, “Bit labak, abunna atin baizi cunne; a̱vvu̱ ngati a̱bu̱re̱, daho ju̱rru̱m,” ma̱i̱je̱ ngatu i̱llo̱i̱ gi̱i̱ imma ci anyike enne e̱e̱t neci keelai ele, nya ci abunna ngatu?

Je̱mi̱s 2:18

Ma̱i̱je̱ atin e̱e̱ti̱ imma azi ne, “Anyai i̱nna̱ tu̱we̱ne̱t; kabunna anna ki̱i̱rke̱.” Ye̱le̱ka̱ da̱ tu̱we̱ne̱t cunne ci i̱llo̱i̱ rok bunnat ki i̱rrke̱ne̱t, kar anna ki̱ye̱le̱i̱ tu̱we̱ne̱t cinanni go̱o̱le̱ ci kogonne anna kaal.

Je̱mi̱s 2:26

Ogon zin bo̱do̱k ki i̱yo̱ko̱, ming aave ele ci e̱e̱to̱ ki̱zzi̱ vongizi to, a̱da̱k enne, ogon bo̱do̱k niko, ming anyak e̱e̱ti̱ tu̱we̱ne̱t kar ngatu iróng a̱li̱ngli̱ngi̱, ogon tu̱we̱ne̱t cinne ki ci a̱da̱ha̱.

2 Peturu 1:5

Imma zin zo̱ze̱ ci tu̱we̱ne̱t cunno̱ng, abunna ming a̱li̱ngli̱ngnyu̱ oroot kar otortek bunnat tu̱we̱ne̱t cunno̱ng ki bo̱do̱k otortek bunnat genyiz.