Je̱mi̱s 1:27 - Tennet

²⁷ Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.

Je̱mi̱s 1:27 ပူးပေါင်းရင်းမြစ်များ

Ma̱te̱yo̱ 12:32

Ming ozoz e̱e̱ti̱ imma gerzet zare cik Ngerrti E̱e̱to̱, alalnek atin Ta̱mu̱ta̱dde̱n nonno, ma̱i̱je̱ e̱e̱ti̱ ci ozoz gerzet zare cik Vongiz ci A̱li̱le̱, iróng atin Ta̱mu̱ta̱dde̱n alalnek nonno, bu̱u̱le̱ cu icima bu̱u̱le̱ ci a̱kku̱ ke̱.”

Ma̱te̱yo̱ 5:8

U̱mu̱yu̱k Ta̱mu̱ta̱dde̱n ol wak caalek zi̱nze̱tti̱, acin atin nege Ta̱mu̱ta̱dde̱n.

Lu̱ka̱ 1:6

Abunna bali nege a̱gga̱m zoz ci Ta̱mu̱ta̱dde̱no̱ oroot. Acin bo̱do̱k ol nogo ming azunne lo̱ti̱nno̱k wak Manyi ki keerani cigge̱k.

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Roma 2:13

Elemi Ta̱mu̱ta̱dde̱n ol wak o̱ngo̱o̱le̱ lo̱ti̱nno̱k ciginnek, iróng enne elemi ol wak aziye gaganiko.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 3:11

Een de̱de̱, iróng e̱e̱ti̱ imma abak baiz ci abunna ngu̱me̱ ci Ta̱mu̱ta̱dde̱no̱ ming azunne enne lo̱ti̱nno̱k do̱, eci e̱he̱rye̱ Warage ci Ta̱mu̱ta̱dde̱no̱ azi ne, “Abak atin e̱e̱ti̱ ci abunna tu̱we̱nta̱.”

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Ga̱la̱ti̱a̱ 6:14

Imma ngatinanni, iróng anna kodongi ele gi̱i̱ye̱ emani, daiz ci Manyi Ye̱su̱ Ki̱ri̱sto̱ keete wa een ta̱la̱ke̱c do̱ niko ci ka̱gga̱. Eci zo̱ze̱ ci a̱da̱kne̱ enne keete wa een ta̱la̱ke̱c, iditai zin zoz ci irez zinin cinanne, kar bo̱do̱k zoz ci lo̱o̱tu̱ kiditai ngatinanni.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

1 Ti̱mo̱te̱yo̱ 1:5

Keheraki zin waraga cu kar ti̱lo̱ ol wak a̱tu̱ Ye̱su̱ kirezto zi̱nze̱tti̱nne̱ cik voorik per, kar nege ki̱no̱ni̱t kaal cik abunna go̱o̱le̱ ci ki̱no̱ne̱ ol wak a̱tu̱ Ta̱mu̱ta̱dde̱n de̱de̱.

1 Ti̱mo̱te̱yo̱ 5:4

Anyik dooli cik ngaa ci boye ki dooli cik dooli ciginnek keeltta nonno, eci ming u̱tu̱gu̱zzo̱ nege ki i̱yo̱ko̱, atalne Ta̱mu̱ta̱dde̱n zo̱ze̱ necu.

Ti̱to̱ 2:12

Edemezet de̱ti̱ne̱t kar kutungget baiz ci gerze ci iróng Ta̱mu̱ta̱dde̱n elemi. Abunna kabak lo̱o̱ce̱ cu ngati kanyahe uruttok baizowe, kogon kaal cik abunna, kar bo̱do̱k kaarttek zi̱nze̱tti̱ Ta̱mu̱ta̱dde̱n,

Je̱mi̱s 3:17

Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.

Je̱mi̱s 3:9

Kinnat gon naga Manyitinna ki Be̱e̱ti̱nna̱ a̱ha̱ta̱, kar bo̱do̱k a̱ha̱ta̱ kotore ol cik diirik balik eenyca Ta̱mu̱ta̱dde̱n ku̱tu̱gu̱zzo̱ ki enne.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

2 Peturu 1:4

Imma zin go̱o̱le̱ necu aanyyet enne agit kaal cik abunna riilik oroot, balik u̱du̱wa̱ enne kar kaanyyet ke̱ do̱o̱k. Ma zin kaale ne̱ko̱ a̱a̱nyu̱ng e̱de̱yya̱ e̱le̱tti̱ kaale wak lo̱o̱tu̱ gerzek balik orong zi̱nze̱tti̱ cuggo̱k u̱tu̱gu̱z ke̱, kar zin i̱yo̱ko̱ niga ozolit bunnat ci Ta̱mu̱ta̱dde̱no̱.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

1 Jon 5:18

Ka̱gga̱ naga do̱o̱k iróng dooli cik Ta̱mu̱ta̱dde̱no̱ aalna zo̱ze̱ ci ogone mu̱nye̱n odohize; eci Ngerrti Ta̱mu̱ta̱dde̱no̱ azunne nogo, iróng zin lo̱rye̱nti̱ ogonik nogo gi̱i̱ ci gerze.