I̱bu̱ru̱ 9:27 - Tennet

²⁷ Izikto da̱ ju̱rru̱m, ogon zin zoz necu ki ming a̱da̱i̱ e̱e̱ti̱ ci diiri arrak, kar vu̱rrta̱ Ta̱mu̱ta̱dde̱n ketted lo̱ki̱ko̱ kaale wak gerzek u̱tu̱gu̱ enne.

I̱bu̱ru̱ 9:27 ပူးပေါင်းရင်းမြစ်များ

Kananet 3:19

Kar muluwe ci a̱li̱ngli̱nge̱ i̱nna̱ adai atin i̱nna̱ da̱i̱ne̱t cigunnek, zee rok nginti a̱mi̱ro̱ni̱k i̱nna̱ todowa, eci anna Ta̱mu̱ta̱dde̱n keenycanni ba̱li̱ye̱ todowaca; eci i̱nna̱ e̱e̱ni̱ todowac kar i̱nna̱ mi̱ro̱zi̱k todowa.”

Lu̱ka̱ 20:32

Imma vu̱rrta̱ a̱da̱k ngaa neci bu̱k.

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Roma 2:5

Abarik odoi i̱nne̱t oo kak, iróng orongi bodak Ta̱mu̱ta̱dde̱n. U̱tu̱gu̱ zin i̱nna̱ zoz ci gerze, i̱ta̱k zin mozinet ci Ta̱mu̱ta̱dde̱no̱ oo cunne, okko atin enne ettedeki lo̱ki̱ko̱ ming uk looci uṯurehe.

Roma 5:12

Akane e̱e̱ti̱ co̱de̱ ṯok mu̱nye̱n kar mu̱nye̱na̱ ne̱ke̱ kanyaktak olli lo̱o̱tu̱ daiz. Bak kacin u̱tu̱gu̱zzo̱ ol do̱o̱k mu̱nye̱n, a̱da̱i̱ atin ol do̱o̱k zo̱ze̱ ci mu̱nye̱nu̱.

1 Ko̱ri̱nto̱ 4:5

Iróng abunna ming apahekku niga ol ba̱ci̱nno̱k, aanycik nogo kerec i̱i̱te̱n wa ettede ol lo̱ki̱ko̱; e̱re̱yyo̱ ki̱ki̱ya̱ Manyi. Imma i̱i̱te̱ne̱ ci okko Manyi obodane, i̱ye̱la̱ atin enne kaal cik a̱lu̱gnye̱ ki̱ye̱lta̱i̱ ngati voori veelek, kar ki̱ti̱ri̱wa̱ kaal cik aavtte zi̱nze̱tti̱nne̱ cik ol cik diirik. I̱i̱te̱n neci okko Ta̱mu̱ta̱dde̱n irez e̱e̱t go̱o̱le̱ ci abahe enne.

2 Ko̱ri̱nto̱ 5:10

Korong zin naga do̱o̱k ol cik a̱tu̱we̱ abunna kogon kaal cik abunna, eci anyak i̱i̱te̱n imma ci kovvo kabile lo̱ki̱ko̱ ci okko Ki̱ri̱sto̱ ettedekket ba̱ci̱nno̱k cik kabaci naga baling ngen karuge lo̱o̱ta̱ ngatu, icima abunna icima gerza.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:

I̱bu̱ru̱ 10:27

Abarik e̱e̱ti̱ ci anyak mu̱nye̱n ko̱, abak ngo̱li̱nte̱ ci okko Ta̱mu̱ta̱dde̱n ettede lo̱ki̱ko̱, kar ol wak adite iina iróng aziye zoz cinne, atuze gwo̱o̱ye̱ ci apadpadi oroot.

I̱bu̱ru̱ 6:2

ka̱gga̱ naga zoz ci a̱gga̱me̱ ol ba̱ti̱ti̱mo̱ ki azzin cik a̱ta̱dde̱k o̱o̱tti̱ cik ollu alawek Ta̱mu̱ta̱dde̱n ka̱mu̱yu̱k nogo, ki zoz ci ingane enne ol daiza, kar bo̱do̱k enne kettedek ol lo̱ki̱ko̱ ci aave udut.

1 Jon 4:17

Imma zin go̱o̱le̱ necu, iddera rezinet orgen cinna do̱o̱k, kere zin naga i̱i̱te̱n ci lo̱ki̱ko̱ ngati okkomi zi̱nze̱tti̱ eci naga kogon ki enne rezinta lo̱o̱ta̱ ngatu.

Ju̱da̱ 1:15

kar ki̱ki̱ya̱ kettedek ol do̱o̱k lo̱ki̱ko̱, ol wak iróng elemi zoz ci Ta̱mu̱ta̱dde̱no̱, ki ol wak ogon kaal go̱o̱le̱ ci iróng Ta̱mu̱ta̱dde̱no̱ orongi, kar bo̱do̱k ki ol wak ozoz gerzet zo̱ze̱ ci Ta̱mu̱ta̱dde̱no̱.”

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.