I̱bu̱ru̱ 5:2 - Tennet

² Owowo enne ki ol wak iróng a̱gga̱ gool ci baizo ju̱rru̱m eci enne bu̱k een e̱e̱t ci diiri.

I̱bu̱ru̱ 5:2 ပူးပေါင်းရင်းမြစ်များ

Lu̱ka̱ 22:32

Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

2 Ko̱ri̱nto̱ 11:30

Ming korongi kodong ele, kodongi atin ele kaale cik iróng anna kogonni ju̱rru̱m.

2 Ko̱ri̱nto̱ 12:5

Kodongi atin anna ele zo̱ze̱ ci e̱e̱t neci, iróng een zo̱ze̱ ci ele cinanni. Abarik kodongi ele kaale cik i̱ye̱la̱ pirnanet cinanni do̱ niko.

Ga̱la̱ti̱a̱ 4:13

A̱gga̱yyu̱ niga ba̱li̱ye̱ anyak ele cinanni ariz i̱i̱te̱ne̱ bali oowa kanyakku̱ng kaviyak cik abunna ke̱.

Evesos 4:18

Iditet ba̱ci̱no̱wa̱ nogo zi̱nze̱tti̱ ki̱zzi̱ ngatinne̱ng rok gool ci a̱gga̱we̱ Ta̱mu̱ta̱dde̱n. Engertta zin nege e̱le̱tti̱ cigge̱k rugete ci aanyik Ta̱mu̱ta̱dde̱n ol ko̱, eci odoi nogo zi̱nze̱tti̱ kak, kar kutuburret zoz wa een de̱de̱.

1 Ti̱mo̱te̱yo̱ 1:13

Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.

I̱bu̱ru̱ 12:13

Anyik tu̱we̱ne̱t cunno̱ng kibil ṯop, kar ol wak iróng a̱tu̱we̱ oroot abakku bu̱k ci iróng a̱mi̱re̱ ki vu̱rru̱t tu̱we̱nta̱, abarik eela baizi cunno̱ng nogo kokkomit tu̱we̱nta̱ ne kak.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.

I̱bu̱ru̱ 2:18

I̱yo̱ko̱ zin, eci ippira Ye̱su̱ bak atiman lo̱rye̱nti̱, eela atin enne ol cik atiman lo̱rye̱nti̱ bu̱k.

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.

I̱bu̱ru̱ 7:28

Atahala zin lo̱ti̱nno̱wa̱ cik Musesi alaat cik a̱ddi̱ki̱re̱ wawaco iróng okkomi, imma Ta̱mu̱ta̱dde̱n atahala alaan ci a̱ddi̱ki̱re̱ wawaco ci okkomi zo̱ze̱ bali odola u̱du̱wa̱ enne ke̱ baling aanyik enne ol lo̱ti̱nno̱k cik Musesi arrak oowa, atahala zin Ngerinne kize alaan ci a̱ddi̱ki̱re̱, kar kidiman zoz cinne ju̱rru̱m udut.

I̱bu̱ru̱ 9:7

I̱i̱zo̱ alaani ci a̱ddi̱ki̱re̱ wawaco do̱ Nginti A̱li̱le̱ Oroot lak co̱de̱ e̱rki̱ta̱, kar kanyaha bi̱ye̱ kaparanek Ta̱mu̱ta̱dde̱n kize gi̱i̱ ci aara mu̱nye̱n ciginnek ki cik ollu do̱o̱k, ogon nege ngati iróng a̱gga̱we̱.

Je̱mi̱s 5:19

Gotonogga ki ngonogga tu̱we̱nta̱, ming anyak e̱e̱t ci i̱ti̱k tu̱ zo̱ze̱ ci een de̱de̱, anyik e̱e̱t imma kobodai nonno,

1 Peturu 2:25

Ogonnu niga ba̱li̱ye̱ ki a̱zza̱ wak ajali. Imma zin i̱yo̱ko̱ oboddau, i̱vi̱ta̱u̱ tuwayoit wa azunne ruget cunno̱ng.