I̱bu̱ru̱ 11:26 - Tennet

²⁶ Abunna ming apirna Musesi zo̱ze̱ ci Ki̱ri̱sto̱, ngati go̱o̱le̱ ci a̱gga̱me̱ eezet ci Masiro do̱o̱k, eci enne ere ma̱yu̱we̱ne̱t ci atin a̱kku̱ ke̱.

I̱bu̱ru̱ 11:26 ပူးပေါင်းရင်းမြစ်များ

Ma̱te̱yo̱ 10:41

Ma e̱e̱ti̱ ci ivata a̱ri̱to̱i̱t ci zoz ci Ta̱mu̱ta̱dde̱no̱ eci enne een a̱ri̱to̱i̱t, amuda atin enne gi̱i̱ ci anyike Ta̱mu̱ta̱dde̱n a̱ri̱to̱i̱t, ma e̱e̱ti̱ ci ivata e̱e̱t ci abunna eci e̱e̱ti̱ neci abunna, amuda atin enne gi̱i̱ ci anyike Ta̱mu̱ta̱dde̱n e̱e̱t neci.

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Ma̱te̱yo̱ 6:1

“Zuute, ma ogoni kaal cik abunna kicinnet ebere do̱o̱k. Ming ogonnu niga kicinnet ebere do̱o̱k, iróng atin ngen amudannu bunnat ci Be̱e̱ti̱nno̱ng wa aave ta̱mu̱-kenga.

Lu̱ka̱ 14:14

kar atin i̱nna̱ ma̱yu̱we̱. Ming iróng nege wo̱ye̱ a̱ru̱k nga̱bo̱lo̱, okko atin Manyi a̱ru̱we̱ki̱ nga̱bo̱lo̱ ming ovvo atin ol cik abunna ingazi daiza.”

Lu̱ka̱ 14:33

Ogon bo̱do̱k go̱o̱le̱ necu, ming iróng e̱e̱ti̱ imma ngatinno̱ng ungnek kaal cik anyak enne lo̱o̱c, iróng enne wo̱ye̱ een nuyait cinanni.

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

Evesos 1:18

Kalaye anna abunna zi̱nze̱tti̱ cuggo̱k ming o̱o̱ye̱ kar a̱gga̱c zoz ci arikku niga zi̱nze̱tti̱ bali atahalaung enne i̱ge̱t ko̱, eezet ki di̱ngdi̱ngo̱n ci okko Ta̱mu̱ta̱dde̱n aragiz ngati ol wak a̱tu̱ nonno,

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Vilipia 3:7

Ma̱i̱je̱ kaala balik ki̱no̱ni̱ anna riilik ke̱, izeto kaal cik iróng ngen riile zo̱ze̱ ci Ki̱ri̱sto̱.

I̱bu̱ru̱ 10:33

Anyak i̱i̱te̱n imma ci arannu̱ng ol icima a̱ru̱kku̱ng, anyak bo̱do̱k i̱i̱te̱n imma ci abilnnu eelannu niga ol cik a̱gi̱d ol.

I̱bu̱ru̱ 10:35

Ma zin odotekku zoz ci arikku niga Ta̱mu̱ta̱dde̱n zi̱nze̱tti̱ ko̱ lo̱o̱c, a̱a̱nyu̱ng atin Manyi kaal cik abunna.

I̱bu̱ru̱ 11:6

Iróng wo̱ye̱ Ta̱mu̱ta̱dde̱n irez e̱e̱t ci diiri ming iróng elemi zoz cinne. Ming orong e̱e̱ti̱ a̱kku̱nna̱k Ta̱mu̱ta̱dde̱n, abunna ming elemi kar ka̱gga̱ aave Manyi to, kar zin Ta̱mu̱ta̱dde̱n kumuc e̱e̱t eci oronge nonno de̱de̱.

I̱bu̱ru̱ 13:13

I̱yo̱ko̱ zin, koo ku̱ru̱mtte̱k nonno gool reena, kar kozolit zoz ci uunyanne ol nonno.

I̱bu̱ru̱ 2:2

Een kaviyaha balik anyaha anjilonya ke̱ de̱de̱, imma ol wak a̱du̱l zoz neci, icima abure lo̱ti̱nno̱k ne̱ke̱ ettedik Ta̱mu̱ta̱dde̱n nogo lo̱ki̱ko̱ cinne̱ng.

1 Peturu 1:11

Aave Vongizi ci Ki̱ri̱sto̱ ngatinne̱ng, oobek nogo gool ci atin apirnane Ki̱ri̱sto̱ kar atin kaanyozik nonno nginti di̱ngdi̱nga̱nto̱ ci a̱ddi̱ki̱re̱ oroot.

1 Peturu 4:14

Abunna ming odomnyung ol zo̱ze̱ ci annuyu Ki̱ri̱sto̱ a̱tu̱yyu̱ nonno ko̱. A̱ma̱yu̱kte̱u̱ niga eci de̱ti̱ne̱t ki Vongiz ci Ta̱mu̱ta̱dde̱no̱ a̱vvu̱ ngatinno̱ng.

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.

O̱no̱zzo̱k 3:18

Ki̱lo̱tu̱ng abunna ming uutanu dhahab ngatinanni ci aahe gwo̱o̱ya̱ ju̱rru̱m kize caala, kar atin niga izet jain; kar anyait ru̱u̱ma̱ni̱ cik voorik kar u̱bu̱nge̱t a̱li̱ya̱n cik aavtiyyu niga nga̱dhi̱ri̱r ko̱; kar aartik ya̱ni̱ ebere cuggo̱k kar icinto ju̱rru̱m.

Buk ci ozoz zoz ci ngaa ci een Ruz 2:12

Anyik bai Manyi Ta̱mu̱ta̱dde̱n keelawi kaale cik u̱tu̱gu̱ i̱nna̱ ko̱. Anyik Manyi Ta̱mu̱ta̱dde̱n ci Israilo ka̱ma̱yu̱wi̱n eci i̱nna̱ i̱ki̱ya̱u̱ nonno kar kuzutin.”