I̱bu̱ru̱ 10:8 - Tennet

⁸ A̱du̱wa̱ zin Ye̱su̱ zoz necu azi arrak ne, “Iróng i̱nna̱ Ta̱mu̱ta̱dde̱n elemi kaal cik apaheki ol kize wawac, icima cik aburcene.” Ming nu̱nu̱n a̱du̱wa̱ lo̱ti̱nno̱wa̱ cik Musesi azi ne abunna.

I̱bu̱ru̱ 10:8 ပူးပေါင်းရင်းမြစ်များ

Marko 12:33

Abunna ming irezi i̱nna̱ nonno zinine cunne do̱o̱k, ki zoz ci a̱gga̱we̱ nonno do̱o̱k, ki komize cunne do̱o̱k, kar bo̱do̱k irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱, riil ti̱lo̱wi̱ne̱t necu kommog kaal cik kapahek naga Ta̱mu̱ta̱dde̱n.”

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

I̱bu̱ru̱ 10:5

Baling i̱ki̱ya̱k Ye̱su̱ Ki̱ri̱sto̱ lo̱o̱c kar kizek Ta̱mu̱ta̱dde̱n ne, “Iróng i̱nna̱ orongi kaal cik kapahekin, abarik i̱nna̱ aanya annit ele;