I̱bu̱ru̱ 10:20 - Tennet

²⁰ Okko go̱o̱le̱ ci een jor ki gool ci baizo kuk ngati ru̱u̱m wa enger nginti lawinto A̱li̱le̱ ki ngin wa A̱li̱le̱ Oroot Ce̱e̱ze̱ wa Ta̱mu̱ta̱dde̱no̱, een neci ele cinne, nonno ci aanyyet ki̱tto̱z nginti A̱li̱le̱ Oroot ke̱ labak.

I̱bu̱ru̱ 10:20 ပူးပေါင်းရင်းမြစ်များ

Ma̱te̱yo̱ 27:51

Imma i̱i̱te̱n neci a̱da̱kne̱ Ye̱su̱ ke̱, erece ru̱u̱m ci gon enger Ce̱e̱z wa Ta̱mu̱ta̱dde̱no̱ orgena ecito, akane ta̱dde̱na̱ kuk rok lo̱o̱c. Otomowe looci kize ki̱rki̱ri̱k, apakte biyena.

Marko 15:38

Erece zin ru̱u̱m ci enger Ce̱e̱z wa Ta̱mu̱ta̱dde̱no̱ orgena, ta̱dde̱na̱ rok lo̱o̱c.

Lu̱ka̱ 23:45

eci bali koor ibil iróng ngen alanyiti. Kar zin ru̱u̱m ci enger Ce̱e̱z wa Ta̱mu̱ta̱dde̱no̱ ko̱ erece lak rama.

Kaviyak wak Abunna Ta̱mu̱ta̱dde̱no̱ eher Joni 10:7

A̱nne̱k zin Ye̱su̱ bo̱do̱k nogo ne, “Ka̱du̱wa̱kku̱ng zoz ci een de̱de̱, ke̱e̱ni̱ anna aran ci iyowe eezena.

Kaviyak wak Abunna Ta̱mu̱ta̱dde̱no̱ eher Joni 10:9

Kogonni anna ki arani, ming iyok e̱e̱ti̱ go̱o̱le̱ cinanni, amuda ti̱ri̱ze̱ne̱t. I̱i̱zo̱ enne bo̱ngi̱t kar kiyowa kuk geen.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Evesos 2:15

Aara bo̱do̱k Ye̱su̱ marnonet bali anyaha lo̱ti̱nno̱wa̱ wak Ya̱u̱do̱ eher Musesi ke̱. Anyaha enne olli Ya̱u̱do̱ ki modden ka̱vvu̱to̱ nga̱to̱de̱, ku̱tu̱gu̱zzo̱ ki ci e̱e̱ggi̱n nege dooli cik e̱e̱t co̱de̱, ming idonget enne ganonte ci anyaha enne ko̱.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

I̱bu̱ru̱ 6:19

Aanyyet zoz ci u̱du̱wa̱ Ta̱mu̱ta̱dde̱n ko̱ komiz. Okko zoz neci rok ru̱u̱m ci enger Ce̱e̱z wa Ta̱mu̱ta̱dde̱no̱ Ngati A̱li̱le̱ Oroot.

I̱bu̱ru̱ 9:3

Anyak ru̱u̱m ci enger nginti o̱o̱wu̱ ko̱ ngati een rama ko̱, kar nginti een rama ko̱ een zara Nginti A̱li̱le̱ Oroot.

I̱bu̱ru̱ 9:8

Imma zin go̱o̱le̱ necu, i̱ye̱le̱kke̱t Vongizi ci A̱li̱le̱ zoz ci azi ne, ngen gool koowe kar ki̱tto̱zze̱ Nginti A̱li̱le̱ Oroot a̱bi̱le̱ ru̱u̱ma̱ ko̱, ming ngen Ce̱e̱z wa Ta̱mu̱ta̱dde̱no̱ aave lo̱o̱ta̱.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 4:2

Een necu gool ci a̱gga̱yyu̱ niga Vongiz ci Ta̱mu̱ta̱dde̱no̱: Azi Vongizi cinne ne, een Ye̱su̱ Ki̱ri̱sto̱ e̱e̱t ci diiri ci a̱kku̱ ngati Ta̱mu̱ta̱dde̱no̱.

2 Jon 1:7

Anyak volongnyok cik meelek azantozik lo̱o̱c, iróng nege elemi ming een Ye̱su̱ Ki̱ri̱sto̱ e̱e̱t ci diiri. A̱ti̱ye̱ nege ol tu̱, e̱e̱ggi̱n nege mo̱ddo̱ cik Ki̱ri̱sto̱.