I̱bu̱ru̱ 1:2 - Tennet

² Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

I̱bu̱ru̱ 1:2 ပူးပေါင်းရင်းမြစ်များ

Kananet 49:1

Utu zin Ya̱ko̱bo̱ logoz ciginnek kar kizek nogo ne: I̱vi̱ta̱ u̱lu̱tte̱ ngatu kar anna ku̱du̱wa̱u̱ng kaal cik atin ovvo a̱vvu̱ i̱i̱nya̱we̱ cik atin ovvo a̱vvu̱ ko̱.

Ma̱te̱yo̱ 13:39

Okko mo̱dde̱nti̱ ci arir lobali ko̱ een lo̱rye̱ni̱t. Okko te̱di̱ne̱t labi een i̱i̱te̱n ci okko Ta̱mu̱ta̱dde̱n etted lo̱ki̱ko̱ ci lo̱o̱tu̱, imma ol wak etted labi ko̱ een anjilonya cik Ta̱mu̱ta̱dde̱no̱.

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 21:38

“Imma baling ovvo ol ne̱k ebek ma̱na̱ ko̱ acin ngerrti manyi ma̱na̱ ming a̱kku̱, ozozzit zin nege do̱, izeto ne, ‘I̱ki̱ya̱ zin e̱e̱ti̱ ci okko aragiz lo̱o̱c. Ku̱ru̱we̱t nonno ka̱da̱k kar zin karagizet ma̱na̱ cinne.’

Ma̱te̱yo̱ 26:63

Ma̱i̱je̱ Ye̱su̱ ijakce li̱i̱m. Iizek alaani ci a̱ddi̱ki̱re̱ wawaco nonno ne, “Ka̱jji̱ni̱n zare cik Ta̱mu̱ta̱dde̱n wa aruge, du̱wa̱kke̱t ming e̱e̱ni̱ i̱nna̱ Ki̱ri̱sto̱, Ngerrti Ta̱mu̱ta̱dde̱no̱.”

Ma̱te̱yo̱ 28:18

I̱ki̱ya̱k Ye̱su̱ nogo, kar kize ne, “Aanya Ta̱mu̱ta̱dde̱n komiz do̱o̱k ta̱mu̱-kenga ki lo̱o̱ta̱ ngatu.

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Marko 1:1

Een necu kananet kaviyak cik abunna obod ki Ye̱su̱ Ki̱ri̱sto̱, Ngerrti Ta̱mu̱ta̱dde̱no̱.

Marko 12:6

“Anyak e̱e̱t co̱de̱ ci kar ki̱tto̱n, een neci ngerinne, ci irez enne oroot. Kar zin enne ki̱tto̱n nonno vu̱rrta̱, azi ne, ‘O̱ngo̱o̱le̱ atin nege ngeranni.’

Marko 12:7

“Abarik ol ne̱k a̱li̱ngli̱ng manatoto anno ne, ‘Een necu do̱le̱c ci okko aragiz lo̱o̱c ci a̱kku̱ ko̱, ku̱ru̱we̱t nonno ka̱da̱k, kar atin naga karagizet lo̱o̱c.’

Kaviyak wak Abunna Ta̱mu̱ta̱dde̱no̱ eher Joni 1:10

I̱ki̱ya̱k Zoz neci lo̱o̱c ba̱li̱ye̱, eenycai looci ngatinne, ma̱i̱je̱ olli lo̱o̱tu̱ iróng a̱gga̱ nonno.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:3

Eteehenya Zoz kaal do̱o̱k, i̱llo̱i̱ gi̱i̱ imma ci eenycai ngati a̱zze̱ne̱ enne to.

Kaviyak wak Abunna Ta̱mu̱ta̱dde̱no̱ eher Joni 13:3

A̱gga̱ Ye̱su̱ niko ming aarik Baatinne kaal do̱o̱k azzin ciginnek, a̱gga̱ bo̱do̱k a̱kku̱ enne ba̱li̱ye̱ ngati Ta̱mu̱ta̱dde̱no̱, kar bo̱do̱k ki̱mi̱re̱ kuk ngati Ta̱mu̱ta̱dde̱no̱.

Kaviyak wak Abunna Ta̱mu̱ta̱dde̱no̱ eher Joni 13:32

Ming i̱ye̱la̱i̱ di̱ngdi̱ngo̱ni̱ ci Ta̱mu̱ta̱dde̱no̱ ngatinanni, okko atin Ta̱mu̱ta̱dde̱n i̱ye̱la̱ di̱ngdi̱ngo̱n ci Ngerinne eliye cinne e̱co̱de̱ niko.”

Kaviyak wak Abunna Ta̱mu̱ta̱dde̱no̱ eher Joni 15:15

Iróng bo̱do̱k anna kawuyyung izet du̱cca̱k, eci du̱ca̱i̱ti̱ iróng a̱gga̱ li̱ngli̱ngo̱n ci ogon ddi̱ki̱ryo̱i̱ti̱ cinne. Kawuyyung abarik anna i̱ge̱t izet gonogga, eci kedemezung kaal do̱o̱k wak kedemeza anna ngati Baba.

Kaviyak wak Abunna Ta̱mu̱ta̱dde̱no̱ eher Joni 16:15

Kodowina anna ki Baba, kaala ne̱ke̱ kodowina naga ke̱ do̱o̱k cigannik. Zoz zin ci ka̱nne̱kku̱ng ne okko atin De̱me̱zo̱i̱ti̱ adima gi̱i̱ ci een cinanni a̱a̱nyu̱ng a̱gga̱c ko̱ nenen.

Kaviyak wak Abunna Ta̱mu̱ta̱dde̱no̱ eher Joni 17:2

Aanya ba̱li̱ye̱ i̱nna̱ annit komiz ci kar ka̱gga̱me̱ ol do̱o̱k, kar zin bo̱do̱k kanyik anna ol ne̱ke̱ ruget wa aave udut bali aanya i̱nna̱ ke̱.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 3:25

I̱yo̱ko̱, adangto nuyaha cik Joni ki ollik Ya̱u̱do̱ u̱gge̱, zo̱ze̱ ci uunyenne nege e̱le̱tti̱ maame kizeto caale.

Kaviyak wak Abunna Ta̱mu̱ta̱dde̱no̱ eher Joni 5:26

Ki i̱yo̱ko̱ ming anyak Baba ruget ko̱, aanyik zin enne Ngerinne bu̱k kanyak ruget.

Kaviyak wak Abunna Ta̱mu̱ta̱dde̱no̱ eher Joni 5:27

Aanyik zin Ngerinne komiz ci ettede lo̱ki̱ko̱ ci ollu eci enne een Ngerrti E̱e̱to̱.

Kaviyak wak Abunna Ta̱mu̱ta̱dde̱no̱ eher Joni 9:29

Ka̱gga̱yya̱ niko ozozik ba̱li̱ye̱ Ta̱mu̱ta̱dde̱n Muses, imma e̱e̱ti̱ cu, iróng ka̱gga̱yya̱ nginti a̱kku̱nne̱.”

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Buk wa To̱ni̱a̱u̱ 2:17

“‘Azi Ta̱mu̱ta̱dde̱n i̱i̱nya̱we̱ cik vu̱rrta̱k ne, ka̱du̱te̱k atin anna Vongiz cinanni ol do̱o̱k. A̱du̱wa̱k atin dooli cigunnek macik ki cik nga̱a̱ye̱k ol zoz cinanni. Ovvo atin logoz cigunnek acin kaal cik meelek o̱no̱zo̱we̱, kar bo̱do̱k ol wak macik ciggo̱k a̱ddi̱ki̱re̱ ko̱ kanyait o̱no̱zzo̱k.

Roma 1:4

I̱ye̱la̱ Vongizi ci Ta̱mu̱ta̱dde̱no̱ een Ye̱su̱ Ki̱ri̱sto̱, Manyitinna Ngerrti Ta̱mu̱ta̱dde̱no̱ bali itingawe enne nonno daiza.

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

1 Ko̱ri̱nto̱ 2:7

I̱llo̱i̱, imma genyizi ci kozoz ko̱, een genyiz ci Ta̱mu̱ta̱dde̱no̱ bali arrak a̱lu̱gnye̱ ke̱, orong Ta̱mu̱ta̱dde̱n kaanyik ol cik diirik kize ci a̱di̱ngdi̱nga̱n Ta̱mu̱ta̱dde̱n nogo baling ngen enne kakate teheenyinet lo̱o̱c.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

Ga̱la̱ti̱a̱ 4:4

Baling utube i̱i̱te̱ni̱ ci odola Ta̱mu̱ta̱dde̱n, i̱tto̱na̱ zin Ngerinne, a̱rri̱ta̱i̱ ngati e̱e̱t ci diiri, kar enne bu̱k ko̱to̱ngo̱o̱le̱ lo̱ti̱nno̱k.

Evesos 1:10

I̱ye̱le̱kke̱t Ta̱mu̱ta̱dde̱n gi̱i̱ ci arike enne i̱i̱te̱n ci atin kar kidongte kaala waginnek eenyca ta̱mu̱-kenga ki lo̱o̱ta̱ do̱o̱k ko̱do̱ye̱ kar Ki̱ri̱sto̱ kabal nogo do̱o̱k.

Evesos 3:9

Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱.

I̱bu̱ru̱ 1:5

Ngen Ta̱mu̱ta̱dde̱n i̱i̱te̱n imma kizek anjilo co̱de̱ anjilonyai ne, “E̱e̱ni̱ i̱nna̱ Ngeranni; kiize anna wazin cu Baatunne.” Icima bo̱do̱k, a̱nne̱k anjilonya u̱gge̱ ngatinne̱ng ne, “Ke̱e̱ni̱ anna Baatunne, Okko i̱nna̱ e̱e̱ni̱ Ngeranni.”

I̱bu̱ru̱ 1:8

Abarik Ta̱mu̱ta̱dde̱n ozoz zoz ci obod ki Ngerinne, azi ne, “E̱e̱ni̱ i̱nna̱ Ta̱mu̱ta̱dde̱n, abali atin lo̱o̱c ize alaan ci abak udut! Okko alaanzet cunne apahek ol lo̱ki̱ko̱ ju̱rru̱m.

I̱bu̱ru̱ 11:3

Imma bo̱do̱k tu̱we̱nte̱ cinna, ka̱gga̱, idiman Ta̱mu̱ta̱dde̱n ta̱mu̱-keng ki lo̱o̱c zo̱ze̱ ci a̱du̱wa̱ enne utuga, adiman kaal ne̱ko̱ kaale cik iróng naga kacin eberene.

I̱bu̱ru̱ 2:3

Ming kutuburret naga gool ci abunna kamudane ti̱ri̱ze̱ne̱t ko̱, kalit lo̱ki̱ko̱ ci Ta̱mu̱ta̱dde̱no̱ wo̱ye̱ ku̱? U̱du̱wa̱ Ye̱su̱ Manyi zoz necu arrak oowa, imma ol balik iziyyet ke̱ a̱gga̱c ming een zoz ci een de̱de̱, nogo cik a̱du̱wa̱kke̱ta̱.

I̱bu̱ru̱ 3:6

Ma̱i̱je̱ Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ odohize a̱li̱ngli̱nge̱k ol cik Ta̱mu̱ta̱dde̱no̱. Ke̱e̱ggi̱n naga Ce̱e̱z wa Ta̱mu̱ta̱dde̱no̱, ming karike naga zi̱nze̱tti̱ zoz Ta̱mu̱ta̱dde̱no̱ kere naga ko̱.

I̱bu̱ru̱ 4:14

I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 5:8

Ming een Ye̱su̱ Ngerrti Ta̱mu̱ta̱dde̱no̱ nu̱nu̱n, edemez enne gool ci azunne ol zoz ci Ta̱mu̱ta̱dde̱no̱ gi̱de̱nte̱ bali apirnane enne ke̱.

I̱bu̱ru̱ 7:28

Atahala zin lo̱ti̱nno̱wa̱ cik Musesi alaat cik a̱ddi̱ki̱re̱ wawaco iróng okkomi, imma Ta̱mu̱ta̱dde̱n atahala alaan ci a̱ddi̱ki̱re̱ wawaco ci okkomi zo̱ze̱ bali odola u̱du̱wa̱ enne ke̱ baling aanyik enne ol lo̱ti̱nno̱k cik Musesi arrak oowa, atahala zin Ngerinne kize alaan ci a̱ddi̱ki̱re̱, kar kidiman zoz cinne ju̱rru̱m udut.

I̱bu̱ru̱ 7:3

Iróng e̱e̱ti̱ imma a̱gga̱ ming anyak enne yaatinne icima baatinne, i̱llo̱i̱ rok ji̱ji̱ti̱gi̱nne̱k, iróng ol a̱gga̱ i̱i̱te̱n ci a̱rri̱ta̱ne̱ enne, icima ci okko enne a̱da̱kne̱. Ogon enne ki Ngerrti Ta̱mu̱ta̱dde̱no̱, eci erahek atin enne een e̱e̱t ci wawaco ci aave udut.

I̱bu̱ru̱ 9:26

Ming riil zoz ci apahek tuwayowa Ta̱mu̱ta̱dde̱n kaal odohize, aanyik weda Ye̱su̱ Ki̱ri̱sto̱ ele cinne Ta̱mu̱ta̱dde̱n kize wawac odohize odohize kanante ci lo̱o̱tu̱. Abarik aanyik enne ele cinne kize wawac lak co̱de̱, kar kaara mu̱nye̱n bu̱u̱llo̱k ki bu̱u̱llo̱k.

1 Peturu 1:20

Atahala bali Ta̱mu̱ta̱dde̱n nonno baling ngen looci keteehenyai ke̱, abarik i̱ye̱la̱i̱ atin Ye̱su̱ ngati aṯurneke looci zo̱ze̱ cunno̱ng.

2 Peturu 3:3

Arrak oowa, abunna ming a̱gga̱yyu̱ i̱i̱te̱n ci okko looci aṯurneke, a̱vvu̱ atin ol wak a̱da̱c ol, ovvo aranne ol cik a̱tu̱we̱, abarik nege i̱no̱n kaal cik gerzek irez zi̱nze̱tti̱ cigge̱k do̱ niko.

Ju̱da̱ 1:18

A̱nne̱kku̱ng ne, “Imma atin i̱i̱nya̱we̱ cik okko looci aṯurneke, a̱vvu̱ atin ol cik ovvo aranne zoz ci Ta̱mu̱ta̱dde̱no̱, eci orong ku̱tu̱gu̱zzo̱ kaal cik gerzek amin zi̱nze̱tti̱ cigge̱k.”