Ga̱la̱ti̱a̱ 4:9 - Tennet

⁹ I̱yo̱ko̱ zin, a̱gga̱yyu̱ niga Ta̱mu̱ta̱dde̱n, abarik Ta̱mu̱ta̱dde̱n a̱gga̱yyu̱ng oroot, ma ngen a̱mi̱re̱nnu̱ ki vu̱rru̱t, izet bo̱do̱k du̱cca̱k wak lo̱ti̱nno̱u̱, iróng atin a̱ti̱ri̱zu̱ng.

Ga̱la̱ti̱a̱ 4:9 ပူးပေါင်းရင်းမြစ်များ

Ma̱te̱yo̱ 11:27

“Aanya Baba komiz kaale do̱o̱k. I̱llo̱i̱ rok e̱e̱t co̱de̱ ci a̱gga̱ya̱n, Baba do̱ ci a̱gga̱ya̱ annita, kar bo̱do̱k i̱llo̱i̱ rok e̱e̱t co̱de̱ ci a̱gga̱ Baatanni, annit Ngerinne ki ol wak katahala anna ko̱ cik ka̱gga̱yya̱ Baba.

Lu̱ka̱ 5:38

A̱zze̱to̱, anyik merte ci een jor ku̱du̱to̱zi̱k í̱jjó̱ ci een jor.

Kaviyak wak Abunna Ta̱mu̱ta̱dde̱no̱ eher Joni 10:14

Azi zin bo̱do̱k Ye̱su̱ ne, “Ke̱e̱ni̱ anna tuwayoit ci kabunna; ka̱gga̱ anna eeza cigannik veelek, ovvo eezena cigannik a̱gga̱ya̱ annit bu̱k.

Kaviyak wak Abunna Ta̱mu̱ta̱dde̱no̱ eher Joni 10:27

Aziye eezena cigannik muluk cinanni, ka̱gga̱ nogo, kar nege kunuyan.

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Roma 8:29

a̱gga̱ enne odohize ol wak engera enne. Kar kaanyik ku̱tu̱gu̱zzo̱ ki dooli ciginnek, u̱tu̱gu̱zzo̱ ki Ngerinne Ye̱su̱, kar Ye̱su̱ kize a̱bu̱ cinne̱ng orgene ci dooli cik meelek.

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

1 Ko̱ri̱nto̱ 13:12

I̱yo̱ko̱ kacinna naga de̱de̱ Ta̱mu̱ta̱dde̱n ogon ki ri̱ri̱to̱ni̱ ci di̱i̱zo̱ ming kacin miraya. Imma vu̱rrta̱ kacin atin nonno eberene. Iróng naga ka̱gga̱ kaal do̱o̱k, kovvo atin naga ka̱gga̱, ki i̱yo̱ko̱ Ta̱mu̱ta̱dde̱n ming a̱gga̱yye̱t agit do̱o̱k ko̱.

1 Ko̱ri̱nto̱ 15:34

Abunna zin ming i̱no̱nnu̱ ju̱rru̱m kar utunget mu̱nye̱n, eci anyak ol u̱gge̱ ngatinno̱ng cik iróng a̱gga̱ Ta̱mu̱ta̱dde̱n. Ka̱du̱wa̱ niko zo̱ze̱ ci adakkung a̱li̱ya̱ni̱.

1 Ko̱ri̱nto̱ 8:3

Imma e̱e̱ti̱ ci irez Ta̱mu̱ta̱dde̱n, a̱gga̱ Ta̱mu̱ta̱dde̱n nonno.

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Ga̱la̱ti̱a̱ 3:3

E̱e̱ggi̱nnu̱ tarbale niko nya? Arrak ba̱li̱ye̱ a̱ka̱tta̱u̱ baiz ci abunna amudannu Vongize ci A̱li̱le̱ Ta̱mu̱ta̱dde̱no̱. I̱yo̱ko̱ zin, ma ngen abakku baiz ci akannu niga ci aave do̱, kar u̱tu̱gu̱z kaal cik adimannu o̱o̱tti̱ne̱ cuggo̱k kar izet ol cik abunna ngu̱me̱ ci Ta̱mu̱ta̱dde̱no̱.

Ga̱la̱ti̱a̱ 4:3

Kabak naga bu̱k go̱o̱le̱ neci baling ngen Ye̱su̱ ki̱ki̱ya̱. Kogonna ki dooli cikidik ke̱, ke̱e̱ggi̱n du̱cca̱k cik kanu kaal cik lo̱o̱tu̱.

Evesos 1:17

Ka̱jji̱nni̱ Ta̱mu̱ta̱dde̱n wa Manyitinna Ye̱su̱ Ki̱ri̱sto̱ kar Be̱e̱ti̱nna̱ wa a̱di̱ngdi̱nge̱ ka̱a̱nyu̱ng Vongiz cinne ci atin a̱a̱nyu̱ng genyiz kar a̱gga̱c zoz ci riili obod ki Ta̱mu̱ta̱dde̱n.

2 Ti̱mo̱te̱yo̱ 2:19

Imma ol wak okkomi zo̱ze̱ ci Ta̱mu̱ta̱dde̱no̱ kak, iróng omoti. E̱he̱rye̱ zoz neci azi ne, “A̱gga̱ Manyi ol wak a̱tu̱ nonno.” Kar zin bo̱do̱k kize ne, “Ming orong e̱e̱ti̱ ku̱tu̱ Ye̱su̱, abunna ming uungnek mu̱nye̱n lo̱o̱c.”

I̱bu̱ru̱ 7:18

Utungek zin Ta̱mu̱ta̱dde̱n lo̱ti̱nno̱k balik Musesi ke̱ lo̱o̱c eci iróng nege anyak doiz.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.

1 Jon 5:20

Ka̱gga̱ naga do̱o̱k a̱kku̱ Ngerrti Ta̱mu̱ta̱dde̱no̱ lo̱o̱c kar ki̱ki̱ya̱ kaanyyet gool ci een de̱de̱ ka̱gga̱we̱ Manyi wa een de̱de̱. Karume zin naga ki nonno, ki bo̱do̱k Ngerinne Ye̱su̱ Ki̱ri̱sto̱, Manyi wa een de̱de̱ ki ruget ci aave udut.