Ga̱la̱ti̱a̱ 3:2 - Tennet

² I̱yo̱ko̱, ja ki̱jji̱nnu̱ng zoz co̱de̱: A̱gga̱mtta̱u̱ Vongiz ci A̱li̱le̱ ngati azunnu lo̱ti̱nno̱k cik Musesi? I̱llo̱i̱, a̱gga̱mtta̱u̱ niga Vongiz ci A̱li̱le̱ tu̱we̱nta̱ kaviyak cik abunna obod ki Ye̱su̱.

Ga̱la̱ti̱a̱ 3:2 ပူးပေါင်းရင်းမြစ်များ

Buk wa To̱ni̱a̱u̱ 15:8

Imma Ta̱mu̱ta̱dde̱n wa a̱gga̱ zi̱nze̱tti̱ cik ollu do̱o̱k, i̱ye̱le̱kke̱t agit ngati bali anyike enne ol wak iróng e̱e̱ggi̱n Ya̱u̱d Vongiz ci A̱li̱le̱, ki baling aanyet enne agit ke̱.

Buk wa To̱ni̱a̱u̱ 2:38

Iizek zin Peturu nogo ne, “Uturtta mu̱nye̱n cuggo̱k do̱o̱k kar a̱gga̱mi̱t ba̱ti̱ti̱mo̱ zare wak Ye̱su̱ Ki̱ri̱sto̱, kar atin Ta̱mu̱ta̱dde̱n kalaleung mu̱nye̱n cuggo̱k. Kar atin niga u̱mu̱dda̱ muci ci Vongiz ci A̱li̱le̱.

Buk wa To̱ni̱a̱u̱ 8:15

Baling ovvo nege arawa, alayek ol Ta̱mu̱ta̱dde̱n kar abunna ming aruba Vongiz ci A̱li̱le̱,

Roma 1:17

Eci kaviyahe cik abunna Ye̱su̱ i̱ye̱la̱ ming a̱kku̱ bunnati ngati Ta̱mu̱ta̱dde̱no̱, aara zin ol balik u̱tu̱gu̱zzo̱ mu̱nye̱n ke̱ kizeto ol cik abunna, a̱kku̱ bunnati neci tu̱we̱nta̱ arrak oowa okko rok vu̱rru̱t, ki i̱yo̱ko̱ ming e̱he̱rye̱, azi ne, “Abak atin e̱e̱ti̱ ci abunna tu̱we̱nta̱.”

1 Ko̱ri̱nto̱ 9:21

Imma bo̱do̱k ngati ka̱li̱ngli̱nge̱ ki ol wak iróng anyak lo̱ti̱nno̱k, kaave anna ki ci i̱llo̱i̱ lo̱ti̱nno̱k (ming nu̱nu̱n iróng anna kaave reena lo̱ti̱nno̱we̱ cik Ta̱mu̱ta̱dde̱no̱ abarik kazunne lo̱ti̱nno̱k cik Ki̱ri̱sto̱), kar kalaba ol wak iróng azunne lo̱ti̱nno̱k.

2 Ko̱ri̱nto̱ 11:4

Kuwaktteung naga i̱ge̱t zoz ci Ye̱su̱, kar niga a̱gga̱mtta̱u̱ zoz cinna̱ng ki Vongiz ci A̱li̱le̱. Ma̱i̱je̱ vu̱rrta̱, i̱vi̱ta̱ ol uggak kuwaktteung i̱ge̱t zoz ci Ki̱ri̱sto̱ aave do̱, elemttau zin niga kaviyak ne̱ke̱ ki vongiz ci aave do̱.

Ga̱la̱ti̱a̱ 3:14

Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.

Ga̱la̱ti̱a̱ 3:3

E̱e̱ggi̱nnu̱ tarbale niko nya? Arrak ba̱li̱ye̱ a̱ka̱tta̱u̱ baiz ci abunna amudannu Vongize ci A̱li̱le̱ Ta̱mu̱ta̱dde̱no̱. I̱yo̱ko̱ zin, ma ngen abakku baiz ci akannu niga ci aave do̱, kar u̱tu̱gu̱z kaal cik adimannu o̱o̱tti̱ne̱ cuggo̱k kar izet ol cik abunna ngu̱me̱ ci Ta̱mu̱ta̱dde̱no̱.

Ga̱la̱ti̱a̱ 3:5

I̱yo̱ko̱ a̱a̱nyu̱ng Ta̱mu̱ta̱dde̱n Vongiz ci A̱li̱le̱, kar ku̱tu̱gu̱ kaal cik a̱vu̱la̱ orgene cunno̱ng, iróng enne ogon kaal ne̱ke̱ eci niga azunnu lo̱ti̱nno̱k, a̱a̱nyu̱ng eci niga a̱tu̱yyu̱ kaviyak balik iziktu ke̱.

I̱bu̱ru̱ 2:4

I̱ye̱le̱kke̱t Ta̱mu̱ta̱dde̱n ti̱ri̱ze̱ne̱t cu, bali u̱du̱wa̱ Ye̱su̱ ke̱ go̱o̱le̱ ci ogone kaal cik a̱vu̱la̱ kar enne ki̱ye̱la̱ ti̱ri̱ze̱ne̱t cu kaale cik abunna aanyik Vongizi ci A̱li̱le̱ nogo.

I̱bu̱ru̱ 4:2

Kizikta naga e̱le̱tti̱ne̱ kaviyak cik abunna balik uwahekket ol ke̱, ki baling aziye olli Ya̱u̱do̱ balik aavtte balala ke̱. Baling iziyyet nege kaviyak ne̱ke̱ nu̱nu̱n, iróng zoz neci eela nogo, eci iróng nege a̱tu̱ Ta̱mu̱ta̱dde̱n.

I̱bu̱ru̱ 6:4

Anyak ol cik elemtta zoz ci Ta̱mu̱ta̱dde̱no̱ arrak de̱de̱, kar kurubta zoz neci, kar ki̱mi̱rte̱ ki vu̱rru̱t, i̱llo̱i̱ bo̱do̱k gool ci kar ko̱bo̱dda̱i̱ nege kar ki̱mi̱rto̱zi̱k zoz wa een de̱de̱ udut, eci bali arrak aavtte nege vooritene ci Ta̱mu̱ta̱dde̱no̱, atarit nege ma̱yu̱we̱ne̱t cinne abunna, kar Vongizi ci A̱li̱le̱ kabak ngatinne̱ng. Iziyyet nege kaviyak cik abunna Ta̱mu̱ta̱dde̱no̱ a̱du̱wa̱k nogo ko̱ do̱o̱k, eci a̱li̱ngli̱ng zi̱nze̱tti̱nne̱ cigge̱k. A̱gga̱ nege zoz ci a̱ddi̱ki̱re̱ atin a̱kku̱ ke̱. Ming a̱gga̱c nege kaal ne̱ko̱ do̱o̱k, kar ki̱mi̱rte̱ ki vu̱rru̱t, iróng ngen obodak Ta̱mu̱ta̱dde̱n, eci nege a̱ru̱we̱k Ngerrti Ta̱mu̱ta̱dde̱no̱ keet ci een ta̱la̱ke̱c, abarik anyakttak nonno a̱li̱ya̱n orgene ci ollu.

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.