Ga̱la̱ti̱a̱ 2:9 - Tennet

⁹ Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”

Ga̱la̱ti̱a̱ 2:9 ပူးပေါင်းရင်းမြစ်များ

Ma̱te̱yo̱ 16:18

I̱yo̱ko̱ zin, kakaneki zar cik een Peturu, azi keng ci zar ne̱ko̱ ne, bee, ogonni i̱nna̱ ki bee, eenyce atin ke̱le̱ci̱a̱ cinanni zo̱ze̱ cunne, iróng zin atin komizi ci daizo uule kar kegerzan.

Lu̱ka̱ 22:8

I̱tto̱n zin Ye̱su̱ Peturu ki Jon, a̱nne̱k ne, “Oot idimanit da̱i̱ne̱t cik I̱i̱te̱n wa Va̱rda̱ngi̱nto̱.”

Kaviyak wak Abunna Ta̱mu̱ta̱dde̱no̱ eher Joni 1:42

Kar zin Andereya kanyahak nonno rok Ye̱su̱. Icin Ye̱su̱ nonno kar zin kizek ne, “I̱nne̱t Si̱mo̱ne̱ ngerrti Joni. Anyik zar cigunnek kize Cephas, azi ungeci cik zar ne̱ko̱ ne Peturu.”

Buk wa To̱ni̱a̱u̱ 12:17

A̱nne̱k Peturu nogo ne, ijaktte li̱i̱m, kar zin koobek nogo gool ci aarane Manyi nonno lagama. Kar kizek nogo ne, “U̱du̱kta̱k Je̱mi̱s ki gotonogget zoz cu.” Kar zin enne kuk ngamani.

Buk wa To̱ni̱a̱u̱ 15:13

Baling e̱de̱cca̱ Pa̱u̱lo̱ ki Barnabas zoz, itinga Je̱mi̱si̱ je̱e̱na̱ ozoza: “Gotonogget, izikttang.

Buk wa To̱ni̱a̱u̱ 15:7

Baling ozozit ol zoz necu oroot, itinga Peturu je̱e̱na̱ kar kozozek nogo, a̱nne̱k ne, “Gotonogga, a̱gga̱yyu̱ niga ba̱li̱ye̱ atahala Ta̱mu̱ta̱dde̱n annit orgene cunno̱ng kar ol wak iróng e̱e̱ggi̱n Ya̱u̱d kiziyet kaviyak cik abunna Ye̱su̱ kar ku̱tu̱we̱t.

Buk wa To̱ni̱a̱u̱ 4:36

Imma da̱ e̱e̱ti̱ imma ci een Yosevo ci boor ci Le̱vi̱, a̱rri̱ta̱i̱ ngati aburuk maama een Cyprus. Akannek da̱ to̱ni̱a̱ha̱ nonno kize Barnabas, azi ungec ci zar ne̱ko̱ ne, ngerrti e̱e̱t wa i̱lo̱t ol.

Roma 1:5

Imma zin ngati Ye̱su̱ Manyi bunnat, aanya enne annit deten ci keene to̱ni̱a̱t ci kar kuwahek ol kaviyak waginnek abunna, kar ol wak iróng een Ya̱u̱d do̱o̱k ku̱tu̱we̱t nonno, kar ku̱zu̱tte̱ zoz neci.

Roma 12:3

Ka̱gga̱wa̱ bunnat ci Ta̱mu̱ta̱dde̱no̱ aanya kize to̱ni̱a̱t cinne. Ka̱nne̱k zin ol do̱o̱k ne: Ma odongnyu e̱le̱tti̱ aniyyu ne, ke̱e̱ggi̱nna̱ ol cik riilik oroot. Abarik abunna gon e̱e̱ti̱ angamnik ele cinne go̱o̱le̱ ci abunna. Abunna gon ming iyab e̱e̱ti̱ ci riili ele cinne tu̱we̱nte̱ ci aanyik Ta̱mu̱ta̱dde̱n nonno.

Roma 15:15

Imma zin warage necu, anyak zo̱zzo̱k u̱gge̱ cik keherakkung anna i̱ge̱t mozinta, abunna kobodekku̱ng bo̱do̱k, eci aanya Ta̱mu̱ta̱dde̱n deten cinne.

1 Ko̱ri̱nto̱ 15:10

Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

2 Ko̱ri̱nto̱ 11:5

Ka̱gga̱ anna azi gon to̱ni̱a̱ha̱ cik volongak ne ke̱e̱ggi̱nna̱ nege to̱ni̱a̱k cik Ta̱mu̱ta̱dde̱no̱ riilik do̱o̱k, iróng zin nege ommogja annita.

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 8:4

I̱jji̱nte̱t ol ne̱k a̱tu̱we̱ ke̱ orong kooya o̱ro̱bi̱ya̱ cigge̱k talninta, kar ki̱tto̱ntte̱k ollik Ta̱mu̱ta̱dde̱no̱ Jerusalema.

Ga̱la̱ti̱a̱ 1:16

kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu.

Ga̱la̱ti̱a̱ 1:18

Ma baling kedeca e̱rki̱nya̱ i̱i̱yo̱, keerona kuwa rok Jerusalem kokko kacinni Peturu, kar zin ka̱vvu̱tta̱ ki nonno i̱i̱nya̱ omoto ki tu̱r.

Ga̱la̱ti̱a̱ 2:1

Baling edeccai e̱rki̱nya̱ cik e̱e̱ggi̱n omoto ki we̱c, ki̱mi̱re̱ anna kuwa Jerusalema, korkortta ki Barnabas kar kozohota ki Ti̱to̱ bu̱k.

Ga̱la̱ti̱a̱ 2:2

Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Ga̱la̱ti̱a̱ 6:3

Ming i̱no̱n e̱e̱ti̱ ele azi ne ke̱e̱ni̱ e̱e̱t ci riili ngati keelane ol, a̱lu̱t e̱e̱ti̱ neci ele cinne. Iróng e̱e̱ti̱ neci een riil.

Evesos 2:20

Ogonnu niga kiwagon biyena wak eenyce ol ce̱e̱z ko̱. Imma to̱ni̱a̱ha̱ ki a̱ri̱tto̱k cik zoz ci Ta̱mu̱ta̱dde̱no̱, ogon nege kiwagon biyena wak akane ol teheenyinet ko̱. Ma̱i̱je̱ ngati Ki̱ri̱sto̱ Ye̱su̱, ogon enne kiwagon bee ci riili oroot i̱ti̱re̱ne̱ ce̱e̱z kodok kak.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Kolosiya 1:29

Kar atin zoz necu ku̱tu̱gu̱we̱, kokko anna kapirna, kar ki̱li̱ngli̱ng oroot doize ci aanya enne annita.

1 Ti̱mo̱te̱yo̱ 3:15

Ming iróng anna ngen kayiha ataman, a̱gga̱yyu̱ atin niga gool ci abahe ol wak a̱tu̱ zoz ci Ta̱mu̱ta̱dde̱no̱. E̱e̱ggi̱n ol wak a̱tu̱ zoz ci Ta̱mu̱ta̱dde̱no̱ ko̱ boor ci Ta̱mu̱ta̱dde̱no̱, nogo cik a̱gga̱m zoz ci Ta̱mu̱ta̱dde̱no̱ kiwagon lolaci ci abilne zoz de̱de̱.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

O̱no̱zzo̱k 3:12

Imma e̱e̱ti̱ ci anime no̱ngi̱tto̱n, kanyike anna kize lolac Ce̱e̱ze̱ ci Ta̱mu̱ta̱dde̱n cinanni. Iróng atin enne ngen ungnek lo̱o̱c udut. Keherike atin anna nonno zar cik Ta̱mu̱ta̱dde̱n cinanni ki zar cik orog wa a̱ddi̱ki̱re̱ wa Ta̱mu̱ta̱dde̱n cinanni, Jerusalem ci een jor, ci atin a̱kku̱nna̱k lo̱o̱c ta̱mu̱-kenga ngati Ta̱mu̱ta̱dde̱n cinanni; kar anna keteherik nonno zar cigannik een jor ko̱.