Ga̱la̱ti̱a̱ 2:4 - Tennet

⁴ Ize gerza zoz neci eci ol wak a̱ti̱yye̱ ol tu̱ i̱tto̱zzo̱ orgen cinna, a̱vvu̱ kize ro̱tto̱k, a̱ru̱k talaben, kar kicinnet baiz ci abunna kanyaka ngati ka̱tu̱yya̱ Ye̱su̱ Ki̱ri̱sto̱, abarik orong nege kutuhuyyet kizet du̱cca̱k.

Ga̱la̱ti̱a̱ 2:4 ပူးပေါင်းရင်းမြစ်များ

Lu̱ka̱ 5:38

A̱zze̱to̱, anyik merte ci een jor ku̱du̱to̱zi̱k í̱jjó̱ ci een jor.

Buk wa To̱ni̱a̱u̱ 15:1

U̱lu̱ca̱i̱ zin ol uggak lo̱o̱ce̱ ci Ju̱de̱ya̱ a̱vvu̱na̱k orog ci een Antiyok kar ki̱vi̱ta̱ ke̱de̱me̱zi̱t gotonogget, a̱nne̱k ne, “Ming iróng niga etteddu wucic vi̱ca̱vi̱cce̱t ki baling edemez Musesi lo̱ti̱nno̱we̱ ke̱, iróng amudannu ti̱ri̱ze̱ne̱t.”

Buk wa To̱ni̱a̱u̱ 15:24

Kazikna niko zoz ci ovvo ol uggak ba̱li̱ye̱ a̱a̱nyu̱ng utuburet nong de̱mzi̱nte̱ cinne̱ng, amire agit cik ki̱tto̱na̱nna̱ nogo!

Buk wa To̱ni̱a̱u̱ 20:30

Anyak atin ol orgene cunno̱ng cik ovvo uhu zoz wa een de̱de̱ kize volong, kar ku̱lu̱te̱t ol cik Ta̱mu̱ta̱dde̱no̱.

Roma 8:15

Iróng Vongizi ci Ta̱mu̱ta̱dde̱no̱ aanyyet kizet du̱cca̱k kar ko̱to̱ngo̱o̱ltte̱ lo̱ki̱ko̱ ci Ta̱mu̱ta̱dde̱no̱. Abarik Vongizi aanyyet kizet dooli ciginnek bak kawu Ta̱mu̱ta̱dde̱n kize Be̱e̱ti̱nna̱.

2 Ko̱ri̱nto̱ 11:13

Iróng ol ne̱ke̱ e̱e̱ggi̱n to̱ni̱a̱k cik Ki̱ri̱sto̱ de̱de̱. Alaba nege ol azi ne ke̱e̱ggi̱nna̱ to̱ni̱a̱k cik Ye̱su̱.

2 Ko̱ri̱nto̱ 11:17

Ming kodongi anna ele, kodongi kize e̱e̱t ci tarbali, iróng kodongi ele ngati Manyi.

2 Ko̱ri̱nto̱ 11:20

De̱de̱ anyikku niga ol wak a̱vvu̱ orong ku̱tu̱gu̱ze̱u̱ng kaal cik a̱a̱nyu̱ng izet du̱cca̱k, ogorozzung, aminyyung, kar kapanttung ngu̱mti̱ cuggo̱k.

2 Ko̱ri̱nto̱ 11:26

Ming keeroni gon kokko o̱ro̱gjo̱we̱, kabaza gon anna ele cinanni. Kamuda pirnanet ngati kettede nyatapar ci a̱ddi̱ki̱re̱, karumona gon ki ogoryak wak aam ol kaal. I̱i̱te̱n imma karumona ki ol wagannik e̱le̱tti̱ cik aanya pirnanet. I̱i̱te̱n imma olli Ya̱u̱do̱ e̱le̱tti̱ cik orong a̱ru̱ka̱ annita icima i̱do̱ngi̱ cik iróng een Ya̱u̱d. Kabaza ele o̱ro̱gjo̱we̱, ki balala, ki liila, ki bo̱do̱k ngati ol wak alaba ol azi ne ke̱e̱ggi̱nna̱ olli Ta̱mu̱ta̱dde̱no̱.

2 Ko̱ri̱nto̱ 3:17

I̱yo̱ko̱ zin, een Manyi Vongiz, ma zin ngati aave Vongizi ci Manyi, kabak yahe.

Ga̱la̱ti̱a̱ 1:7

Iróng kaviyaha ne̱ko̱ een de̱de̱. Abarik anyak ol cik u̱la̱llu̱ng i̱ba̱ti̱ne̱ orong abunna ming uhuyu kaviyak cik abunna obod ki Ki̱ri̱sto̱ ko̱.

Ga̱la̱ti̱a̱ 4:25

Ogon buuwecci ci een Hagar ki bee ci een Sinai bali aanyik Ta̱mu̱ta̱dde̱n ol lo̱ti̱nno̱k ke̱, lo̱o̱ce̱ ci een zara Arabiya, i̱ya̱bzo̱ni̱k orog ci Jerusalemi, eci ol ne̱ke̱ do̱o̱k e̱e̱ggi̱n du̱cca̱k.

Ga̱la̱ti̱a̱ 4:3

Kabak naga bu̱k go̱o̱le̱ neci baling ngen Ye̱su̱ ki̱ki̱ya̱. Kogonna ki dooli cikidik ke̱, ke̱e̱ggi̱n du̱cca̱k cik kanu kaal cik lo̱o̱tu̱.

Ga̱la̱ti̱a̱ 5:1

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.

Ga̱la̱ti̱a̱ 5:10

Ka̱gga̱ iróng atin niga elemnyyu zoz ci de̱me̱zzo̱k wak volongak, eci naga ka̱tu̱ Ta̱mu̱ta̱dde̱n. Okko atin Manyi etted lo̱ki̱ko̱ ci ol wak a̱ti̱kku̱ng tu̱.

2 Ti̱mo̱te̱yo̱ 3:6

Anyak olle ne̱ke̱ u̱gge̱ cik ovvo ce̱e̱zi̱nne̱ cik ngaai wak amuje o̱o̱tti̱ kar ki̱mi̱cce̱ nogo, a̱i̱c ngaai ne̱ke̱ mu̱nye̱na̱, kar koronggit kaal cik gerzek irez zi̱nze̱tti̱ cigge̱k,

Je̱mi̱s 1:25

Imma e̱e̱ti̱ ci aziye lo̱ti̱nno̱k wak Ta̱mu̱ta̱dde̱no̱ aanyet ku̱tu̱gu̱z kaal labak ci iróng ko̱ngo̱o̱li̱ne̱ gi̱i̱ imma, kar kuzute lo̱ti̱nno̱k ne̱ke̱, iróng erehek lo̱ti̱nno̱wa̱ balik izik enne ke̱, a̱mu̱yu̱k atin Ta̱mu̱ta̱dde̱n nonno kaale cik ogon enne do̱o̱k.

1 Peturu 2:16

Abaito zin labak, ma anyikku baiz ci abakku ko̱ kize baiz ci ogonnu kaal cik gerzek. Abarik zin a̱vvu̱t izet du̱cca̱k wak Ta̱mu̱ta̱dde̱no̱ wak een de̱de̱.

2 Peturu 2:19

A̱nne̱k nege ol ne, aavtiyyu atin labak, imma nege e̱e̱ggi̱n du̱cca̱k cik baiz ci gerze, eci ol cik diirik e̱e̱ggi̱n du̱cca̱k cik kaal wak uuta nogo o̱o̱tti̱.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.