Ga̱la̱ti̱a̱ 2:2 - Tennet

² Kokko rok orog neci eci Ta̱mu̱ta̱dde̱n i̱ye̱le̱ya̱ annit abunna ming kokko. Imma bali nginati, kurumtowa ki lo̱ddi̱ki̱re̱ cik ol wak a̱tu̱ Ye̱su̱ lo̱mu̱k, kar koobek nogo kaviyak cik abunna kiwagon kuwahek ol wak iróng een Ya̱u̱d do̱o̱k ko̱. Kogonni zoz necu niko ko̱ gerza ming amurya de̱mzi̱ne̱t necu.

Ga̱la̱ti̱a̱ 2:2 ပူးပေါင်းရင်းမြစ်များ

Ma̱te̱yo̱ 10:16

“Ki̱tto̱nnu̱ng anna i̱ge̱t kiwagon a̱zza̱ cik ajalik ol zari orgene ci u̱du̱ma̱nnu̱. Abunna ming egenyyu kiwagon uwat, abunna bo̱do̱k ming e̱e̱ggi̱nnu̱ gunune kiwagon lu̱be̱nya̱.

Buk wa To̱ni̱a̱u̱ 15:12

Ijjakte ol do̱o̱k li̱i̱m, ngati azzikne nege Pa̱u̱lo̱ ki Barnabas a̱du̱wa̱k nogo kaal cik a̱vu̱la̱ u̱tu̱gu̱we̱k Ta̱mu̱ta̱dde̱n ol cik iróng e̱e̱ggi̱n Ya̱u̱d li̱ngli̱ngo̱ne̱ ci u̱tu̱gu̱zzo̱ nege.

Buk wa To̱ni̱a̱u̱ 15:2

Utuburet Pa̱u̱lo̱ ki Barnabas nong oroot kar kadangto ki nogo. Atahaltta zin lo̱ddi̱ki̱re̱ cik ke̱le̱ci̱a̱k Pa̱u̱lo̱ ki Barnabas ki ol u̱gge̱ wak a̱tu̱we̱, kar ki̱tto̱nni̱t nogo koot rok Jerusalem, koot kicinnet to̱ni̱a̱k ki lo̱ddi̱ki̱re̱ zo̱ze̱ necu.

Buk wa To̱ni̱a̱u̱ 15:4

Baling i̱vi̱tta̱k Pa̱u̱lo̱ ki Barnabas Jerusalem, a̱gga̱mtta̱ zin ol cik ke̱le̱ci̱a̱k, to̱ni̱a̱k ki lo̱ddi̱ki̱re̱ nogo, kar zin ku̱du̱kta̱k nogo kaal do̱o̱k cik ogonik Ta̱mu̱ta̱dde̱n ol cik iróng e̱e̱ggi̱n Ya̱u̱d li̱ngli̱ngo̱ne̱ ci ogon nege.

Buk wa To̱ni̱a̱u̱ 18:9

Ozozek Manyi Pa̱u̱lo̱ ba̱a̱li̱n co̱de̱ o̱no̱zo̱we̱, a̱nne̱k ne, “Ma o̱ngo̱o̱le̱, zoz i̱nna̱ niko, ma ijakce li̱i̱m.

Buk wa To̱ni̱a̱u̱ 23:11

Imma bali ba̱a̱li̱n ci reng, ibil Manyi abanyce ci Pa̱u̱lo̱ kar kize ne, “Anyik zinin cunne kokkom! Ki i̱yo̱ko̱ baling iize i̱nna̱ bbacait Jerusalema ke̱, abunna zin la̱du̱n ming e̱e̱ni̱ bbacait Roma.”

Buk wa To̱ni̱a̱u̱ 5:34

Ma̱i̱je̱ da̱ Varacisoc ci een zara Gamaliel, ci een de̱me̱zo̱i̱t ci lo̱ti̱nno̱u̱, o̱ngo̱o̱le̱ gon ol nonno do̱o̱k, ingazi gon je̱e̱na̱ lo̱ki̱ka̱, kar kaanyik arrak to̱ni̱a̱k kiyoit koot reena do̱yo̱i̱t.

Roma 9:16

Iróng Ta̱mu̱ta̱dde̱n a̱mu̱yu̱k ol li̱ngli̱ngo̱nte̱ ci ogon nege, icima orong nege oroot, abarik enne u̱mu̱yu̱k ol wak orong zinin cinne eci enne e̱de̱te̱.

1 Ko̱ri̱nto̱ 1:23

abarik kuwaheka naga ol kaviyak cik ododine Ki̱ri̱sto̱ ta̱la̱ke̱ca̱: Een necu gi̱i̱ ci alam olli Ya̱u̱do̱, okko ngati olli Gi̱ri̱yo̱, een tarbalzet.

1 Ko̱ri̱nto̱ 2:2

De̱de̱, baling ngen kaavtte ki i̱ge̱ta̱, kozozi zoz ci obod ki Ye̱su̱ Ki̱ri̱sto̱ do̱ niko, zoz ci ododike ol nonno ta̱la̱ke̱c.

1 Ko̱ri̱nto̱ 9:24

A̱gga̱yyu̱ niga ming ovvo ol a̱vi̱ri̱, a̱vi̱r ol do̱o̱k, okko zin e̱e̱ti̱ co̱de̱ ijar ol do̱o̱k. Imma zin bu̱k go̱o̱le̱ necu abunna ming a̱vi̱ri̱ kar ize oo kar ruba muci.

1 Ko̱ri̱nto̱ 9:26

I̱yo̱ko̱ zin, iróng anna ka̱vi̱ri̱ ki i̱yo̱ko̱ e̱e̱ti̱ ci diiri ci a̱vi̱r gaganiko; iróng anna Pa̱u̱lo̱ kogonni ki e̱e̱ti̱ ci ogon kaal cik een kaalakreng.

2 Ko̱ri̱nto̱ 12:1

Anycang kodong ele. I̱llo̱i̱ gi̱i̱ imma ci kar kuruba ngatu, kodongi ele kaale cik kicina i̱ye̱le̱ka̱ Manyi o̱no̱zo̱we̱.

Ga̱la̱ti̱a̱ 1:12

Amire ki e̱e̱t ci diiri ci edemzeka annit kaviyak ne̱ko̱, abarik Ye̱su̱ Ki̱ri̱sto̱ ci aanya kaviyak ne̱ko̱.

Ga̱la̱ti̱a̱ 1:16

kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu.

Ga̱la̱ti̱a̱ 1:6

Ka̱ku̱le̱i̱ je̱e̱n zo̱ze̱ cunno̱ng eci utuburtu zoz ci Ta̱mu̱ta̱dde̱no̱ ataman, nonno ci a̱a̱nyu̱ng baiz ci abakku eezete ci Ki̱ri̱sto̱. Kanyaktaung ba̱li̱ye̱ kaviyak cik Ye̱su̱ abunna, abarik a̱tu̱yyu̱ kaviyak cik aavtte do̱ adarnannu kaviyak cik abunna Manyoni.

Ga̱la̱ti̱a̱ 2:6

Imma Jerusalema, anyak alaat wak riilik Ce̱e̱ze̱ wa Ta̱mu̱ta̱dde̱no̱, i̱llo̱i̱ wo̱ye̱ gi̱i̱ imma ci otornik nege de̱mzi̱ne̱t cinanni ko̱, eci ol do̱o̱k atubo ngu̱me̱ ci Ta̱mu̱ta̱dde̱no̱.

Ga̱la̱ti̱a̱ 2:9

Elemit ciko Je̱mi̱s ki Peturu ki Jon wak abile ke̱le̱ci̱a̱ kizeto lolanya cik ke̱le̱ci̱a̱k, elemtta arizet ci kuwaheke anna ol kaviyak wak aanya Ta̱mu̱ta̱dde̱n. Kar zin nege kelemtait annit ki Barnabas kizetta ol cik ka̱li̱ngli̱ngnya̱ bu̱k. A̱nne̱kke̱t ne, “Uwakttek ol wak iróng een Ya̱u̱d kaviyak cik Ye̱su̱, ovvo nege uwahek olli Ya̱u̱do̱ kaviyak ne̱ke̱ bu̱k.”

Ga̱la̱ti̱a̱ 5:7

Azunnu ba̱li̱ye̱ niga zoz ci Ye̱su̱ ju̱rru̱m, nya ci uhu o̱o̱tti̱ cuggo̱k bak odotekku zoz ci een de̱de̱ lo̱o̱c?

Vilipia 2:16

Ki i̱yo̱ko̱ ming anyikku niga ol kaviyak cik abunna anyaha zoz ci rugeto, kar atin ming okko Ki̱ri̱sto̱ oboda, katalne atin anna zo̱ze̱ cunno̱ng oroot. Kar anna ka̱gga̱ iróng li̱ngli̱ngo̱ni̱ cinanni okko ollin.

Vilipia 2:29

I̱va̱tta̱ nonno ju̱rru̱m kiwagon gotoneti ci aave zo̱ze̱ ci Ki̱ri̱sto̱, u̱tu̱gu̱z nonno kiwagon e̱e̱ti̱ ci a̱tu̱ zoz ci Manyi.

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.