Ga̱la̱ti̱a̱ 1:4 - Tennet

⁴ A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 1:4 ပူးပေါင်းရင်းမြစ်များ

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 26:28

eci e̱e̱ggi̱n ne̱ko̱ bi̱ye̱ cigannik olomo ci Ta̱mu̱ta̱dde̱no̱ ki ol ciginnek. A̱vvu̱ bi̱ye̱ta̱ ne̱ko̱ abunna aara ol cik meelek mu̱nye̱n.

Ma̱te̱yo̱ 26:42

Utungek bo̱do̱k nogo kar kuk kala Ta̱mu̱ta̱dde̱n, azi ne, “Baba! Ming iróng i̱nna̱ aara uduc ci piryanzeto ngatinanni, tu̱gu̱ ki ci orongi i̱nna̱.”

Ma̱te̱yo̱ 6:9

“Gool zin ci kar niga alaye Ta̱mu̱ta̱dde̱n icu: “‘Be̱e̱ti̱nna̱ng wa aave ta̱mu̱-kenga, anyik zar cigunnek ki̱li̱le̱c,

Marko 10:45

Eci Ngerrti E̱e̱to̱ iróng a̱kku̱ kar ol ki̱li̱ngli̱ngte̱k nonno, abarik a̱li̱ngli̱nge̱k enne ol, kar kaanyik ele cinne kize wawac ci ol cik meelek.”

Lu̱ka̱ 22:19

Idima zin enne umune aanyik Ta̱mu̱ta̱dde̱n zany kar kubunyan, kar zin kaanyik nogo, izek ne, “Een necu ele cinanni anyonikkung i̱ge̱ta̱; u̱tu̱gu̱z gon niko kar abunna ming aadanang.”

Lu̱ka̱ 22:42

“Baba, ming elemi i̱nna̱, dima uduc ci piryanzeto ko̱ ngatinanni; iróng zoz cinanni abarik aanyik zoz cunne ku̱tu̱gu̱we̱.”

Kaviyak wak Abunna Ta̱mu̱ta̱dde̱no̱ eher Joni 10:11

Emena Ye̱su̱ zoza dee kar zin kize ne, “Ke̱e̱ni̱ anna tuwayoit wa kabunna. A̱da̱i̱ tuwayoiti ci abunna zo̱ze̱ ci eeza ciginnek.

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 5:30

Iróng wo̱ye̱ anna kogonni gi̱i̱ imma do̱ komize cinanni, kettedike e̱e̱t lo̱ki̱ko̱ ming kiziya zoz ngati Baba. Kettedi lo̱ki̱ko̱ cinanni ju̱rru̱m. Iróng kogonni gi̱i̱ ci orong zinin cinanni, abarik kogonni gi̱i̱ ci orong e̱e̱ti̱ bali i̱tto̱na̱na̱ ke̱.

Kaviyak wak Abunna Ta̱mu̱ta̱dde̱no̱ eher Joni 6:38

Ka̱kku̱ni̱ la̱du̱n ta̱mu̱-kenga iróng kokko kogonni gi̱i̱ ci korongi anna, abarik kokko kogonni gi̱i̱ ci orong Baatanni bali i̱tto̱na̱na̱ ke̱.

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 8:27

A̱gga̱ Ta̱mu̱ta̱dde̱n kaal cik ki̱no̱n naga do̱o̱k, a̱gga̱ bo̱do̱k zoz ci a̱du̱wa̱ Vongizi, eci Vongizi alawek ol cik Ta̱mu̱ta̱dde̱no̱ go̱o̱le̱ ci orong Manyi.

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

1 Ko̱ri̱nto̱ 15:3

Eci zoz ci ka̱gga̱ma̱ anna ngati Ki̱ri̱sto̱, ka̱du̱wa̱kku̱ng anna i̱ge̱t bu̱k zoz ci riili zo̱ze̱ neci. A̱da̱i̱ Ki̱ri̱sto̱ zo̱ze̱ ci mu̱nye̱n cigga̱c, ki ming e̱he̱rye̱ Warage ci Ta̱mu̱ta̱dde̱no̱,

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Ga̱la̱ti̱a̱ 6:14

Imma ngatinanni, iróng anna kodongi ele gi̱i̱ye̱ emani, daiz ci Manyi Ye̱su̱ Ki̱ri̱sto̱ keete wa een ta̱la̱ke̱c do̱ niko ci ka̱gga̱. Eci zo̱ze̱ ci a̱da̱kne̱ enne keete wa een ta̱la̱ke̱c, iditai zin zoz ci irez zinin cinanne, kar bo̱do̱k zoz ci lo̱o̱tu̱ kiditai ngatinanni.

Evesos 1:11

Ogone kaala do̱o̱k go̱o̱le̱ wa i̱no̱n Ta̱mu̱ta̱dde̱n, zoz ci ahalane enne Ye̱su̱, kar enne katahalait agit bu̱k, aanyik enne kaal do̱o̱k ku̱tu̱gu̱zze̱ go̱o̱le̱ ci orong enne.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 5:16

Ming amudannu gool ci ogonnu kaal cik abunna, u̱tu̱gu̱z e̱co̱de̱ niko, eci i̱i̱nya̱ ne̱ko̱ izeto gerze.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

Evesos 6:12

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

Vilipia 4:20

Kinnatit Ta̱mu̱ta̱dde̱n Be̱e̱ti̱nna̱ udut. Nonno nenen.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

1 Te̱se̱lo̱ni̱ka̱ 3:11

Kala Ta̱mu̱ta̱dde̱n wa een Be̱e̱ti̱nna̱ ele ki Manyi Ye̱su̱ kidiman gool kubunna kar naga ki̱vi̱ta̱ ki̱vo̱nttu̱ng.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

1 Ti̱mo̱te̱yo̱ 2:6

ci aanyik zin enne ele cinne kize wawac, ku̱ru̱we̱ ka̱da̱k kar kaara ol mu̱nye̱n, a̱kku̱ zoz necu go̱o̱le̱ ci orong Ta̱mu̱ta̱dde̱n.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 2:5

Ngen Ta̱mu̱ta̱dde̱n ku̱du̱wa̱k i̱i̱te̱n imma anjilonya ciginnek zoz ci ovvo atin nege abale lo̱o̱c ci een jor, ci kozoz naga zoz cinne ko̱.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

Je̱mi̱s 4:4

Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.

1 Peturu 2:24

Atala Ye̱su̱ mu̱nye̱n cigga̱c. Odode ba̱li̱ye̱ enne keete wa een ta̱la̱ke̱c kar naga abunna ming kunnek mu̱nye̱n lo̱o̱c kar ka̱vvu̱t baize ci abunna. I̱di̱lle̱t enne agit ngodocete wak balik a̱ru̱we̱ ol nonno ke̱.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 2:2

Ogon enne ki wawaci mu̱nye̱ne̱ cigga̱c. Iróng een wawac cinna do̱, abarik nonno ci een wawac ci olli lo̱o̱tu̱ do̱o̱k.

1 Jon 3:16

Gool zin ci ka̱gga̱we̱ naga rezinet ci een de̱de̱ ko̱ necu: A̱da̱i̱ Ye̱su̱ Ki̱ri̱sto̱ zo̱ze̱ cinna. Abunna zin naga bu̱k baize cinna ming ka̱da̱i̱ zo̱ze̱ ci gotonogget ki ngonogget tu̱we̱nta̱.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.

O̱no̱zzo̱k 7:9

Imma baling edeccai zoz necu, kicina ngu̱me̱ cinanni koole ci a̱ppwe̱ oroot iróng wo̱ye̱ e̱e̱ti̱ imma a̱gi̱li̱, a̱vvu̱ lo̱o̱co̱we̱ do̱o̱k, booryyok do̱o̱k, ki ol cik ozoz u̱tu̱ge̱tti̱ cik aavtte do̱ do̱, abile nege lecera ojonun ngu̱me̱ ci Nyoono. Aim nege do̱o̱k ru̱u̱ma̱ni̱ cik voorik, a̱gga̱m eetele azzine cigge̱k.