Evesos 6:5 - Tennet

⁵ Niga du̱cca̱ha̱, o̱to̱ngo̱o̱ltte̱ ddi̱ki̱ryyo̱k cuggo̱k lo̱o̱ta̱ ngatu. Abunna ming a̱li̱ngli̱nge̱kku̱ nogo zi̱nze̱tti̱nne̱ cik alali ki i̱yo̱ko̱ ming a̱li̱ngli̱nge̱kku̱ niga Ki̱ri̱sto̱ ko̱.

Evesos 6:5 ပူးပေါင်းရင်းမြစ်များ

Kananet 16:9

Iizek zin anjilo ci Manyi nonno ne, “Mi̱re̱ bit ngati ddi̱ki̱ryo̱i̱t cunne kar abunna ming o̱ngo̱o̱le̱ nonno.”

Ma̱te̱yo̱ 6:22

“Een e̱be̱re̱ci̱ urez ci eliyo. Ming abunna ebere cigunnek acine do̱o̱k, okko atin ele cunne do̱o̱k anyak tukulec.

Ma̱te̱yo̱ 6:24

“Iróng zin e̱e̱ti̱ co̱de̱ a̱li̱ngli̱nge̱k ol rama lak co̱de̱. Ogon ki i̱yo̱ko̱, icima abure co̱de̱ kar kirez co̱de̱. Arike wo̱ye̱ enne co̱de̱ zinin, kar kebezbezan co̱de̱. Iróng wo̱ye̱ niga a̱li̱ngli̱ngnyu̱ kaal rama, Ta̱mu̱ta̱dde̱n ki zoz ci o̱ro̱bi̱ya̱u̱.

Ma̱te̱yo̱ 8:9

Kanyai anna aciir cik a̱ddi̱ki̱re̱ ngatinanni, anyak bo̱do̱k aciir cik ka̱ddi̱ki̱rne̱ anna nogo. Ming ka̱nne̱k co̱de̱ ne, ‘Bito,’ okko enne de̱de̱. Ka̱nne̱k bo̱do̱k co̱de̱ ne, ‘I̱jja̱,’ a̱kku̱ zin. Ka̱nne̱i̱ du̱ca̱i̱t cinanni ‘Tu̱gu̱ gi̱i̱ cu,’ ogon enne de̱de̱.”

Buk wa To̱ni̱a̱u̱ 2:46

Alute nege odohize reene ci Ce̱e̱z wa Ta̱mu̱ta̱dde̱no̱, kar zin kozolit da̱i̱ne̱t ce̱e̱zi̱nne̱, adakce talninta, zi̱nze̱tti̱nne̱ cik abunna,

Roma 9:3

Korongi wo̱ye̱ anna Ta̱mu̱ta̱dde̱n kotoran kar kengertowa ki Ki̱ri̱sto̱, ming een annit ci kalami ol cigannik Israilo ngati arubane ti̱ri̱ze̱ne̱t ci Ki̱ri̱sto̱. Aburka atin Ta̱mu̱ta̱dde̱n nogo kizeto dooli ciginnek; een di̱ngdi̱nga̱ni̱ne̱t ci Ta̱mu̱ta̱dde̱no̱ cinne̱ng, ki olom ci ogon Ta̱mu̱ta̱dde̱n ki e̱e̱t ci diiri, ki lo̱ti̱nno̱k balik eher Musesi, ki Ce̱e̱z wa Ta̱mu̱ta̱dde̱no̱ zoz ci u̱du̱wa̱ Ta̱mu̱ta̱dde̱n.

1 Ko̱ri̱nto̱ 2:3

Imma arrak bali oowa, ka̱kku̱na̱ku̱ng ke̱e̱ni̱ e̱e̱t ci kamuji ka̱bba̱ri̱ti̱ ko̱ngo̱o̱le̱ oroot.

1 Ko̱ri̱nto̱ 7:22

Eci e̱e̱ti̱ bali awu Manyi baling ngen enne een du̱ca̱i̱t ko̱, ize e̱e̱t ci abak labak i̱llo̱i̱ mu̱nye̱n; ogon bo̱do̱k niko, okko e̱e̱ti̱ ci iróng een du̱ca̱i̱t ko̱ baling awu Manyi nonno, ize enne du̱ca̱i̱t ci Ki̱ri̱sto̱.

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 7:15

I̱yo̱ko̱, atalne Ti̱to̱ oroot eci u̱tu̱gu̱zzu̱ gi̱i̱ ci orongnyung enne abunna ming ogonnu. Atalne bo̱do̱k eci i̱ti̱ri̱zttu̱ niga nonno ba̱li̱ye̱ ju̱rru̱m. Ming okko enne i̱no̱n zoz neci, irezzung oroot.

Evesos 5:22

Ngaai, iziyyet macwa cuggo̱k ki i̱yo̱ko̱ ming aziknnu niga Manyi Ki̱ri̱sto̱ ko̱.

Evesos 6:24

Anyik Ta̱mu̱ta̱dde̱n kanyik deten ol do̱o̱k wak irez Manyitinna Ye̱su̱ Ki̱ri̱sto̱ rezinte ci iróng a̱da̱i̱.

Vilipia 2:12

Gonogga wak zinino, gon ba̱li̱ye̱ ming kaavtte ki i̱ge̱t ojonun, o̱ngo̱o̱li̱nnu̱ niga Ta̱mu̱ta̱dde̱n odohize. I̱yo̱ko̱ zin kaave anna reena, abunna zin ming o̱ngo̱o̱li̱nnu̱ oroot. Abait zin go̱o̱le̱ ci amudannu niga ti̱ri̱ze̱ne̱t ko̱ ngo̱li̱nta̱ ki baritona,

Vilomene 1:16

Iróng zin enne ngen abak ki ba̱li̱ye̱ du̱ca̱i̱ti̱ icima la̱ngi̱ze̱nti̱ ko̱, abarik ize e̱e̱t ci ce̱e̱zu̱ gotonet tu̱we̱nta̱ ngati Manyi.

1 Peturu 3:2

Eci nege ovvo acinna baiz cunno̱ng ci o̱ngo̱o̱li̱nnu̱ niga Ta̱mu̱ta̱dde̱n ki baiz ci abakku niga caale paz ko̱.