Evesos 6:20 - Tennet

²⁰ Eci ke̱e̱ni̱ zin anna to̱na̱i̱t ci kar kuwahek ol kaviyak cik Ta̱mu̱ta̱dde̱no̱ abunna, ming kecebje nu̱nu̱n ko̱. Alayeang Ta̱mu̱ta̱dde̱n kar kuwahek ol zoz ci Ta̱mu̱ta̱dde̱no̱ mazeta labak.

Evesos 6:20 ပူးပေါင်းရင်းမြစ်များ

Buk wa To̱ni̱a̱u̱ 21:33

I̱ki̱ya̱ ddi̱ki̱ryo̱i̱ti̱ wa a̱ddi̱ki̱re̱ eceb Pa̱u̱lo̱ kar zin enne ku̱du̱wa̱k ol kecebit nonno diditai cik e̱e̱ggi̱n rama. Kar zin enne ki̱jji̱no̱, een enne ngene, u̱tu̱gu̱ enne nyaa?

Buk wa To̱ni̱a̱u̱ 26:29

Iizek Pa̱u̱lo̱ nonno ne, “Ma̱i̱je̱ nu̱nu̱n ming een i̱i̱te̱n co̱de̱ icima i̱i̱nya̱ cik meelek, kalaweki i̱nne̱t ki ol cik azikna ko̱ do̱o̱k Ta̱mu̱ta̱dde̱n kar kizeto Kiristian ki i̱yo̱ko̱ anna ko̱, iróng korongi ming e̱ce̱bje̱ nege lagama.”

Buk wa To̱ni̱a̱u̱ 28:20

Eci zo̱ze̱ necu, korongi anna kurumto ki i̱ge̱t kar kozoziung ko̱ nenen necu. Kecebje anna zo̱ze̱ ci arike olli Israilo do̱o̱k zi̱nze̱tti̱ cigge̱k.”

Buk wa To̱ni̱a̱u̱ 28:31

Uwahek Pa̱u̱lo̱ ol ba̱a̱li̱ne̱t ci Ta̱mu̱ta̱dde̱no̱ ngati iróng o̱ngo̱o̱li̱nne̱ zoz imma, kar bo̱do̱k kedemez zoz ci obod ki Manyi Ye̱su̱ Ki̱ri̱sto̱.

Buk wa To̱ni̱a̱u̱ 5:29

O̱bo̱dde̱k Peturu ki to̱ni̱a̱k u̱gge̱, “Abunna la̱du̱n ming ko̱ngo̱o̱le̱ Ta̱mu̱ta̱dde̱n kommog e̱e̱t ci diiri.

2 Ko̱ri̱nto̱ 3:12

Ki i̱yo̱ko̱ karike naga zi̱nze̱tti̱ zoz ci kedemez ko̱, iróng naga ko̱ngo̱o̱li̱na̱ gi̱i̱ imma.

2 Ko̱ri̱nto̱ 5:20

Ke̱e̱ggi̱nna̱ naga ol cik ka̱li̱ngli̱nge̱kka̱ Ki̱ri̱sto̱ lo̱o̱ta̱ ngatu. Ming kuwahekka ol kaviyak cik Ki̱ri̱sto̱, Ta̱mu̱ta̱dde̱n ele ci anyike ol kiziyet zoz cinna̱ng. Kilalekkung zin anna i̱ge̱t de̱de̱ zo̱ze̱ ci Ki̱ri̱sto̱, abunna ming anyakku gano ki Ta̱mu̱ta̱dde̱n.

Evesos 3:1

Ku̱tu̱gu̱ anna Pa̱u̱lo̱ ki e̱e̱ti̱ ci kecebje, eci atahala Ye̱su̱ Ki̱ri̱sto̱ annit abunna ming keela ol cik iróng een Ya̱u̱d kuwahek nogo zoz ci Ta̱mu̱ta̱dde̱no̱.

Evesos 4:1

Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.

Evesos 6:19

Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Vilipia 1:20

Gi̱i̱ zin ci korongi anna oroot ko̱ icu, karike zinin oroot, kar zin iróng adaka a̱li̱ya̱ni̱, abarik kanyai komiz ci kanime zoz, kar zoz ci Ki̱ri̱sto̱ ki̱di̱ngdi̱nga̱ne̱ eliye cinanni, go̱o̱le̱ ci ngen anna karugi icima ka̱da̱ha̱.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

Kolosiya 4:3

Kar alayettu agit bu̱k Ta̱mu̱ta̱dde̱n, kar enne koowet gool ci kuwaheka ol kaviyak cik abunna, kar ku̱du̱kta̱k ol zoz ci Ye̱su̱ Ki̱ri̱sto̱ bali a̱lu̱gnye̱ ke̱. Kecebje zin anna lagama zo̱ze̱ necu.

Kolosiya 4:4

Alayeang Ta̱mu̱ta̱dde̱n kar anna kuwahek ol kaviyak ciginnek ju̱rru̱m ki ming ka̱du̱wa̱ anna de̱de̱.

1 Te̱se̱lo̱ni̱ka̱ 2:2

A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

2 Ti̱mo̱te̱yo̱ 1:16

Anyik Manyi ka̱mu̱yu̱k ce̱e̱z ci Onesiphorus, ma̱rri̱t ba̱li̱ye̱ ozozikan, iróng enne anyak a̱li̱ya̱n zo̱ze̱ ci kecebine anna lagama ko̱.

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

Vilomene 1:10

Kilaleki anna i̱nne̱t zo̱ze̱ ci Onesimosi ci ngen een do̱le̱c, ize enne ngeranni tu̱we̱nta̱ baling ngen kecebje lagama.

Vilomene 1:9

Abarik kilaleki rezinta, anna Pa̱u̱lo̱ e̱e̱ti̱ ci a̱ddi̱ki̱re̱. I̱yo̱ko̱ kecebje zo̱ze̱ ci kuwahek ol kaviyak cik Ye̱su̱ Ki̱ri̱sto̱.

1 Jon 3:16

Gool zin ci ka̱gga̱we̱ naga rezinet ci een de̱de̱ ko̱ necu: A̱da̱i̱ Ye̱su̱ Ki̱ri̱sto̱ zo̱ze̱ cinna. Abunna zin naga bu̱k baize cinna ming ka̱da̱i̱ zo̱ze̱ ci gotonogget ki ngonogget tu̱we̱nta̱.

Ju̱da̱ 1:3

Gotonogga ki ngonogga wak zinino, korongi anna de̱de̱ ketehereung zoz ci obod ki ti̱ri̱ze̱ne̱t ci Ta̱mu̱ta̱dde̱no̱ kozol naga ko̱, abarik korongi ketehereung kilalekkung abunna ming keleno ki tu̱we̱ne̱t ci a̱kku̱ lak co̱de̱ ko̱, aanyik Manyi ol wak a̱tu̱we̱ ko̱.