Evesos 6:19 - Tennet

¹⁹ Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Evesos 6:19 ပူးပေါင်းရင်းမြစ်များ

Buk wa To̱ni̱a̱u̱ 13:46

O̱bo̱dde̱k zin bo̱do̱k Pa̱u̱lo̱ ki Barnabas mazeta: Korongnya arrak naga ku̱du̱ktta̱u̱ng i̱ge̱t zoz ci Ta̱mu̱ta̱dde̱no̱. Ma i̱yo̱ko̱ ming aburnnu ko̱, i̱ye̱la̱ zoz necu azi ne, iróng niga orongnyu baiz wa aave udut, kovvo zin naga kuwaheka ol cik iróng e̱e̱ggi̱n Ya̱u̱d.

Buk wa To̱ni̱a̱u̱ 14:3

A̱vvu̱to̱ Pa̱u̱lo̱ ki Barnabas nginati i̱i̱nya̱ cik meelek, uwahek nege ol zoz ci Manyi Ye̱su̱, aanyik enne nogo ku̱tu̱gu̱zzo̱ kaal cik a̱vu̱la̱ meelek giir, i̱ye̱la̱ necu een kaviyaha ciginnek de̱de̱.

Buk wa To̱ni̱a̱u̱ 18:26

Ozoz gon enne kokkom oo Ce̱e̱ze̱ wa Lawinto. Baling iziyyet Priscilla ki Akuila zoz cinne, u̱tu̱yya̱ nonno ce̱e̱z cinne̱ng kar koobtek nonno gool ci Ta̱mu̱ta̱dde̱no̱ ju̱rru̱m.

Buk wa To̱ni̱a̱u̱ 19:8

I̱tto̱ Pa̱u̱lo̱ Ce̱e̱z wa Lawinto kar kuwahek ol zoz ci Ta̱mu̱ta̱dde̱no̱ kokkom oo kak nyelowi i̱i̱yo̱, a̱du̱wa̱k ol zoz ci obod ki ba̱a̱li̱ne̱t ci Ta̱mu̱ta̱dde̱no̱.

Buk wa To̱ni̱a̱u̱ 2:4

Iddera Vongizi ci A̱li̱le̱ ko̱ nogo do̱o̱k kar zin nege kozozit u̱tu̱ge̱tti̱ne̱ cik aavtte do̱ do̱ ki i̱yo̱ko̱ ming aanyik Vongizi nogo komiz ci ozoze nege ko̱.

Buk wa To̱ni̱a̱u̱ 28:31

Uwahek Pa̱u̱lo̱ ol ba̱a̱li̱ne̱t ci Ta̱mu̱ta̱dde̱no̱ ngati iróng o̱ngo̱o̱li̱nne̱ zoz imma, kar bo̱do̱k kedemez zoz ci obod ki Manyi Ye̱su̱ Ki̱ri̱sto̱.

Buk wa To̱ni̱a̱u̱ 4:13

Ma baling icinnet nege Peturu ki Jon ming ngen keteherto, ol cik labak, a̱gga̱c zin nege ming a̱vvu̱to̱ ol ne̱ko̱ ba̱li̱ye̱ ki Ye̱su̱.

Buk wa To̱ni̱a̱u̱ 4:29

I̱yo̱ko̱, Manyi cin zoz cinne̱ng gerze i̱no̱n nege orong ku̱tu̱gu̱ze̱ta̱, kar anyik du̱cca̱k cigunnek kozozit zoz cunne ngati iróng o̱ngo̱o̱li̱nne̱.

Buk wa To̱ni̱a̱u̱ 4:31

Baling alayo nege, otomowe ce̱e̱z bali arumene nege ke̱. Kar Vongizi ci A̱li̱le̱ ki̱ta̱k nogo do̱o̱k kar zin nege kozozit zoz ci Ta̱mu̱ta̱dde̱n mazeta.

Buk wa To̱ni̱a̱u̱ 9:27

Uwe zin Barnabasi nonno kar kanyahak nuyak. U̱du̱wa̱k Barnabasi nogo gool bali acine Sauli Manyi ngati enne erone ke̱, kar bo̱do̱k Manyi kozozek nonno, ki uwai bali uwahe enne zare cik Ye̱su̱ Damascusa ngati iróng o̱ngo̱o̱li̱nne̱ gi̱i̱ imma.

Buk wa To̱ni̱a̱u̱ 9:29

Ozozo kar bo̱do̱k kadangto ki Ya̱u̱d wak a̱gga̱ zoz ci Gi̱ri̱yo̱, orongit zin ku̱ru̱we̱t nonno.

Roma 15:30

Gotonogga ki ngonogga tu̱we̱nta̱, kilalekkung zare cik Manyitinna Ye̱su̱ Ki̱ri̱sto̱ ki bo̱do̱k rezinte wa a̱kku̱ Vongize ci A̱li̱le̱, abunna ming kozol piryanzet cinanni ki i̱ge̱ta̱, ngati gon alawekkang Ta̱mu̱ta̱dde̱n.

Roma 16:25

Abunna kinnat Ta̱mu̱ta̱dde̱n kanyike zany, eci anyak enne komiz ci anyike zi̱nze̱tti̱ cuggo̱k kodoit tu̱we̱nte̱ ci kaviyak cik abunna, obod ki Ye̱su̱ Ki̱ri̱sto̱, zo̱ze̱ wa een de̱de̱ bali a̱lu̱gnye̱, ngen e̱e̱ti̱ imma ka̱gga̱ ngati bali akanane looci bu̱u̱llo̱we̱ balik reentik abak udut ke̱.

1 Ko̱ri̱nto̱ 1:5

Eci ngatinne izetu niga do̱o̱k ol cik a̱gga̱yyu̱ zoz cinne ngati ozozu ki bo̱do̱k ke̱bi̱nta̱,

1 Ko̱ri̱nto̱ 2:7

I̱llo̱i̱, imma genyizi ci kozoz ko̱, een genyiz ci Ta̱mu̱ta̱dde̱no̱ bali arrak a̱lu̱gnye̱ ke̱, orong Ta̱mu̱ta̱dde̱n kaanyik ol cik diirik kize ci a̱di̱ngdi̱nga̱n Ta̱mu̱ta̱dde̱n nogo baling ngen enne kakate teheenyinet lo̱o̱c.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

2 Ko̱ri̱nto̱ 1:11

ki i̱yo̱ko̱ ming eelannetu niga ngati alawakket Ta̱mu̱ta̱dde̱n. Ovvo atin ol cik meelek anyike Ta̱mu̱ta̱dde̱n zany zo̱ze̱ ci lawinet cunno̱ng ngatinna̱ng.

2 Ko̱ri̱nto̱ 3:12

Ki i̱yo̱ko̱ karike naga zi̱nze̱tti̱ zoz ci kedemez ko̱, iróng naga ko̱ngo̱o̱li̱na̱ gi̱i̱ imma.

2 Ko̱ri̱nto̱ 6:11

Eehi, olli Ko̱ri̱nto̱ wak a̱tu̱we̱, ka̱du̱wa̱kku̱ng zoz ci een de̱de̱. Ku̱du̱ktta̱u̱ng de̱de̱ zoz ci kanyakka zi̱nze̱tti̱nne̱, katalnnung oroot.

2 Ko̱ri̱nto̱ 7:4

Karikku̱ng anna i̱ge̱t zinin oroot. Ke̱e̱ni̱ bo̱to̱ro̱c zo̱ze̱ cunno̱ng, imma no̱ngi̱tto̱ne̱ cik karuba kar kinim ko̱, katalne oroot.

2 Ko̱ri̱nto̱ 8:7

Ogonnu niga ju̱rru̱m kaale cik meelek. Anyakku tu̱we̱ne̱t ci okkomi. Anyakku ol cik uwak ju̱rru̱m, i̱i̱rke̱nnu̱, kar irezettu niga agita oroot. I̱yo̱ko̱, abunna ming i̱i̱rke̱nnu̱ ommogit ol do̱o̱k.

Evesos 1:9

I̱ye̱le̱kke̱t enne talninta gi̱i̱ bali a̱lu̱gu̱ny enne zinina la̱du̱n ke̱. Orong enne la̱du̱n gi̱i̱ neci kar ki̱ki̱ya̱ ku̱tu̱gu̱we̱ ngati Ki̱ri̱sto̱.

Evesos 3:9

Ta̱mu̱ta̱dde̱n ci eenyca kaal do̱o̱k, orongnya zin enne annit ki̱li̱ngli̱ng zoz cinne kar keela ol do̱o̱k ka̱gga̱c zoz bali ninne a̱lu̱gnye̱ ke̱.

Kolosiya 2:2

Korongi anna ki̱ti̱lo̱ nogo kokkomit zi̱nze̱tti̱ kar urumte nga̱to̱de̱ rezinta, kar zin anyait genyiz ci a̱gga̱yyu̱ zoz ju̱rru̱m, kar a̱gga̱c zoz ci Ta̱mu̱ta̱dde̱no̱ a̱lu̱gnye̱ ci een Ki̱ri̱sto̱ ele.

Kolosiya 4:3

Kar alayettu agit bu̱k Ta̱mu̱ta̱dde̱n, kar enne koowet gool ci kuwaheka ol kaviyak cik abunna, kar ku̱du̱kta̱k ol zoz ci Ye̱su̱ Ki̱ri̱sto̱ bali a̱lu̱gnye̱ ke̱. Kecebje zin anna lagama zo̱ze̱ necu.

1 Te̱se̱lo̱ni̱ka̱ 2:2

A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

1 Te̱se̱lo̱ni̱ka̱ 5:25

Gotonogget tu̱we̱nta̱, alayettu Ta̱mu̱ta̱dde̱n.

2 Te̱se̱lo̱ni̱ka̱ 3:1

Gotonogga wak tu̱we̱nto̱, korongnyung alayettu Ta̱mu̱ta̱dde̱n kar kanyik zoz wa Manyi kuzuca ol u̱gge̱ ataman, ki baling azucanung kar o̱to̱ngo̱o̱ltte̱ zoz cinne ke̱.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

Vilomene 1:22

Korongi ku̱du̱wa̱i̱ zoz co̱de̱, dimanika nginti e̱re̱nno̱u̱ ci kokko koonge, eci korongi ki̱vo̱ni̱n, izik Ta̱mu̱ta̱dde̱n lawinet cunne.

I̱bu̱ru̱ 13:18

Alayettu Ta̱mu̱ta̱dde̱n. Iróng naga ko̱ngo̱o̱le̱ gi̱i̱ imma, korongnyya odohize kabakta baiz ci abunna.