Evesos 6:18 - Tennet

¹⁸ Ma abilizzu lawinet Ta̱mu̱ta̱dde̱n. U̱tu̱gu̱z kaal ne̱ko̱ do̱o̱k ngati alaweku gonoggu wak a̱tu̱we̱ Ta̱mu̱ta̱dde̱n odohize doize ci Vongiz cinne kar enne keelaung.

Evesos 6:18 ပူးပေါင်းရင်းမြစ်များ

Ma̱te̱yo̱ 26:41

“Cinno kar la Ta̱mu̱ta̱dde̱n gerza ming i̱i̱na̱k timaninet. Elemi vongizi cunne, imma ele iróng uule.”

Marko 13:33

U̱zu̱tte̱ e̱le̱tti̱ ju̱rru̱m! Iróng niga a̱gga̱yyu̱ a̱kku̱ i̱i̱te̱ni̱ neci atinga.

Marko 14:38

Icinte kar alayo abunna iróng atimannung lo̱rye̱n. Orong vongizi, ma̱i̱je̱ ele iróng okkomi.”

Lu̱ka̱ 21:36

Abunna ming azunnu niga e̱le̱tti̱ ju̱rru̱m, kar alac Ta̱mu̱ta̱dde̱n kar ka̱a̱nyu̱ng gool ci alittu kaal cik atin a̱vvu̱na̱k lo̱o̱c ko̱, kar atin ibilet ngu̱me̱ ci Ngerrti E̱e̱to̱.”

Lu̱ka̱ 22:46

I̱jji̱n zin enne nogo, “Nya ming adungnu niga ko̱? Itingaz je̱e̱na̱, alac Ta̱mu̱ta̱dde̱n kar abunna iróng niga i̱nna̱kku̱ timaninet.”

Lu̱ka̱ 3:26

een Naggai ngerrti Maaz, okko Maazi een ngerrti Matatiyasi, okko Matatiyasi een ngerrti Semein, okko Semeini een ngerrti Josech, imma Josechi een ngerrti Joda,

Lu̱ka̱ 3:37

een Lamechi ngerrti Matasela, okko Matasela een ngerrti Enok, okko Enoki een ngerrti Jaredi, okko Jaredi een ngerrti Mahalalel, een Mahalaleli ngerrti Kainani,

Buk wa To̱ni̱a̱u̱ 1:14

I̱vi̱ta̱ zin nege alayo do̱o̱k nga̱to̱de̱ ki ngaai ki Ma̱ri̱ya̱ e̱e̱ti̱ Ye̱su̱ ki gotonoggi bu̱k.

Buk wa To̱ni̱a̱u̱ 10:2

Een Korneliosi ki ollinne do̱o̱k ol cik o̱ngo̱o̱le̱ Ta̱mu̱ta̱dde̱n, eela enne ol cik apirna kar gon kala Ta̱mu̱ta̱dde̱n odohize.

Buk wa To̱ni̱a̱u̱ 12:5

Baling ngen Peturu aave lagama, alawek olli ke̱le̱ci̱o̱ nonno Ta̱mu̱ta̱dde̱n oroot.

Buk wa To̱ni̱a̱u̱ 6:4

abunna naga kanyik e̱le̱tti̱ cigga̱c lawinet ki uwai zoz ci Ta̱mu̱ta̱dde̱no̱.”

Roma 12:12

Abunna ming atalninnu ngati arikku zi̱nze̱tti̱ Ta̱mu̱ta̱dde̱n. Ming apirnannu, inimet no̱ngi̱tto̱n, alayo odohize.

Roma 8:15

Iróng Vongizi ci Ta̱mu̱ta̱dde̱no̱ aanyyet kizet du̱cca̱k kar ko̱to̱ngo̱o̱ltte̱ lo̱ki̱ko̱ ci Ta̱mu̱ta̱dde̱no̱. Abarik Vongizi aanyyet kizet dooli ciginnek bak kawu Ta̱mu̱ta̱dde̱n kize Be̱e̱ti̱nna̱.

Ga̱la̱ti̱a̱ 4:6

I̱yo̱ko̱ zin, eci naga ke̱e̱ggi̱n dooli cik Ta̱mu̱ta̱dde̱no̱, i̱tto̱na̱ zin enne Vongiz wa Ngerinne ka̱vvu̱ zi̱nze̱tti̱nne̱ cigga̱c. Okko Vongizi neci aanyyet kutuwet Ta̱mu̱ta̱dde̱n kize, Be̱e̱ti̱nna̱.

Evesos 1:16

Imma zin zo̱ze̱ necu, kanyike gon anna Ta̱mu̱ta̱dde̱n zany odohize zo̱ze̱ cunno̱ng, ka̱a̱da̱nnu̱ng zin i̱ge̱t ngati kalawe Ta̱mu̱ta̱dde̱n odohize.

Evesos 2:22

E̱e̱ggi̱nnu̱ zin niga lo̱lo̱i̱t ci ce̱e̱z wa eteeheny Ye̱su̱ ko̱ kar Vongizi ci Ta̱mu̱ta̱dde̱no̱ kabahe.

Evesos 3:18

Kala Ta̱mu̱ta̱dde̱n kar niga ki ol ciginnek do̱o̱k anyait doiz ci a̱gga̱yyu̱ ju̱rru̱m rezinet ci Ki̱ri̱sto̱ wa a̱ddi̱ki̱re̱ adala lo̱o̱c veelek.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Evesos 6:19

Alayeang gon annit bu̱k Ta̱mu̱ta̱dde̱n kar kaanya enne annit ku̱du̱wa̱ zo̱zzo̱k cik abunna gwo̱o̱nya̱ do̱o̱k ngati kozoze, kar kuwahek mazeta ol do̱o̱k ke̱ngti̱ cik kaviyak cik abunna Ta̱mu̱ta̱dde̱no̱ bali arrak a̱lu̱gnye̱ ke̱.

Vilipia 1:4

Kala anna Ta̱mu̱ta̱dde̱n odohize talninta, ming kalaye zo̱ze̱ cunno̱ng do̱o̱k.

Vilipia 4:6

Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.

Kolosiya 1:3

Kanyikka odohize Ta̱mu̱ta̱dde̱n Be̱e̱ti̱ Manyitinna Ye̱su̱ Ki̱ri̱sto̱ zany zo̱ze̱ cunno̱ng ming kalayya nonno,

Kolosiya 1:4

eci kizikta naga tu̱we̱ne̱t ci anyakku ngati Ye̱su̱ Ki̱ri̱sto̱, ki rezinet ci irezzu niga ol cik Ta̱mu̱ta̱dde̱no̱ do̱o̱k.

Kolosiya 4:2

Aanycik e̱le̱tti̱ cuggo̱k ke̱me̱dda̱ lawinte ci Ta̱mu̱ta̱dde̱no̱, ming ovvo alawinu, u̱zu̱tte̱ e̱le̱tti̱ ju̱rru̱m kar aanycik nonno zany.

1 Te̱se̱lo̱ni̱ka̱ 5:17

alac Ta̱mu̱ta̱dde̱n odohize,

1 Ti̱mo̱te̱yo̱ 2:1

Korongnyung zin arrak oowa alayozik ol do̱o̱k kar keela Ta̱mu̱ta̱dde̱n, kar aanycik Ta̱mu̱ta̱dde̱n zany kaale wak ogonik enne nogo.

2 Ti̱mo̱te̱yo̱ 1:3

Kanyik zany Ta̱mu̱ta̱dde̱n wa ka̱li̱ngli̱nge̱k anna ko̱ zinine ci voori ki baling ogon ji̱ji̱ti̱ga̱nni̱k bu̱k. Kala gon Ta̱mu̱ta̱dde̱n tu̱p kaal ngati ka̱a̱da̱ni̱n.

Vilomene 1:5

eci anna kiziya tu̱we̱ne̱t ci a̱tu̱we̱ i̱nna̱ Manyi Ye̱su̱ ki rezinet ci ireze i̱nna̱ ol cik Ta̱mu̱ta̱dde̱no̱ do̱o̱k.

I̱bu̱ru̱ 5:7

Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

Ju̱da̱ 1:20

Imma niga gonogga wak zinino, abunna ming anyikku tu̱we̱ne̱t cunno̱ng a̱li̱le̱ ko̱ kuk ta̱dde̱na̱, kar alac Ta̱mu̱ta̱dde̱n Vongize ci A̱li̱le̱.