Evesos 6:17 - Tennet

¹⁷ A̱gga̱mi̱t ti̱ri̱ze̱ne̱t ci bali a̱ti̱ri̱zu̱ng Ta̱mu̱ta̱dde̱n ko̱ ju̱rru̱m, aanycik ti̱ri̱ze̱ne̱t neci ku̱tu̱gu̱ ki luluk ci ilau, imma illanya cuggo̱k oroonu ki lo̱rye̱ni̱t ko̱, aanycik kize zoz ci Ta̱mu̱ta̱dde̱no̱, kaviyak cik a̱vvu̱ Vongiza.

Evesos 6:17 ပူးပေါင်းရင်းမြစ်များ

Ma̱te̱yo̱ 4:4

O̱bo̱de̱k zin Ye̱su̱ nonno, “E̱he̱rye̱ Buwe ci Ta̱mu̱ta̱dde̱no̱ azi ne, ‘Iróng e̱e̱ti̱ ci diiri abak da̱i̱nte̱ do̱, abarik abak zo̱ze̱ wa u̱du̱wa̱ Ta̱mu̱ta̱dde̱n.’”

Ma̱te̱yo̱ 4:7

Abarizek Ye̱su̱ nonno bo̱do̱k azi “Bui ci Ta̱mu̱ta̱dde̱no̱ ne, ‘Ma atimani Manyi Ta̱mu̱ta̱dde̱n cunne.’”

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

1 Te̱se̱lo̱ni̱ka̱ 5:8

Imma naga ke̱e̱ggi̱n ol cik kogon kaal waz, abunna zin kanyak urutoit baiza, kar ki̱ti̱me̱t zoz ci tu̱we̱nto̱ ki rezinet, ogon ki i̱li̱b ci abil zi̱nze̱tti̱, ki zoz ci karike naga zi̱nze̱tti̱ aanyet ti̱ri̱ze̱ne̱t ki luluk ci abil oo illawa.

I̱bu̱ru̱ 4:12

Eci zoz ci Ta̱mu̱ta̱dde̱no̱ een ci abak udut kar bo̱do̱k ki̱li̱ngli̱ng udut. Leheda kommog illa wa lehedi abanyo do̱o̱k, i̱i̱zo̱ kenger zinin ki vongiz ci e̱e̱to̱ ecito. Etted zoz ci Ta̱mu̱ta̱dde̱no̱ zoz ki vongiz ci aave zinina ki zoz ci i̱no̱n e̱e̱ti̱.

O̱no̱zzo̱k 1:16

Anyak enne a̱tte̱ ci a̱zzo̱ munyuny turgerem, okko utuge cinne iyowa nya̱tu̱ba̱ti̱ ci lehedi oroot. Okko ngu̱m cinne alanyit oroot kiwagon koor ci tagizo.

O̱no̱zzo̱k 12:11

Ommogit nege lo̱rye̱ni̱t bi̱ye̱te̱ cik Nyoono ki zo̱ze̱ ci a̱du̱wa̱ nege; iróng nege irez e̱le̱tti̱ cigge̱k oroot abarik iróng ngen o̱ngo̱o̱le̱ daiz.

O̱no̱zzo̱k 19:15

Iyowa utuge cinne nya̱tu̱ba̱t ci lehedi kar ku̱ru̱we̱ enne ol cik lo̱o̱tu̱ veelek. “Abal atin enne nogo coole ci alaanzetu ci een zi̱i̱t.” Kar enne koroc ngin wagon amacane merte kar ki̱ye̱la̱ mozinet ci Ta̱mu̱ta̱dde̱no̱ wa A̱ddi̱ki̱re̱ anyak Komiz do̱o̱k.

O̱no̱zzo̱k 2:16

Ming iróng niga urtannu mu̱nye̱n cuggo̱k lo̱o̱c, ka̱kku̱ni̱ atin anna ataman kar ki̱ki̱ya̱ koyok ol ne̱ko̱ nya̱tu̱ba̱te̱ ci utuge cinanni ko̱.