Evesos 6:13 - Tennet

¹³ I̱yo̱ko̱ zin, a̱gga̱mi̱t i̱be̱n cik Ta̱mu̱ta̱dde̱no̱ kar inimet illa ci lo̱rye̱nto̱ ming i̱ki̱ya̱ i̱i̱te̱ni̱ neci. Akatek zo̱o̱ lo̱o̱c, i̱li̱ngli̱nge̱t kaal cik a̱a̱nyu̱ng Ta̱mu̱ta̱dde̱n do̱o̱k, kar ommogit lo̱rye̱ni̱t.

Evesos 6:13 ပူးပေါင်းရင်းမြစ်များ

Lu̱ka̱ 21:36

Abunna ming azunnu niga e̱le̱tti̱ ju̱rru̱m, kar alac Ta̱mu̱ta̱dde̱n kar ka̱a̱nyu̱ng gool ci alittu kaal cik atin a̱vvu̱na̱k lo̱o̱c ko̱, kar atin ibilet ngu̱me̱ ci Ngerrti E̱e̱to̱.”

Lu̱ka̱ 8:13

Imma i̱nyo̱mo̱na̱ ne̱k i̱i̱na̱k biyen ko̱, ogon nege ki ol wak a̱gga̱ma̱ zoz talninta ming ovvo nege aziye, ma̱i̱je̱ ngatu iróng nege anyak egero. A̱tu̱we̱ arrak nege do̱yo̱i̱t, imma i̱i̱te̱n ci amuda nege timaninet, utungtek zin zoz neci lo̱o̱c.

Roma 13:12

Ogon i̱i̱te̱ni̱ ci kabahe naga lo̱o̱ta̱ ngatu kiwagon ba̱a̱li̱ni̱ ci okko aliz looci ataman. Abunna kabiliz mu̱nye̱n cik ogon ol ba̱a̱l, kar ku̱tu̱gu̱z kaal cik abunna ogon ol waz.

2 Ko̱ri̱nto̱ 10:4

Iróng koyoi ol kiwagon aciiri ming oor illa turete lo̱o̱ta̱ ngatu. Abarik, kooryya ol wak adang zoz ci Ta̱mu̱ta̱dde̱no̱ go̱o̱le̱ ci aave do̱, iróng ne̱ke̱ e̱e̱ggi̱n turet cik lo̱o̱tu̱. Abarik kanyak komiz ci zoz ci Ta̱mu̱ta̱dde̱no̱ ci ommog modden do̱o̱k, kidita zin zoz ci adawanet nege agita,

Evesos 5:16

Ming amudannu gool ci ogonnu kaal cik abunna, u̱tu̱gu̱z e̱co̱de̱ niko, eci i̱i̱nya̱ ne̱ko̱ izeto gerze.

Evesos 5:6

Ma anyikku e̱e̱t imma kalabaung zo̱ze̱ ci iróng een de̱de̱. Eci Ta̱mu̱ta̱dde̱n abure nong zo̱ze̱ ci een volong, a̱kku̱ de̱zi̱ne̱t ci Ta̱mu̱ta̱dde̱no̱ i̱i̱na̱k e̱e̱t ci iróng o̱ngo̱o̱le̱ nonno ming ozoz zoz ci iróng een de̱de̱.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

Je̱mi̱s 4:7

Aanycik zin e̱le̱tti̱ ciggo̱k Ta̱mu̱ta̱dde̱n. Utuburet lo̱rye̱ni̱t, kar atin enne ki̱vi̱ru̱ng.

1 Peturu 4:1

Ki i̱yo̱ko̱ baling apirna ele ci Ki̱ri̱sto̱ lo̱o̱ta̱ ngatu, a̱vvu̱t ju̱rru̱m, apirnannu atin niga ki i̱yo̱ko̱ enne ko̱ bu̱k, eci pirnanet ci ele cinne i̱ye̱le̱kke̱t i̱ti̱vi̱la̱ enne mu̱nye̱n cigga̱c.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.

O̱no̱zzo̱k 6:17

Eci i̱ki̱ya̱ i̱i̱te̱ni̱ ci a̱ddi̱ki̱re̱ omozine nege (omozine Ta̱mu̱ta̱dde̱n ki Nyoon), ngene wo̱ye̱ ci abile ngu̱me̱ cinne̱ng?”