Evesos 6:12 - Tennet

¹² Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

Evesos 6:12 ပူးပေါင်းရင်းမြစ်များ

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Marko 4:19

ma̱i̱je̱ ming i̱no̱n nege kaal wak baizak, ki lu̱te̱ne̱t wa oronge e̱e̱ti̱ kize jaitot, okko zoz necu adudut zoz bali izik e̱e̱ti̱ ke̱, kar zoz neci iróng ngen anyaha zoz ci abunna.

Lu̱ka̱ 13:24

“U̱tu̱gu̱z li̱ngli̱ngo̱n do̱o̱k kar i̱tto̱z tatug ci luduci, ka̱du̱wa̱kku̱ng anna i̱ge̱ta̱, eci ol cik meelek orong atin ki̱tto̱zo̱, iróng zin nege uule ki̱tto̱zo̱.

Lu̱ka̱ 22:53

Kaave anna ki i̱ge̱t odohize reene ci Ce̱e̱z wa Ta̱mu̱ta̱dde̱no̱, iróng zin niga atadikang a̱zzi̱t. Ma̱i̱je̱ i̱yo̱ko̱ een necu i̱i̱ cunno̱ng ci ogone kaala mu̱hu̱ra̱.”

Kaviyak wak Abunna Ta̱mu̱ta̱dde̱no̱ eher Joni 12:31

I̱yo̱ko̱ ize i̱i̱ ci ettedine lo̱ki̱ko̱ ci olli lo̱o̱tu̱, kar atin lo̱rye̱nti̱ ci abal lo̱o̱c cu ko̱ kottowe.

Kaviyak wak Abunna Ta̱mu̱ta̱dde̱no̱ eher Joni 14:30

Iróng ngen kozozi u̱u̱mu̱c, i̱ki̱ya̱ ngerrti lo̱rye̱nto̱ wa een alaan ci lo̱o̱tu̱. Iróng anyak komiz ci ommogja annita,

Kaviyak wak Abunna Ta̱mu̱ta̱dde̱no̱ eher Joni 16:11

I̱ye̱le̱k atin De̱me̱zo̱i̱ti̱ nogo zoz ci lo̱ki̱ko̱ ci etteddek Ta̱mu̱ta̱dde̱n alaan ci kuulou wa lo̱o̱c cu.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 8:38

Ka̱gga̱ anna ju̱rru̱m, i̱llo̱i̱ gi̱i̱ imma ci engeryet agit rezinte ci Ta̱mu̱ta̱dde̱no̱, iróng een ruget, icima daiz, iróng een anjilonya cik Ta̱mu̱ta̱dde̱no̱, icima kuulo cik lo̱rye̱nta̱k, iróng een kaal cik i̱yo̱ko̱ niko, icima kaal cik atin a̱vvu̱ vu̱rrta̱, icima doiz,

1 Ko̱ri̱nto̱ 15:50

Gotonogga ki ngonogga tu̱we̱nta̱, ka̱du̱wa̱kku̱ng zoz ci e̱le̱tti̱ cik kanyak naga lo̱o̱ta̱ ngatu ko̱, iróng atin aragiz ba̱a̱li̱ne̱t ci Ta̱mu̱ta̱dde̱no̱, ovvo e̱le̱tti̱ cik lo̱o̱tu̱ a̱da̱i̱ atin ko̱, i̱llo̱i̱ nogo ngin imma rugete ci aave udut.

2 Ko̱ri̱nto̱ 11:14

Iróng zin annit a̱ma̱li̱le̱ oo zo̱ze̱ necu, eci Sitani bu̱k ogon ele ki ci een anjilo ci Ta̱mu̱ta̱dde̱no̱.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

Ga̱la̱ti̱a̱ 1:16

kar ki̱ye̱le̱ya̱ Ngerinne, abunna ming kuwaheke ol wak iróng een Ya̱u̱d kaviyak cik abunna. Ngen anna ku̱du̱wa̱k e̱e̱t imma zoz necu.

Evesos 1:21

Imma nginati, anyak Ki̱ri̱sto̱ doiz ci abale kaal do̱o̱k lo̱o̱ta̱ ngatu ki bo̱do̱k atin ta̱mu̱-kenga.

Evesos 1:3

Abunna zin kinnat Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. A̱ma̱yu̱kke̱t enne agit bali ta̱mu̱-kenga ngati i̱tto̱na̱ne̱ Ki̱ri̱sto̱ kar kurubta ma̱yu̱we̱ne̱t ci Vongizo zo̱ze̱ cinne.

Evesos 2:2

Ogonnu kaal cik gerzek, annuyu olli lo̱o̱tu̱, irezzu lo̱rye̱ni̱t wa een alaan ci abal lo̱o̱c kaale do̱o̱k cik iróng nege irez Ta̱mu̱ta̱dde̱n.

Evesos 3:10

Kar zin i̱yo̱ko̱, i̱no̱n Ta̱mu̱ta̱dde̱n kar ki̱ye̱la̱k genyiz cinne ol ke̱le̱ci̱a̱nya̱i̱ kar genyizi cinne kaale do̱o̱k ka̱gga̱we̱ ngati alaat ki anjilonya cik abal kaal ta̱mu̱-kenga.

Kolosiya 1:13

Eci enne eelawet agit baize ci mu̱hu̱ri̱ kar kanyait ba̱a̱li̱ne̱t ci Ngerinne irez enne ko̱,

Kolosiya 2:15

Ommog zin Ye̱su̱ ddi̱ki̱ryyo̱k ki alaat cik lo̱o̱tu̱, kar kaara ngatinne̱ng doiz ki di̱ngdi̱ngo̱n go̱o̱le̱ ci a̱da̱kne̱ enne ta̱la̱ke̱ca̱. Adak zin a̱li̱ya̱ni̱ nogo orgene ci ollu.

2 Ti̱mo̱te̱yo̱ 2:5

Ming ngen e̱e̱ti̱ ci a̱vi̱r kedeca vi̱ra̱, iróng ol amuci, anyike ol atin nonno gi̱i̱ ci ijare enne ol vu̱rrta̱ ngati edeccai vi̱ra̱ go̱o̱le̱ ci a̱du̱wa̱ne̱ nege.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

I̱bu̱ru̱ 12:4

Imma ngati a̱gi̱dde̱t mu̱nye̱na̱ ko̱ nu̱nu̱n, ngen e̱e̱ti̱ imma ngatinno̱ng ka̱da̱k ki bali Ye̱su̱ ke̱.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.