Evesos 5:25 - Tennet

²⁵ Abunna e̱e̱ti̱ ci maci ming irez ngaa cinne ki i̱yo̱ko̱ ming irez Ki̱ri̱sto̱ ol wak a̱tu̱we̱ kar kanyik ele cinne kize wawac zo̱ze̱ cinne̱ng.

Evesos 5:25 ပူးပေါင်းရင်းမြစ်များ

Kananet 2:24

Eci zo̱ze̱ necu, ungnek atin e̱e̱ti̱ ci maci baatinne ki yaatinne lo̱o̱c kar koot kurumet baiz ki ngaa cinne, kar nege kizeto ele co̱de̱.

Kananet 24:67

Uwe zin I̱sa̱ko̱ Rebekah ti̱te̱ bali abahe yaatinne Sarah ke̱, kar zin kabaito ki nonno. Ize zin enne ngaa cinne, irez enne nonno oroot; kar I̱sa̱ko̱ kobodai zinin daize bali yaatinne ke̱.

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Kaviyak wak Abunna Ta̱mu̱ta̱dde̱no̱ eher Joni 6:51

Ke̱e̱ni̱ anna da̱i̱ne̱t wa rugeto, kalucai ta̱mu̱-kenga. Ming adak e̱e̱ti̱ imma da̱i̱ne̱t ne̱ko̱, abak atin enne udut. Een da̱i̱ne̱t ciko ele cinanni, ci kanyike kize ruget ci olli lo̱o̱tu̱.”

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 2:20

Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

Evesos 5:24

Anyik ngaa kizik zoz ci e̱e̱t cinne arrak oowa odohize, ki i̱yo̱ko̱ ol wak a̱tu̱we̱ ming aziye zoz ci Ki̱ri̱sto̱ arrak oowa odohize.

Evesos 5:28

Ogon zin bo̱do̱k niko, anyik e̱e̱t kirez ngaa cinne ki i̱yo̱ko̱ ming irez enne ele cinne manyi ko̱. Imma e̱e̱ti̱ ci irez ngaa cinne i̱ye̱la̱ de̱de̱ ming irez enne ele cinne.

Evesos 5:33

I̱yo̱ko̱ zin, i̱ya̱bzo̱ni̱ku̱ng abarik zoz necu i̱ge̱t e̱le̱tti̱, abunna e̱e̱ti̱ ming irez ngaa cinne ki i̱yo̱ko̱ ming irez enne ele cinne ko̱. Abunna bo̱do̱k ngaa ming aziye zoz ci e̱e̱t cinne ju̱rru̱m.

Kolosiya 3:19

Aanycik ol cik macik kirezit ngaai cigge̱k. Ma odomnyu nogo.

1 Ti̱mo̱te̱yo̱ 2:6

ci aanyik zin enne ele cinne kize wawac, ku̱ru̱we̱ ka̱da̱k kar kaara ol mu̱nye̱n, a̱kku̱ zoz necu go̱o̱le̱ ci orong Ta̱mu̱ta̱dde̱n.

1 Peturu 3:7

Anycik ol cik macik go̱o̱le̱ necu bu̱k ko̱to̱ngo̱o̱ltte̱ ngaai cigge̱k ming abakku bu̱k ko̱, i̱ti̱ri̱zze̱t nogo labak kizeto ngaai, kar niga do̱o̱k ozolit ruget ci aave udut, ki bali amuccu̱ng Ta̱mu̱ta̱dde̱n i̱ge̱ta̱ rugeta ko̱, kar atin i̱llo̱i̱ gi̱i̱ imma ci alam lawinet cunno̱ng ngati Ta̱mu̱ta̱dde̱no̱.

O̱no̱zzo̱k 1:5

kar bo̱do̱k ngati Ye̱su̱ Ki̱ri̱sto̱ kize bbacait wa abunna, wa een a̱bu̱ ci ingazi daiza oowa, kar bo̱do̱k kize Alaan ci alaat cik lo̱o̱tu̱ do̱o̱k. Irezet Ye̱su̱ Ki̱ri̱sto̱ kar zin kaara mu̱nye̱n cigga̱c bi̱ye̱te̱ ciginnek,

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.