Evesos 5:21 - Tennet

²¹ Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

Evesos 5:21 ပူးပေါင်းရင်းမြစ်များ

Kananet 16:9

Iizek zin anjilo ci Manyi nonno ne, “Mi̱re̱ bit ngati ddi̱ki̱ryo̱i̱t cunne kar abunna ming o̱ngo̱o̱le̱ nonno.”

1 Ko̱ri̱nto̱ 16:16

abunna ming o̱ngo̱o̱li̱nnu̱ lo̱ddi̱ki̱re̱ cik ogon ki nege, kar uggak ku̱tu̱gu̱zzo̱ ki i̱yo̱ko̱ ming ogonnu niga ko̱.

2 Ko̱ri̱nto̱ 5:11

Ki i̱yo̱ko̱ ming ka̱gga̱ naga zoz ci ko̱ngo̱o̱li̱ne̱ Manyi ko̱, korongnyya la̱du̱n kanyakta ol Manyi. A̱gga̱ Manyi baiz cinna ki kaal cik kedemez naga ko̱, karike zin anna zinin a̱gga̱yyu̱ niga bu̱k baiz cinna̱ng.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Evesos 5:22

Ngaai, iziyyet macwa cuggo̱k ki i̱yo̱ko̱ ming aziknnu niga Manyi Ki̱ri̱sto̱ ko̱.

Evesos 5:24

Anyik ngaa kizik zoz ci e̱e̱t cinne arrak oowa odohize, ki i̱yo̱ko̱ ol wak a̱tu̱we̱ ming aziye zoz ci Ki̱ri̱sto̱ arrak oowa odohize.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

1 Ti̱mo̱te̱yo̱ 2:11

Anyik ngaai wak a̱tu̱ zoz ci Ta̱mu̱ta̱dde̱no̱ kizeto gunune kar ke̱de̱me̱zi̱t kaal cik meelek ngati ijaine nege.

1 Ti̱mo̱te̱yo̱ 3:4

Abunna ming een e̱e̱t ci abal orog wainne ju̱rru̱m, kar dooli kiziyet ti̱lo̱wi̱ne̱t wainne ju̱rru̱m kar bo̱do̱k ko̱to̱ngo̱o̱ltte̱ nonno.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

1 Peturu 2:13

Aanycik e̱le̱tti̱ ciggo̱k alaat zo̱ze̱ ci Manyi, abunna ming elemannu alaanzet ci e̱e̱t ci diiri a̱gga̱me̱ lo̱o̱c ngatu ko̱ do̱o̱k, ommogje alaan ci riili oroot.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”