Evesos 5:16 - Tennet

¹⁶ Ming amudannu gool ci ogonnu kaal cik abunna, u̱tu̱gu̱z e̱co̱de̱ niko, eci i̱i̱nya̱ ne̱ko̱ izeto gerze.

Evesos 5:16 ပူးပေါင်းရင်းမြစ်များ

Kananet 29:7

Ize zin Ya̱ko̱bo̱ ne, “Icinnet, ngen koor aave ta̱dde̱na̱; ngane i̱i̱ ci kalute kaal. Uuduzet eeza kar o̱o̱tte̱ koot kegec.”

Ma̱te̱yo̱ 25:17

Uwe bo̱do̱k du̱ca̱i̱ti̱ wa anyak lodet rama cik een dhahab ko̱ lodet ne̱ke̱ uk i̱li̱ngli̱nge̱, bak otorye lodetta cik een dhahab ko̱ kizeto lodet we̱c.

Kaviyak wak Abunna Ta̱mu̱ta̱dde̱no̱ eher Joni 12:35

Izek zin Ye̱su̱ nogo ne, “Okko atin tukuleci arrak abakku ki i̱ge̱t ngintidici. Owoyyu, imma ngatu tukuleci aave go̱o̱le̱ cunno̱ng, kar mu̱hu̱ri̱te̱ni̱ iróng aave go̱o̱le̱ cunno̱ng, eci e̱e̱ti̱ ci owo mu̱hu̱ri̱te̱na̱ iróng a̱gga̱ gool ci okkoye enne.

Roma 13:11

U̱tu̱gu̱z kaal ne̱ko̱ do̱o̱k, a̱gga̱c i̱i̱te̱n necu ju̱rru̱m, eci i̱i̱te̱ni̱ necu ci kar ki̱ti̱ri̱ze̱t Ta̱mu̱ta̱dde̱n agita ize ojon oroot kommog i̱i̱te̱n bali ka̱tu̱we̱ naga Ye̱su̱ arrak oowa ke̱.

1 Ko̱ri̱nto̱ 7:26

Eci i̱yo̱ko̱ u̱la̱le̱ looci, abunna zin abarik ming abakku niko.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

Evesos 6:13

I̱yo̱ko̱ zin, a̱gga̱mi̱t i̱be̱n cik Ta̱mu̱ta̱dde̱no̱ kar inimet illa ci lo̱rye̱nto̱ ming i̱ki̱ya̱ i̱i̱te̱ni̱ neci. Akatek zo̱o̱ lo̱o̱c, i̱li̱ngli̱nge̱t kaal cik a̱a̱nyu̱ng Ta̱mu̱ta̱dde̱n do̱o̱k, kar ommogit lo̱rye̱ni̱t.

Evesos 6:15

Uwait kaviyak cik abunna Ta̱mu̱ta̱dde̱no̱ anyaha gano, aanycik ku̱tu̱gu̱zzo̱ ki caava cik aimnyu niga zoone.

Kolosiya 4:5

Abait genyiza ki ol wak iróng a̱tu̱we̱; ming ovvo niga amudannu gool ci uwahekku nogo kaviyak, u̱du̱kta̱k ju̱rru̱m.