Evesos 4:31 - Tennet

³¹ Utungtek zoz ci avarace e̱e̱ti̱ kutubur nong oroot ko̱ lo̱o̱c. Utungtek gernyi ki burnenet nong ki dominet lo̱o̱c.

Evesos 4:31 ပူးပေါင်းရင်းမြစ်များ

Kananet 27:41

Amaroi zin I̱sa̱u̱ gotoni Ya̱ko̱bo̱ eci enne aama nonno ma̱yu̱we̱ne̱t ci aanyik baatinne nonno. A̱nne̱k zin enne ele cinne ne, “Ize ojon i̱i̱nya̱ cik ovvo naga ka̱lu̱we̱ baba; kar atin anna ku̱ru̱k gotona Ya̱ko̱bo̱ ka̱da̱k.”

Kananet 37:21

Baling izik Reubeni zoz neci, i̱ki̱ya̱ orong keela nonno azzine cigge̱k. Ize enne ne, “Gerza ming ka̱ru̱k nonno ka̱da̱k.

Kananet 37:4

Baling icinnet gotonoggja irez be̱e̱ti̱nne̱ng Yosevo oroot kommog nogo do̱o̱k, amartoi zin nege nonno kar gon kozozek nonno gerzet.

Kananet 4:8

Izek zin Kaini Abel ne, “Koo da̱ kotoz ku̱ju̱ke̱t zo̱o̱.” Ma baling otozo orog reena, i̱li̱bo̱zi̱k zin Kaini Abel kar ku̱ru̱k ka̱da̱k.

Buk wa To̱ni̱a̱u̱ 21:30

A̱vi̱ra̱ ol do̱o̱k orgato go̱o̱lo̱we̱ do̱ do̱. Baling a̱gga̱mi̱t nege Pa̱u̱lo̱, u̱tu̱gu̱rta̱ nonno Ce̱e̱ze̱ wa Ta̱mu̱ta̱dde̱no̱, ki aran ming anyuge ataman.

Roma 3:14

“Abbize zoz ci een to̱ri̱ne̱t ki mozinet u̱tu̱ge̱tti̱ cigge̱k do̱ niko.”

1 Ko̱ri̱nto̱ 14:20

Gotonogga ki ngonogga tu̱we̱nta̱, ma i̱no̱nnu̱ kaal cik gerzek ki i̱yo̱ko̱ dooli cikidik ko̱. Utungtek i̱no̱ni̱ ci gerze lo̱o̱c, abarik abunna ming anyakku i̱no̱ni̱ ci abunna ki ol wak a̱ddi̱ki̱re̱.

1 Ko̱ri̱nto̱ 5:8

I̱yo̱ko̱ zin, ma adakku kwo̱o̱r go̱o̱le̱ ci anyakku marnonet ki mu̱nye̱n ki i̱yo̱ko̱ nyigita cik meertak reentik ko̱, abarik adait kwo̱o̱r go̱o̱le̱ ci abunna een de̱de̱ ci iróng anyak nyigit cik meertak.

2 Ko̱ri̱nto̱ 12:20

Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

Ga̱la̱ti̱a̱ 5:20

ala e̱e̱ti̱ to̱do̱yyo̱k, owo e̱e̱ti̱ ngarrete, anyak e̱e̱ti̱ mootiz, amarine e̱e̱ti̱ dango, a̱ppwa̱ e̱e̱t zinin kaale cik ollu, adunye zinin ci e̱e̱to̱ ataman, anyak e̱e̱ti̱ meder, irez e̱e̱ti̱ ele cinne do̱, enger e̱e̱ti̱ lo̱o̱c, abak ki ol wak elemi zoz cinne,

Evesos 4:22

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng.

Evesos 4:25

Imma zin baize ci een jor ko̱, ma ngen bo̱do̱k ovolongnyu, abunna gon ming a̱du̱wa̱k e̱e̱ti̱ gooni zoz ci een de̱de̱, eci naga do̱o̱k kurumte kizeto ele co̱de̱ ngati Ye̱su̱.

Evesos 4:26

“Imma ming ette aburnnu nong zo̱ze̱ emani, ma anyikku burnenet nong kuwuyung mu̱nye̱ne̱.” Ma ovvoyyu ungnyahe ming ngen aburnnu nong,

Kolosiya 3:19

Aanycik ol cik macik kirezit ngaai cigge̱k. Ma odomnyu nogo.

Kolosiya 3:8

Imma zin i̱yo̱ko̱, abunna ming odotekku kaal ne̱ko̱ do̱o̱k lo̱o̱c: burnenet nong, zi̱nze̱tti̱ cik mu̱hu̱ri̱k, baizzok cik a̱mu̱we̱, ki zoz ci volongo a̱mu̱we̱ iyowa u̱tu̱ge̱tti̱ne̱ cuggo̱k.

1 Ti̱mo̱te̱yo̱ 3:11

Anyik ngaai cik ol wak een kuye kabait baiz ci abunna, iróng ozoz ol volonga. Anyik kizeto gunune kar ku̱zu̱tte̱ zoz ci Ta̱mu̱ta̱dde̱no̱ ju̱rru̱m.

1 Ti̱mo̱te̱yo̱ 3:3

Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

1 Ti̱mo̱te̱yo̱ 5:13

Kar gon ku̱lu̱cce̱t orog to eci i̱llo̱i̱ gi̱i̱ ci ogoni. Abarik aggir volong kar kilamtozzik no̱ngi̱tto̱n cik ollu kar ku̱du̱kta̱ zoz ci iróng agano ki zoz.

2 Ti̱mo̱te̱yo̱ 2:23

Ma i̱i̱zo̱ dango ci adangone ol darace, eci okko anyaha jo̱o̱re̱.

2 Ti̱mo̱te̱yo̱ 3:3

Iróng irez ol, iróng alalnek e̱e̱t imma, anyak volong, iróng anyak urutoit zoza, anyak mootiz. Amarine zoz ci een de̱de̱.

Ti̱to̱ 1:7

Abunna ming abak baiz ci emede eci enne een tuwayoit ci Ta̱mu̱ta̱dde̱no̱. Gerza ming idica zinin, gerza ming een bba̱kco̱i̱t, gerza ming een e̱e̱t ci jo̱o̱re̱ttu̱, gerza ming anyak zinin ci a̱ppwe̱ o̱ro̱bi̱ya̱i̱.

Ti̱to̱ 2:3

Ti̱lo̱ bo̱do̱k ngaai wak a̱ddi̱ki̱re̱ bu̱k kar kabaito baiz wa ngaai cik elemtta Ta̱mu̱ta̱dde̱n. Gerza ming omomot ol volonga, gerza ming een bba̱kco̱k. Abarik abunna ming edemez ol kaal cik abunna.

Je̱mi̱s 1:19

Gotonogga ki ngonogga tu̱we̱nta̱, iziyyet zoz cu ju̱rru̱m: Abunna gon e̱e̱ti̱ ming aziye zoz ataman, ma a̱li̱bo̱ni̱k zoz, ma adunya zinin ataman,

Je̱mi̱s 3:14

Ma̱i̱je̱ ming alugunyi i̱nna̱ meder ki rezinet ele cunne do̱ zinine cunne, ma odongi ele cunne zo̱ze̱ neci icima amikzene zoz ci een de̱de̱.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

1 Jon 3:12

Ma ogonnu ki bali Kaini, abak baiz ci lo̱rye̱nto̱ kar ku̱ru̱k gotoni ka̱da̱k. Nya ming amuny enne gotoni ko̱? Amuny enne gotoni eci baizi cinne gerza, imma gotoniya ogon kaal cik abunna.

1 Jon 3:15

Ming amarine e̱e̱ti̱ imma gotoni, een enne e̱e̱t ci a̱ru̱k ol, a̱gga̱yyu̱ niga iróng e̱e̱ti̱ ci a̱ru̱k ol ko̱ amuda baiz wa aave udut.

O̱no̱zzo̱k 12:10

Kar zin anna kizik muluk ci a̱ppwe̱ ta̱mu̱-kenga, azi ne, “I̱yo̱ko̱ i̱ki̱ya̱ ti̱ri̱ze̱ne̱t ki doiz ki ba̱a̱li̱ne̱t ci Ta̱mu̱ta̱dde̱no̱, ki alaanzet ci Ki̱ri̱sto̱ cinne. Eci e̱e̱ti̱ ci ovolonge ol wak a̱tu̱we̱, ci gon ovolonge nogo ngati Ta̱mu̱ta̱dde̱no̱ ba̱a̱li̱n ki wazin ko̱, u̱ju̱ko̱zi̱k lo̱o̱c.