Evesos 4:29 - Tennet

²⁹ Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Evesos 4:29 ပူးပေါင်းရင်းမြစ်များ

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Lu̱ka̱ 4:22

Ozozit zin ol do̱o̱k ju̱rru̱m zo̱ze̱ cinne, kar ku̱ku̱lte̱k je̱e̱n zo̱ze̱ ci deten ci iyowa utuge cinne. I̱jji̱nto̱ zin nege, “Iróng necu een ngerrti Yosevo?”

Kaviyak wak Abunna Ta̱mu̱ta̱dde̱no̱ eher Joni 1:37

Baling iziyyet nuyaha waginnek zoz neci, unuwet Ye̱su̱ niko.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

1 Ko̱ri̱nto̱ 14:19

Abarik ming kalayye ke̱le̱ci̱a̱ ki ol, maya ming kozozi zo̱zzo̱k cik een tu̱r a̱gga̱ ol do̱o̱k ke̱ngti̱, ngati wo̱ye̱ kozoze zo̱zzo̱k i̱bbo̱nge̱t omoto (10,000) utuge ci iróng ol a̱gga̱ ke̱ngti̱.

Evesos 4:12

kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Evesos 4:16

ci eliyo, Ki̱ri̱sto̱ zin ci a̱gga̱ ele do̱o̱k kar kaanyik ki̱li̱ngli̱nge̱t ju̱rru̱m, ngati ingane e̱e̱ti̱ kokkom eci enne anyak rezinet.

Kolosiya 4:6

Ming ozozonnu ki ol, aanycik zo̱zzo̱k cuggo̱k kizeto zo̱zzo̱k cik abunna atalne ol, kar wo̱ye̱ niga a̱gga̱c gool ci abarizekku ol do̱o̱k.

1 Te̱se̱lo̱ni̱ka̱ 5:11

I̱yo̱ko̱ zin i̱ti̱lo̱zzo̱ e̱le̱tti̱ kar i̱ti̱lo̱z ol do̱o̱k tu̱we̱nte̱ ci Ye̱su̱ bu̱k ki i̱yo̱ko̱ ming abakku ko̱.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 3:1

Niga ngaai, o̱to̱ngo̱o̱ltte̱ maccwa ciggo̱k, kar uggak cik abure zoz ci Ta̱mu̱ta̱dde̱no̱ ko̱, okko atin zoz cunno̱ng a̱tu̱yyu̱ niga Manyi ko̱ aanyik atin nogo kelemtta zoz ci Ta̱mu̱ta̱dde̱no̱ ci iróng niga a̱du̱wa̱kku̱ nogo.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.