Evesos 4:28 - Tennet

²⁸ Anyik e̱e̱t ci bali gon een ogoryait kutungek ogor lo̱o̱c, abunna akane li̱ngli̱ngo̱n eliye cinne kar kumuda kaal cik orong enne go̱o̱le̱ ci abunna, kar gon enne kumuc ol u̱gge̱ bu̱k.

Evesos 4:28 ပူးပေါင်းရင်းမြစ်များ

Lu̱ge̱z 20:15

“Ma ogorze.

Lu̱ge̱z 20:17

“Ma anyai zinin ci a̱ppwe̱ ce̱e̱ze̱ ci e̱e̱t imma. Ma amanik ngaa ci locari cunne, icima du̱ca̱i̱t ci nga̱a̱ye̱ icima ci maci cik a̱li̱ngli̱ng ce̱e̱ze̱ cinne, ma arik bo̱do̱k zinin tomot, icima zi̱gi̱r icima kaal cik anyak locari cunne.”

Lu̱ka̱ 19:8

Ma̱i̱je̱ Zakayosi itinga je̱e̱na̱ kar kizek Manyi ne, “Cinno, Manyi, kengeri atin anna kaal cigannik gegera kar kanyik ol wak amati, kar ming ku̱lu̱ta̱ da̱ ba̱li̱ye̱ e̱e̱t imma gi̱i̱ye̱ emani, ka̱ru̱i̱ atin anna o̱ro̱bi̱ya̱ ne̱ke̱ lak we̱c.”

Lu̱ka̱ 3:8

U̱tu̱gu̱z kaal cik abunna ming uturtau niga mu̱nye̱n ciggo̱k ko̱. Ma ngen a̱nne̱kku̱ e̱le̱tti̱ ciggo̱k ne, ‘Kanyaka naga Aburaham kize be̱e̱ti̱nna̱ng.’ Eci anna ka̱du̱wa̱kku̱ng i̱yo̱ko̱, adiman wo̱ye̱ Ta̱mu̱ta̱dde̱n dooli cik Aburahami biyene ne̱ko̱.

Kaviyak wak Abunna Ta̱mu̱ta̱dde̱no̱ eher Joni 12:6

A̱du̱wa̱ Judasi zoz necu gaganiko, iróng enne edeconik ol wak amati, eci een enne ogoryait, nonno ci a̱gga̱m o̱bo̱n ci o̱ro̱bi̱ya̱u̱, kar gon keelai ele.

Kaviyak wak Abunna Ta̱mu̱ta̱dde̱no̱ eher Joni 13:29

I̱no̱n uggak ngatinne̱ng eci Judasi a̱gga̱m o̱bo̱n ci o̱ro̱bi̱ya̱u̱, a̱nne̱k i̱yo̱ko̱ Ye̱su̱ nonno ne, “Tuwa da̱i̱ne̱t cik kwo̱o̱ra̱k,” icima anyik kanyik o̱ro̱bi̱ya̱ u̱gge̱ ol cik amati.

Roma 12:13

Ming anyakku kaal, eelta ol cik Ta̱mu̱ta̱dde̱no̱ amati, anyik e̱re̱nno̱k ki̱vi̱ta̱ ce̱e̱zi̱ cuggo̱k.

1 Ko̱ri̱nto̱ 4:12

Ka̱li̱ngli̱ngnya̱ naga oroot azzine cigga̱k. Kar gon ming otoryet ol, ka̱ma̱yu̱ka̱ nogo; ming a̱gi̱dde̱t ol, kanimnya gi̱de̱ne̱t cinne̱ng.

2 Ko̱ri̱nto̱ 8:12

Ming orong e̱e̱ti̱ ki̱ti̱ri̱z gonoggi kaale cik anyai, abunna ming anyike nogo kaal cik ette anyak enne zinine cinne do̱o̱k. Atalne Ta̱mu̱ta̱dde̱n ngati e̱e̱t ci anyike ol kaal talninta, iróng angija.

2 Ko̱ri̱nto̱ 8:2

Ming amati ol ne̱k a̱tu̱we̱ ko̱ nu̱nu̱n, abak talninta odohize, i̱i̱rke̱, eela ol u̱gge̱ wak a̱tu̱we̱.

Ga̱la̱ti̱a̱ 6:10

I̱yo̱ko̱ zin, ming aanyyet Ta̱mu̱ta̱dde̱n gool imma, ku̱tu̱gu̱zze̱k ol do̱o̱k kaal cik abunna, ommogje ol wak a̱tu̱ zoz ci Ki̱ri̱sto̱.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

Ti̱to̱ 3:14

Anyik ol cigga̱c ke̱de̱me̱zi̱t zoz ci li̱ngli̱ngo̱nto̱, abunna ming edemezek e̱le̱tti̱ zoz ci eelanne nege ol cik apirna.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.